1 Juan 3:20 - DIOSPA QHELQACHISQ

²⁰ Sonqonchejchus imallamantapis juchachawasunman chayqa, Diosqa sonqonchejmantapis aswanrajmin, jinataj pay tukuy imata yachan.

Qheshwa Biblia DC

²⁰ Sonqonchejchus imallamantapis k'amiwasunman chayqa, Dios astawan kuraj sonqonchejmanta nisqaqa, tukuy imatataj yachan.

DIOSPA QHELQACHISQAN DEUTEROCANONICAL

²⁰ Sonqonchejchus imallamantapis juchachawasunman chayqa, Diosqa sonqonchejmantapis aswanrajmin, jinataj pay tukuy imata yachan.

Quechua South Bolivia: Dios Parlapawanchej

²⁰ Sonkonchejpi yuyayninchej nokanchejta juchachacojtinpis reparana Dios aswan curaj caskanta yuyayninchejmantaka. Tucuy imatataj yachan.

1 Juan 3:20 Referans Kwoze

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

1 Corintios 4:4

Sonqoyqa mana imamantapis juchachawanchu. Chaywanpis chay mana niytachu munan noqa mana juchayojchu kasqayta. Aswanpis Dioslla juzgayta atiwan.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

Jeremías 23:24

Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Job 33:12

Ajinata nisqaykeqa mana cheqanchu, imajtinchus Diosqa runamanta nisqa astawan atiyniyoj.

San Juan 21:17

Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

Salmos 90:8

Mana allinta ruwasqaykoqa qanpa ñawpaqeykipi kashan. Pakaypi juchallisqaykutapis sut'iman orqhonki.

Tito 3:11

Qan yachanayki tiyan, chay runaqa cheqan ñanmanta karunchakusqanta, kikin juchallantaj payta juchachasqanta.

Job 27:6

Noqaqa cheqanta ruwaj kasqayta nillasajpuni, imajtinchus kawsanaykamaqa sonqoy mana juchachawanqachu.

San Juan 8:9

Chay warmita pusamojkunarí chayta uyariytawan, machu runakunamanta qallarispa, ujmanta uj riraporqanku. Jinataj Jesuslla qhepakorqa, warmitaj ñawpaqenpi sayasharqa.

Hebreos 6:13

Maypachachus Diosqa Abrahamman imatachus qonanta nerqa chaypacha, pay kikinrayku tilorqa, imaraykuchus paymanta aswan kuraj mana karqachu.

Hechos 5:33

Chayta uyariytawan, kurajkuna mayta phiñarikuspa, Jesuspa kuraj kachankunata wañuchiyta munarqanku.

Romanos 8:34

Chantá, pitaj juchachawasunmanri? Ni pi, imaraykuchus Cristo noqanchejrayku wañorqaña, wañusqamantapis kawsarimporqa, kunantaj Diospa pañanpi kaspa noqanchejrayku mañapushawanchej.

1 Juan 3:19

Chay jinamanta Diospata kasqanchejta yachanchej, ajinamantataj Diospa ñawpaqenpi mana imata manchachikuspa sayasunchej.

1 Juan 3:21

Munasqa wawqe panaykuna, sichus sonqonchej mana juchachawanchejchu chayrí, tukuy sonqo Diosman qayllaykuyta atinchej.