1 Juan 2:29 - DIOSPA QHELQACHISQ

²⁹ Qankuna yachankichejña Jesucristo cheqanta ruwaj kasqanta. Yachallankichejtaj cheqan kajta ruwajkunaqa cheqapuni Diospa wawankuna kasqankuta.

Qheshwa Biblia DC

²⁹ Jesucristo cheqan kasqanta yachankichej chayqa, yachallaychejtaj ari, pillapis cheqan kajta ruwajqa, Diospa wawan kasqanta.

DIOSPA QHELQACHISQAN DEUTEROCANONICAL

²⁹ Qankuna yachankichejña Jesucristo cheqanta ruwaj kasqanta. Yachallankichejtaj cheqan kajta ruwajkunaqa cheqapuni Diospa wawankuna kasqankuta.

Quechua South Bolivia: Dios Parlapawanchej

²⁹ Jesucristo chekan caskanta yachanquichejña. Yachallanquichejtaj pichá chekantapuni ruwajka Diospa cheka wawan caskanta.

1 Juan 2:29 Referans Kwoze

1 Juan 3:7

Munasqa wawaykuna, ama piwanpis q'otiyachikuychejchu. Pichus cheqan kajta ruwajqa cheqan runa kasqanta rejsichikun, imaynachus Jesucristopis cheqan, ajina.

1 Juan 5:1

Tukuy pichus creen Jesusqa Diospa kachamusqan Cristo kasqanta chayqa, payqa Diospa wawan. Jinallataj Tata Diosta munakojqa Tataj wawankunatapis munakullantaj.

San Juan 1:13

Paykunataj Diospa wawankuna kanku mana qharej yumasqanraykuchu, nitaj runa munasqanraykuchu, nillataj pi qharej munayninmantachu, manachayqa Dios munasqanrayku.

1 Juan 4:7

Munasqa wawqe panakuna, purajmanta munakunanchej tiyan, imaraykuchus munakunaqa Diosmantamin. Pichus runa masinta munakojqa Diospa wawanmin, Dioswantaj k'achata kawsakun.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

1 Juan 5:4

Tukuy pichus Diospa wawan kajqa Diosman mana kutirikojkunaj yuyasqankuman jina kawsayta atipan. Diosman mana kutirikojkunaj yuyasqankuman jina kawsanataqa Jesuspi atinikuspamin atipanchej.

Hechos 10:35

Manachayqa mayqen suyullamantapis kachun, pichá Diosta jatun respetowan qhawan, cheqa kajtataj ruwan, chay runatamin Dios allinpaj qhawan.

2 Pedro 1:4

Chaykunanejtataj Diosqa nisqanman jina may sumaj, chantá may jina valorniyoj imakunata qowarqanchej munasqanman jina puriyta yanapanawanchejpaj. Ajinamanta qankuna, imaynachus Dios kasqan, ajinallataj kankichej. Chantá kay pachapi millay ruwaykunamanta ayqeyta atillankichejtaj, mayqenkunachus runa millay ruwayta munasqanmanta jamun, chaymanta.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

Hebreos 7:26

Jesusqa, necesitasharqanchej chay Kuraj Kaj Sacerdotemin. Payqa juchamanta t'aqasqa, mana k'amina, llimphutaj. Kunantaj Dios Payta juchasapakunamanta t'aqanña, jinataj janaj pachamanta aswan pataman churarqa.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Hechos 22:14

Chantá Ananías niwarqa: Ñawpa tatanchejkunaj Diosnenqa ñawpajmantapacha qanta ajllakusunki paypa munayninta rejsinaykipaj, Diospa Cheqan Kaj Kamachinta rikunaykipaj, kikin siminmantataj nisqanta uyarinaykipaj ima.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

3 Juan 1:11

Munasqa wawqéy, ama chay jina mana allin kajta ruwayta yachaqakuychu, aswanpis allin kajllata. Cheqan kajta ruwajqa Diosmantamin. Pichus mana allin kajta ruwajrí, Diosta mana Diosninpaj rejsikapunchu.

1 Juan 5:18

Yachanchej Diospa wawanña kajkunaqa manaña juchallispallapunichu purisqankuta, imaraykuchus Diospa Churin paykunata waqaychan, Kuraj Supaytaj paykunata mana imanaytapis atinñachu.

1 Juan 3:5

Qankuna yachankichejña, Jesucristoqa juchanchejmanta llimphuchanawanchejpaj jamusqanta. Jesucristorí mana juchallinchu, nipunitaj juchalliyta atinchu.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

1 Pedro 1:23

Qankuna watejmanta paqarerqankichej, mana wañoj tata mamamantachu. Manachayqa mana jayk'aj wañojmanta paqarerqankichej, chaytaj Diospa wiñay wiñaypaj kawsaj simi nisqannejta.

Hebreos 7:2

Jinataj Abrahamqa kuraj kamachejkunawan maqanakuspa qhechusqanmanta sapa chunkamanta ujta Melquisedecman qorqa. Melquisedec chay suti niyta munan: Cheqan Kajta Ruwaj Kuraj Kamachej. Jinallataj ujnin sutin Salenpa Kuraj Kamachejnin, niyta munan: Sonqo Tiyaykusqa Kaypa Kuraj Kamachejnin.

Jeremías 13:23

Yana runaqa yurajman tukuyta atinmanchu? Atillanmantajchu onzaqa ch'ejchinta chinkachiyta? Ajinallatataj qankunapis millayta ruwanaman yachasqa kashaspa, manapuni allin kajta ruwayta atiwajchejchu.

Hechos 3:14

Aswanpis qankunaqa mana juchayoj cheqan kajta ruwajta qhesacharqankichej, cuentanmantataj uj runa wañuchi kacharisqa kananta mañarqankichej.

San Juan 7:18

Pillapis pay kikinmanta parlajqa paylla runakunawan jatunpaj qhawachikuyta mask'an. Pichus kachamojninta jatunchayta munajrí cheqanta parlan, manataj llullakunchu.