1 Juan 3:12 - DIOSPA QHELQACHISQ

¹² Ama Caín jinaqa kanachejchu. Payqa Kuraj Supaypata kasqanrayku, wawqenta wañucherqa. Imaraykutaj Caín wawqenta wañucherqari? Payta wañucherqa, imaraykuchus paypa ruwasqan mana cheqanchu karqa, wawqenpatataj cheqan.

Qheshwa Biblia DC

¹² Mana Caín jinachu kananchej; payqa supaypata kaspa, wauqenta wañucherqa. Imaraykutaj payta wañucherqari? Caimpa ruwasqasnin sajras karqanku, wauqempatataj allin karqanku.

DIOSPA QHELQACHISQAN DEUTEROCANONICAL

¹² Ama Caín jinaqa kanachejchu. Payqa Kuraj Supaypata kasqanrayku, wawqenta wañucherqa. Imaraykutaj Caín wawqenta wañucherqari? Payta wañucherqa, imaraykuchus paypa ruwasqan mana cheqanchu karqa, wawqenpatataj cheqan.

Quechua South Bolivia: Dios Parlapawanchej

¹² Carka uj runa, Caín sutiyoj. Supay Satanasmanta caspa hermanonta sinch'i phiñacuywan wañucherka. ¿Imaraycutaj hermanonta wañucherkarí? Sajrata ruwaskanraycu, hermanontaj chekanta ruwaskanraycu payta wañucherka. Manapuni payjinaka cananchejchu.

1 Juan 3:12 Referans Kwoze

Hebreos 11:4

Abelpis Diospi atinikusqanrayku Cainmanta nisqaqa aswan allin kaj jaywanata Diosman jaywarqa. Abel chayta Diosman jaywaspa, yachayta qorqa pay cheqan runa kasqanta, Diostaj jaywasqanta allinpaj qhawarqa. Ajinaqa Abelpa wañusqan unayña kashan chaypis, noqanchej Diospi atinikuspa imaynatachus kawsasqanmanta yachakuyta atinchej.

Proverbios 29:27

Cheqanta ruwajkunaqa millayta ruwaj runakunata mana rikuyta munankuchu. Kikillantaj millayta ruwajkunaqa cheqan runakunata mana rikuyta munankuchu.

Génesis 4:25

Adanqa ujtawan warminwan puñuykorqa, warmintaj wijsallikuspa, uj qhari wawata paqarichikorqa. Chantá payta suticharqa “Set” sutiwan: Diosqa uj qhari wawata qowan Abelpa cuentanmanta, pitachus Caín wañucherqa, chaymanta, nispa.

Judas 1:11

Ay mana cheqanta yachachejkunamanta imallachus kanqapis. Paykuna Cainpa ruwasqanta ruwaspa purinku. Jinallataj qolqerayku Balaam jina runata q'otiyanku, Chantá Coré jina Diospa contranpi oqharikullasqankupitaj chinkachisqa kanqanku.

San Lucas 11:51

Chay kanqa Abel wañuchisqa kasqanmantapacha, Zacarías mayk'ajchus wañuchisqa karqa chaykama. Payta Temploj pationpi altar qayllapi wañucherqanku, chaykama. Arí, niykichej: Qankuna kunan p'unchaypi kawsajkunamanta cuentata mañasqaykichej, nispa.

San Mateo 23:35

Ajinata qankuna juchachasqa kankichej tukuy mana juchayojkuna wañuchisqa kasqankumanta, Abel wañuchisqa kasqanmantapacha, Berequiaspa churin Zacariaskama, pitachus Temploj pationpi altar qayllapi wañucherqankichej, chaykama.

Proverbios 29:10

Runa wañuchejkunaqa cheqan runakunata chejnikunku, wañuchiytataj munanku.

1 Pedro 4:4

Kunanrí qankuna manaña paykunawan khuska sutin oqhariy mana atina millayta ruwanapi purejtiykichej, paykuna t'ukunku. Chantataj mana allin kajta qankunamanta parlanku.

Hebreos 12:24

Aswanpis Jesusman qayllaykorqankichej, pinejtachus Dios mosoj tratota qankunawan ruwarqa, chayman. Jinallataj Jesuspa yawarnin ch'ajchusqaman qayllallankichejtaj. Chaywanpis chay yawarqa runaj juchan pampachasqa kananmanta parlan, mana Abelpa yawarnin jinachu wañuchisqa kasqanmanta vengakunamanta.

Salmos 38:20

20 (21) Paykuna allin ruwasqaymanta sajrata kutichiwanku, allin kajta ruwayta mask'asqaymantataj contraypi rikhurinku.

Salmos 37:12

Millayta ruwaspa purejqa cheqan runaj contranpi mana allin ruwayta wakichikun, chejnikuspataj, rikuyta mana atinchu.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

San Juan 10:32

Chayta rikusparí, Jesús paykunata nerqa: Noqaqa Tataypa qowasqan atiywan sumaj ruwaykunata ruwarqani qankuna rikunaykichejpaj. Chaykunata ruwasqaymanta mayqenmantataj rumiwan ch'anqaykuyta munashawankichejri? nispa.

San Mateo 27:23

Pilato nillarqataj: Ima mana allin kajtataj pay ruwarqari? nispa. Paykunarí astawan qhaparerqanku: Cruzman chakatachiy ari, nispa.

San Mateo 13:38

Jallp'aqa kay pachawan ninakun. Sumaj mujutaj Diospa janaj pacha kamachiyninpi kajkuna kanku, cizañataj Kuraj Supayta kasojkuna.

San Mateo 13:19

Wakin runakunaqa ñan patapi urmasqa muju jina kanku. Pipis janaj pacha kamachiyninmanta willayta uyarishaspa mana entiendejtin, Kuraj Supay jamuspa, sonqonpi imachus tarpusqa kajta qhechun.

Apocalipsis 17:6

Repararqanitaj chay warmeqa Diospa ajllakusqankunaj yawarninkuwan, chantá Jesusmanta willajkunaj yawarninkuwan ima machasqa kasqanta. Payta rikuspa, noqa maytapuni t'ukorqani.

1 Tesalonicenses 2:14

Wawqe panakuna, Judea jap'iypi Diospa iglesianmanta kajkunata kikin llajta masillankutaj ñak'aricherqanku. Ajinallatataj qankunatapis kikin llajta masiykichejkunallataj qhatiykachaspa ñak'arichisorqachej.

2 Samuel 13:22

Absalonpis manallataj imatapis Amnontaqa nerqachu. Chaywanpis payta sinch'ita chejnikorqa, panan Tamarpa honranta t'akasqanmanta.

Proverbios 27:4

Phiñakoyqa mana khuyakuyniyoj, k'araj phiñakuytaj mana atipay atina. Celosakuyrí sayachiy mana atinapuni.

San Mateo 5:37

Chayrayku qankuna kay jinallata parlankichej: Maypachachus arí, nispa ninkichej chaypachaqa, ajina kachun. Maypachachus mana, nispa ninkichej chaypacharí, ajinallataj kachun. Chaymanta astawan parlanaqa sajraj yuyaychasqanmin.

San Juan 8:40

Chaywanpis noqarí Diosmanta uyarisqay cheqa kajta qankunaman willajtiypis, qankuna chay cheqa kajta nisqayrayku wañuchiyta munawankichej. Abraham mana jayk'ajpis ajinata ruwarqachu.

San Juan 8:41

Qankunarí tataykichej jinallataj ruwashankichej, nispa. Paykunataj nerqanku: Mana noqaykoqa k'ipa wawachu kayku. Uj Tatayojlla kayku, chaytaj Diosmin, nispa.