1 Juan 5:11 - DIOSPA QHELQACHISQ

¹¹ Tata Diospa sut'inchasqanqa kay jinamin: Diosqa wiñay kawsayta qowasqanchej, chay wiñay kawsaytataj Churinpi atinikuspa jap'inchej.

Qheshwa Biblia DC

¹¹ Kaytaj chay willayqa: Dios wiñay kausayta qowasqanchej, kay wiñay kausaytaj Churimpi kashan.

DIOSPA QHELQACHISQAN DEUTEROCANONICAL

¹¹ Tata Diospa sut'inchasqanqa kay jinamin: Diosqa wiñay kawsayta qowasqanchej, chay wiñay kawsaytataj Churinpi atinikuspa jap'inchej.

Quechua South Bolivia: Dios Parlapawanchej

¹¹ Dios willan wiñay causayta kowaskanchejta paypi jap'icojcunaman. Cay causaytaj Wawan Jesucristomanta jamun.

1 Juan 5:11 Referans Kwoze

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

1 Juan 2:25

Chaymá chay wiñay kawsayqa, mayqentachus kikin Jesucristo qonawanchejta nerqa, chay.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

1 Juan 4:9

Tata Dios munakuwasqanchejta kay jinamanta rejsichiwarqanchej: Uj k'ata Churinta kay pachaman kachamorqa, paypi atinikuspa wiñay kawsayniyoj kananchejpaj.

San Juan 1:4

Simi Nisqa sutiyojtaj tukuy ima ruwasqa kajman kawsayta qorqa, chay kawsaynintaj k'anchay jina runakunaman Diosmanta sut'ita rikuchin.

1 Juan 5:10

Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

San Juan 19:35

Chayta rikojqa testigo jina imatachus rikusqanta willarqa, chay willasqantaj mana llullachu. Payqa maychus kajta parlan, qankuna chayta jap'ikunaykichejpaj.

San Juan 10:28

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

San Juan 6:68

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

San Juan 5:26

Imaynatachus Tata Diosqa pay kikinpi kawsayniyoj, ajinallatataj Churinmanpis atiyta qorqa pay jinallataj kawsayniyoj kananpaj.

Judas 1:21

Chantá Diospa munakuyninpi kallaychejpuni, jinallataj Tukuyta Kamachej Jesucristo wiñay kawsayman pusanawanchej p'unchayta suyaychej, imaraykuchus pay may jinata khuyakuwasunchej.

1 Juan 5:7

Jinapuni kasqanta sut'inchajkunaqa kinsa kanku:

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

1 Timoteo 1:16

Ajina kashajtiypis, Dios khuyarikuwarqa, ajinamanta Jesucristo noqapiraj jatun paciencianta rikuchinanpaj. Ajinata ruwarqa, pikunachus aswan qhepanejman paymanta jap'ikuspa wiñay kawsayniyoj kananku karqa, chaykunapaj.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

3 Juan 1:12

Wawqenchej Demetriomanta tukuy allinta parlanku, Diosta kasuspa purisqanpis chaymanta yachayta qollantaj. Noqaykupis paymanta jinallatataj parlayku. Qankunataj yachankichej willasqaykoqa ajinapuni kasqanta.

San Juan 12:50

Noqa yachani Tataypa kamachisqanta kasojkunaqa wiñay kawsayman yaykunankuta. Chayrayku Tatay tukuy imatachus parlanayta kamachiwasqanta qankunaman willarqaykichej, nispa.

San Juan 6:40

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

Apocalipsis 22:1

Chay qhepata angelqa kawsaj yakuyoj ch'uwa mayuta rikuchiwarqa, cristal jina lliphipejta, mayqenchus Diospa kamachina tiyananmanta, chantá Corderojmantawan llojsimusharqa, chayta.

Apocalipsis 1:2

Chantá Juan chay tukuy imata rikusqanmanta testigo jina willarqa Diospa nisqanmanta, chantá Jesucristoj willasqanmanta ima.

San Juan 6:47

Noqataj kayta sut'ita niykichej: Pichus noqapi atinikojqa wiñay kawsayniyoj.

San Juan 5:21

Imaynatachus Tata Dios wañusqakunata kawsarichispa, kawsayta paykunaman qon, ajinallatataj Churinpis, pikunamanchá kawsayta qoyta munan, chaykunaman qon.

San Juan 4:36

Pichus ruthojmanqa sumaj pagota paganku. Oqharisqanku poqoytaj runakuna kanku, pikunachus wiñay kawsayman yaykonqanku, chaykuna. Ajinaqa pichus tarpojwan, chajrata oqharejwan ima khuska kusikonqanku.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

Romanos 5:21

Ajinaqa jucha atiyniyoj karqa tukuy runakuna wañuyta rejsinankupaj. Ajinallataj kunanqa Diospa qhasilla k'acha yanapayninpis atiyniyojllataj, runa Diospa ñawpaqenpi cheqanpaj qhawasqa kananpaj. Chantá Jesucristonejta Dioswan allinyachisqa kasqanchejrayku noqanchej wiñay kawsayta jap'inchej.

San Juan 1:19

Chaypacha Jerusalenmanta judiokunaj kurajninkukuna kacharqanku sacerdotekunata, chantá levitakunata ima Juanta tapunankupaj: Pitaj qan kanki? nispa.

San Juan 4:4

Galileaman rinankupajqa Samaria jap'iynejtapuni rinanku karqa.

1 Juan 4:10

Cheqatapuni munakunaqa ajinamin: Mana noqanchejchu Diosta munakorqanchej, manachayqa Diosmin munakuwarqanchej. Chayrayku pay Churinta kachamorqa wañusqannejta juchanchejta pampachananpaj.