1 Juan 3:11 - DIOSPA QHELQACHISQ

¹¹ Qallariymantapacha qankuna kay willayta uyarerqankichej: Ujkuna ujkuna munakunanchej tiyan, nispa.

Qheshwa Biblia DC

¹¹ Kaymin qallariymantapacha uyarisqaykichej willayqa: Ujkuna ujkunawan munanakunanchej.

DIOSPA QHELQACHISQAN DEUTEROCANONICAL

¹¹ Qallariymantapacha qankuna kay willayta uyarerqankichej: Ujkuna ujkuna munakunanchej tiyan, nispa.

Quechua South Bolivia: Dios Parlapawanchej

¹¹ Chekatapuni purajmanta munanacunanchej, cay willanataka ñaupajmantapacha uyarerkanquichejña.

1 Juan 3:11 Referans Kwoze

San Juan 15:12

Kaytamin kamachiykichej: Qankunapura munakuychej, imaynatachus noqa munakuykichej, ajinata.

2 Juan 1:5

Kunanqa wawqe panakuna, tukuy sonqo mañarikuykichej ujkuna ujkuna munakuspa kawsakunata. Chayta nispa, mana mosoj kamachisqatachu qhelqamushani, manachayqa qallariymantapacha kamachisqaña karqa, chayta.

1 Juan 4:7

Munasqa wawqe panakuna, purajmanta munakunanchej tiyan, imaraykuchus munakunaqa Diosmantamin. Pichus runa masinta munakojqa Diospa wawanmin, Dioswantaj k'achata kawsakun.

1 Juan 4:21

Diostajrí kay jinata kamachiwarqanchej: Pichus Diosta munakojqa Jesucristota qhatej masintapis munakullachuntaj, nispa.

1 Pedro 4:8

Tukuy imamanta astawanqa qankunapura tukuy sonqo munakuychej, imaraykuchus munakoyqa may chhika juchata qonqayman churan.

1 Pedro 3:8

Ajinaqa tukuyniykichej uj sonqolla kaychej. Ujkuna ujkuna khuyarinakuychej, Jesucristota qhatejkunapurataj q'ayachanakuspa kawsakuychej. Jinallataj allin sonqoyoj kaychej, chantá llamp'u sonqo ima.

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

1 Juan 1:5

Jesucristo kay jinata yachachiwasqaykuta qankunaman willayku: Diosqa k'anchay jinamin, manataj paypeqa ni ima laqhayay kanchu.

1 Tesalonicenses 4:9

Diosta qhatejkunapura munakunamanta manaña imatapis ninayku kanchu, imaraykuchus Dios kikinmin qankunapura munakunaykichejta yachachisunkichej.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

1 Timoteo 1:5

Kayta kamachiyki munaspa Diosta tukuy qhatikojkunapura tukuy sonqowan munakunaykichejpaj, llimphu sonqowan, chantá Diospi tukuy sonqo atinikuspa ima.

Gálatas 6:2

Ima mana allin rikhurejtinpis, purajmanta yanapanakuychej, imaraykuchus ajinata ruwaspa, Cristoj kamachisqanta junt'ashankichej.

San Juan 13:4

Jinaqa cenata mikhushajtinku, Jesús sayarikuspa, patanchana p'achanta orqhokorqa, jinaspataj, uj toallata chumpinman churakorqa.

1 Juan 4:11

Munasqa wawqe panakuna, sichus Dios ajinata munakuwarqanchej chayqa, ajinallatataj noqanchejpis ujkuna ujkuna munakunanchej tiyan.