1 Juan 3:2 - DIOSPA QHELQACHISQ

² Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

Qheshwa Biblia DC

² Munakusqasníy, kunanqa Diospa wawasnin kanchej, chaywampis, manaraj sut'ichu imaynachus kananchejqa. Yachanchejtaj, Jesucristo rikhurimojtin payman rijch'akunanchejta, imaraykuchus payta rikusunchej maychus kasqanta jina.

DIOSPA QHELQACHISQAN DEUTEROCANONICAL

² Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

Quechua South Bolivia: Dios Parlapawanchej

² Munacuskasníy, cunanka Diospa wawasnin canchej. Manataj yachanchejrajchu imaynachus khepata casunchej tucuy chaytaka. Astawanpis Jesucristo riqhurimojtinrí payjina cananchejta yachanchej. Imaraycuchus pay quiquinta ricusunchej payjinallataj casunchej.

1 Juan 3:2 Referans Kwoze

Filipenses 3:21

Chaypachataj pay pisi kallpa wañoj ukhunchejta waj jinaman tukuchenqa, paypa may sumaj lliphipej ukhun jina kananpaj. Chaytataj ruwanqa mayqen atiyninwanchus tukuy imata chakin uraman churanqa, chaywan.

Colosenses 3:4

Cristomin chay kawsayta qosunkichej. Pay rikhurimojtintaj, qankunapis paywan khuska jatun kayninpa lliphipiyninpi rikhurimullankichejtaj.

2 Corintios 3:18

Chayrayku tukuyninchej Diospa jatun kayninpa lliphipiyninta uya qhatarasqa qhawashanchej broncemanta espejopi jina. Jinallataj Diospa Espíritun paypa rijch'ayninman tukuchishawanchej, astawan astawan Diospa jatun kaynin noqanchejpi rikuchikunanpaj.

1 Corintios 13:12

Kunanqa ayphu espejopi jina ayphullata rikunchej. Qhepamantajrí Dioswan uyapurakuspa imatapis maychus kajta yachasunchej. Kunanqa wakillantaraj yachani. Qhepamantajrí allinta yachasaj, imaynatachus Dios noqamanta tukuy imata yachan, ajinata.

Romanos 8:29

Pikunatachus Dios ñawpajmantapacha rejserqa, chaykunata pay qallariypi churarqa Churin jina kanankupaj, ajinapi Churenqa ashkha wawqekuna ukhupi kuraj kaj kananpaj.

Salmos 17:15

Noqatajrí cheqanta ruwaj kaspa, uyaykita rikusaj. Rijch'arispa, qanta rikusqayki, chaywantaj sonqo junt'asqa kasaj.

1 Corintios 15:49

Ajinaqa, imaynatachus noqanchej jallp'amanta ruwasqa ñawpa runaman rijch'akunchej, jinallatataj aswan qhepaman janaj pachamanta jamojmanpis rijch'akusunchej.

Apocalipsis 22:4

Paykuna Diospa uyanta rikonqanku, sutintaj mat'inkupi qhelqasqa kanqa.

2 Pedro 1:4

Chaykunanejtataj Diosqa nisqanman jina may sumaj, chantá may jina valorniyoj imakunata qowarqanchej munasqanman jina puriyta yanapanawanchejpaj. Ajinamanta qankuna, imaynachus Dios kasqan, ajinallataj kankichej. Chantá kay pachapi millay ruwaykunamanta ayqeyta atillankichejtaj, mayqenkunachus runa millay ruwayta munasqanmanta jamun, chaymanta.

1 Corintios 2:9

Diospa Qhelqachisqanpi nin: Imatachus ñawi mana rikorqachu, nitaj ninri uyarerqachu, nillataj runa sonqonpi yuyarqachu, chayta Dios wakicherqa payta munakojkunapaj, nispa.

1 Juan 3:1

Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

Gálatas 4:6

Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

Romanos 8:18

Chaywanpis kunan ñak'arisqanchejqa mana ninakunchu Diospa jatunchasqan kananchejwan, mayqentachus pay jamoj p'unchaypi rikuchiwasunchej, chaywan.

Gálatas 3:26

Chayrayku tukuyniykichej Diospa wawan kankichej Jesucristopi atinikusqaykichejrayku.

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

San Mateo 5:8

Kusikuyniyojmin kanku llimphu sonqoyojkunaqa, imaraykuchus paykuna Diosta rikonqanku.

1 Juan 2:28

Kunanqa, wawaykuna, Cristowan allinpipuni kawsakuychej, pay ujtawan kutimojtin, mana manchachikuspa, nitaj p'enqakuspa, paypa ñawpaqenpi rikhurinanchejpaj.

Hebreos 9:28

Ajinallatataj Cristopis uj kutillata wañorqa, ashkha runaj juchanchejta pampachananpaj. Chaymanta qhepanejman pay ujtawan kay pachaman kutimonqa, manaña juchanchejrayku wañunanpajchu, manachayqa paypi atinikuspa suyajkunata qhespichinawanchejpaj.

2 Corintios 4:17

Kay pachapi ñak'arisqaykoqa mana kasu ruwana jinalla, manataj unaypajchu. Chaywanpis, aswan jaqayman chay ñak'ariynejta noqaykupaj kanqa may sumaj wiñay kusiymin.

Job 19:26

Ukhuy q'etayaspa tukukushajtinpis, noqa kikiy Diosta rikusajpuni.

1 Juan 5:1

Tukuy pichus creen Jesusqa Diospa kachamusqan Cristo kasqanta chayqa, payqa Diospa wawan. Jinallataj Tata Diosta munakojqa Tataj wawankunatapis munakullantaj.

Salmos 31:19

19 (20) Qanta yupaychasojkunapaj munakuyniykeqa may jinamin. Sumaj waqaychasqa qolqeta jina munakuyniykita paykunapaj jallch'anki. Chantá tukuy runaj rikunankuta qanpi atinikojkunaman munakuyniykita rikuchinki.

Isaías 56:5

noqaj Temploypa pationpi, perqawan muyuykuchisqa llajtaypi ima sutinku qhelqasqa kanqa. Noqa paykunaman may uyarisqa sutita qosaj, chay wiñaypaj qosqa sutitaj mana jayk'aj chinkachisqachu kanqa. Chaytaj capasqa runapaj aswan sumaj kanqa wawayoj kanamanta nisqaqa.

Salmos 16:11

Aswanpis wiñay kawsayman pusaj ñanta rikuchiwanki. Ñawpaqeykipi may jatun kusikuy tiyan, qanwan khuskataj wiñaypaj sonqo qhallallarishaj kasaj.

Malaquías 3:2

Pitaj Tata Diospa jamunan p'unchayta awantayta atinmanri? Pay rikhurimojtin, pitaj sayayta atinmanri? Ni pi, imaraykuchus payqa qorita ch'uyachej lawrashaj nina jina kanqa, chayrí p'achata t'ajsajpa jabonnin jina.

San Lucas 17:30

Ajinallataj kanqa Runaj Churinpa rikhurimunan chay p'unchaypi.

San Lucas 20:36

Paykuna manaña wañonqankuchu, manachayqa angelkuna jinallaña Diospa wawankuna kanqanku, wañusqamanta kawsarimpusqankurayku.

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

San Juan 11:52

Jesusrí mana judiokunallatachu qhespichinanrayku wañunan karqa, manachayqa Diospa wawankuna tukuynejpi ch'eqerasqa kajkunata tantananpaj.

Romanos 8:16

Chantá Diospa Espíritun espiritunchejwan ujchakun, Diospa wawanpuni kasqanchejta sut'ita willanawanchejpaj.

Romanos 8:19

Chayrayku Diospa ruwasqan kaj chhika imata jina suyashan mayk'ajchus Dios rikuchinanta, pikunachus cheqapuni wawankuna kanku, chaykunata.

1 Juan 2:7

Munasqa wawqe panakuna, mana mosoj kamachisqatachu qhelqamuykichej, manachayqa unaymantapacha uyarerqankichej, chay kamachisqata, mayqentachus yachankichejña, chayta.

1 Juan 3:10

Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.

1 Juan 3:21

Munasqa wawqe panaykuna, sichus sonqonchej mana juchachawanchejchu chayrí, tukuy sonqo Diosman qayllaykuyta atinchej.

Apocalipsis 2:28

Jinallataj paykunaman sut'iyayta llojsimoj ch'askatapis qollasajtaj.