1 Juan 4:9 - DIOSPA QHELQACHISQ

⁹ Tata Dios munakuwasqanchejta kay jinamanta rejsichiwarqanchej: Uj k'ata Churinta kay pachaman kachamorqa, paypi atinikuspa wiñay kawsayniyoj kananchejpaj.

Qheshwa Biblia DC

⁹ Kay jinamanta Diosqa munakuyninta rikuchiwarqanchej: Uj k'ata Churinta kachamusqampi paynejta kausananchejpaj.

DIOSPA QHELQACHISQAN DEUTEROCANONICAL

⁹ Tata Dios munakuwasqanchejta kay jinamanta rejsichiwarqanchej: Uj k'ata Churinta kay pachaman kachamorqa, paypi atinikuspa wiñay kawsayniyoj kananchejpaj.

Quechua South Bolivia: Dios Parlapawanchej

⁹ Dios c'ata Wawanta cay pachaman cachamorka paynejta wiñay causayniyoj cananchejpaj. Ajinapi yachanchej pay munacuwaskanchejta.

1 Juan 4:9 Referans Kwoze

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

1 Juan 5:11

Tata Diospa sut'inchasqanqa kay jinamin: Diosqa wiñay kawsayta qowasqanchej, chay wiñay kawsaytataj Churinpi atinikuspa jap'inchej.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunanpaj. Ajina chayqa, manachu Churinwan khuskata tukuy imatawan qowasunmanri?

San Juan 6:57

Kachamuwaj Tatayqa kawsajmin, noqataj paynejta kawsani. Ajinallatataj noqata mikhuwajqa noqanejta kawsanqa.

1 Juan 4:10

Cheqatapuni munakunaqa ajinamin: Mana noqanchejchu Diosta munakorqanchej, manachayqa Diosmin munakuwarqanchej. Chayrayku pay Churinta kachamorqa wañusqannejta juchanchejta pampachananpaj.

1 Juan 3:16

Cheqatapuni munakuy imaynachus kasqantaqa kay jinamanta yachanchej: Jesucristo noqanchejrayku wañunanpaj kawsayninta jaywaykusqanpi. Ajinata noqanchejpis Jesucristota qhatikoj masinchejkunata yanapananchejrayku kawsayninchejta tukuchinanchej tiyan.

San Juan 10:10

Suwaqa ovejakunata suwanallanpaj jamun, wañuchinanpaj, tukuchinanpaj ima. Noqarí ovejakuna kawsanankupaj jamuni, chay qosqay kawsaytaj may sumaj kawsay kanqa.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

San Juan 3:18

Pillapis paypi atinikojqa mana juchachasqachu kanqa. Paypi mana atinikojrí ñapis juchachasqaña, Diospa k'ata Churinpi mana atinikusqanrayku.

Hebreos 1:5

Chayqa ajina, imaraykuchus Diosqa mana mayqen angelninmanpis nerqachu: Qanqa Churiy kanki, kunantaj noqa Tatayki kani, nispa. Nillataj mayqen angelmantapis nerqachu: Noqaqa paypa Tatan kasaj, paytaj Churiy kanqa, nispa.

San Juan 8:42

Chantá Jesús nerqa: Cheqapunichus Tata Diosniykichej kanman chayqa, noqata munakuwankichejman, imaraykuchus noqaqa Diosmanta jamuni, manataj noqallamantachu, manachayqa Dios kachamuwarqa.

San Lucas 4:18

Tukuyta Kamachej Diospa Espíritun noqapi kashan, imaraykuchus pay ajllawan sumaj willayta wajchakunaman willanaypaj. Chantá kachamuwan presokunaman kacharichisqa kanankuta willanaypaj, ñawsakunata qhawarichinaypaj, chantá ñak'arichisqa kajkunata qhespichinaypaj.

Marcos 12:6

Chay jinapi tukuypa qhepanta huertayojqa may munasqa churintañataj kachasqa, kay jinata yuyaspa: Churiytaqa respetanqankupuni, nispa.

1 Juan 4:16

Noqanchejqa may jinatachus Dios munakuwasqanchejta yachanchej, munakuwasqanchejpitaj atinikunchej. Diosqa cheqatapuni tukuyta munakojmin. Jinaqa pikunachus munakuspallapuni kawsajkunaqa Dioswan ujchasqa kawsakunku, Diostaj paykunapi kawsakun.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 6:29

Jesustaj paykunaman kuticherqa: Diosqa kayllata ruwanaykichejta munan: Kachamusqan Churinpi atinikunaykichejta, nispa.

San Juan 8:29

Kachamuwaj Tatayqa noqawan kashan, paytaj mana sapayta saqerpariwanchu, imaraykuchus paypa munasqanta ruwani, nispa.

San Juan 5:23

Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

Salmos 2:7

Noqaqa Tata Diospa kamachisqanta willasaj. Paymin niwan: Qanqa churiy kanki, kunantaj noqa tatayki kani.

Génesis 22:2

Chantá Dios nerqa: Munasqa churiyki Isaacta pusariykukuspa, Moriah sutiyoj cheqanejman riy. Chayman chayaspataj, churiykita q'olachispa, noqaman jaywawanki, may orqopichus nisqayki, chaypi, nispa.

San Juan 9:3

Chantá Jesús kuticherqa: Mana paypa juchanraykuchu, nitaj tatan mamanpa juchankuraykuchu kay runa ñawsa paqarerqa. Manachayqa pay ajina paqarerqa paypi Dios atiyninwan imatachus ruwananta rikunaykichejpaj.

1 Juan 5:13

Kay imakunata qhelqamuykichej, pikunachus Diospa Churinpi atinikunkichej, chaykunaman, ajinamanta wiñay kawsayniyoj kasqaykichejta yachanaykichejpaj.