1 Juan 4:2 - DIOSPA QHELQACHISQ

² Qankuna Diospa Espiritunpa yuyaychasqan kajtaqa kay jinamanta reparayta atinkichej: Pichus Jesucristo cheqapuni runaman tukuspa kay pachaman jamusqanta sut'ita rimarin chayqa, chay runamin Diospa Espiritunpa yuyaychasqan.

Qheshwa Biblia DC

² Kay jinapi rejsinkichej Diospa yuyayninman parlajta. Pillapis Jesucristo aychapi jamusqanta yachachejqa, Diosmanta.

DIOSPA QHELQACHISQAN DEUTEROCANONICAL

² Qankuna Diospa Espiritunpa yuyaychasqan kajtaqa kay jinamanta reparayta atinkichej: Pichus Jesucristo cheqapuni runaman tukuspa kay pachaman jamusqanta sut'ita rimarin chayqa, chay runamin Diospa Espiritunpa yuyaychasqan.

Quechua South Bolivia: Dios Parlapawanchej

² Kancunarí cayjinamanta atinquichej rejsiyta Santo Espirituwan ujchaska cajcunata. Pichari Jesucristo runaman tucuskanta sut'ita willajka Dios Espirituwan ujchaskamin.

1 Juan 4:2 Referans Kwoze

1 Corintios 12:3

Chayrayku kayta yachanaykichejta munani: Mana pipis Diospa Espiritunnejta parlajqa ninmanchu: Jesús maldicisqa kachun, nispa. Nillataj pipis niyta atinchu: Jesusqa Tukuyta Kamachejmin, nispa, manachus Santo Espíritoj yanapasqan kanman chayqa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

1 Juan 5:1

Tukuy pichus creen Jesusqa Diospa kachamusqan Cristo kasqanta chayqa, payqa Diospa wawan. Jinallataj Tata Diosta munakojqa Tataj wawankunatapis munakullantaj.

1 Juan 4:3

Pitajchus nin: Jesucristo kay pachaman mana runaman tukuspachu jamorqa, nispa chayqa, chay runaqa mana Diosmantachu, manachayqa Cristoj contranpi sayarejpa yuyaychasqan. Qankuna Cristoj contranpi sayarej kay pachaman jamunanmanta uyarerqankichejña, kunantaj payqa kay pachapiña.

1 Juan 2:23

Pichus Diospa Churinta qhesachajqa mana Tata Dioswanchu kashan. Pichus Churita Cristo kasqanta nejrí Tata Dioswan kashan.

1 Juan 1:2

Kawsayta qojmin rikuchikorqa, noqaykutaj payta rikorqayku. Kunantaj rikojkuna jina qankunaman chay wiñay kawsaymanta willayku. Payqa Tata Dioswan karqa, noqaykumantaj rejsichikuwarqayku.

1 Juan 4:15

Pillapis sut'ita rimarin Jesús Diospa Churin kasqanta chayqa, chay runaqa Dioswan ujchasqa kashan, Diostaj paypi tiyakun.

2 Juan 1:7

Ashkha q'otiyajkuna tukuynejpi purishanku, paykunataj ninku Jesucristo mana runaman tukuspachu kay pachaman jamusqanta. Pichus ajinata nejqa llullamin, Cristoj contranpi sayarejtaj.