1 Juan 2:28 - DIOSPA QHELQACHISQ

²⁸ Kunanqa, wawaykuna, Cristowan allinpipuni kawsakuychej, pay ujtawan kutimojtin, mana manchachikuspa, nitaj p'enqakuspa, paypa ñawpaqenpi rikhurinanchejpaj.

Qheshwa Biblia DC

²⁸ Kunanqa, wawitasníy, Cristowan ujlla kakuychej; qhepa kaj jamuynimpi pay rikhurimojtintaj, mana manchachikuspa, nitaj p'enqakuspa, ñaupaqenman qayllaykunaykichejpaj.

DIOSPA QHELQACHISQAN DEUTEROCANONICAL

²⁸ Kunanqa, wawaykuna, Cristowan allinpipuni kawsakuychej, pay ujtawan kutimojtin, mana manchachikuspa, nitaj p'enqakuspa, paypa ñawpaqenpi rikhurinanchejpaj.

Quechua South Bolivia: Dios Parlapawanchej

²⁸ Caskanmanjina, Cristopi munaska wawasníy, paywan ujchaskapuni causacuychej. Ajinapitaj cutimojtin mana manchachicusunchejchu nitaj p'enkacusunchejchu.

1 Juan 2:28 Referans Kwoze

1 Juan 4:17

Dioswan kawsakojtinchejtaj, munakuyninchejqa maychus kajta munakunakama wiñan. Chayrayku, juicio p'unchaypi noqanchej mana manchachikuspa Diospa ñawpaqenpi sayayta atisunchej, imaraykuchus Jesús kay pachapi imaynatachus kawsarqa, ajinata kawsanchej.

Marcos 8:38

Sichus pipis noqamanta chantá nisqaymantawan kay khuchichakoj juchasapakunaj ñawpaqenkupi p'enqakun chayqa, noqa Runaj Churinpis chay runamanta p'enqakullasajtaj, maypachachus Tata Diosniypa jatun kayninpa lliphipiyninpi, ajllasqa angelninkunawan kutimusaj, chaypacha, nispa.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

1 Juan 3:21

Munasqa wawqe panaykuna, sichus sonqonchej mana juchachawanchejchu chayrí, tukuy sonqo Diosman qayllaykuyta atinchej.

Colosenses 3:4

Cristomin chay kawsayta qosunkichej. Pay rikhurimojtintaj, qankunapis paywan khuska jatun kayninpa lliphipiyninpi rikhurimullankichejtaj.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

1 Tesalonicenses 3:13

Ajinamanta Tukuyta Kamachej Jesús kallpachasonqachej Diospi tukuy sonqo atinikunaykichejpaj. Jinataj maypachachus Tukuyta Kamachej Jesucristo tukuy ajllakusqankunawan kutimonqa chaypacha, qankuna Diospa ñawpaqenpi llimphu mana juchayoj kankichej. Ajina kachun.

Malaquías 3:2

Pitaj Tata Diospa jamunan p'unchayta awantayta atinmanri? Pay rikhurimojtin, pitaj sayayta atinmanri? Ni pi, imaraykuchus payqa qorita ch'uyachej lawrashaj nina jina kanqa, chayrí p'achata t'ajsajpa jabonnin jina.

1 Juan 5:14

Noqanchej Diospi tukuy sonqo atinikunchej. Chayrayku sichus munasqanman jina imatapis mañakunchej chayqa, yachanchej pay uyarinawanchejta.

1 Pedro 5:4

Chantá Kuraj Kaj Michej kutimuspa, payqa wiñaypaj jatunchasqa kanata pilluta jina qosonqachej.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

Hebreos 9:28

Ajinallatataj Cristopis uj kutillata wañorqa, ashkha runaj juchanchejta pampachananpaj. Chaymanta qhepanejman pay ujtawan kay pachaman kutimonqa, manaña juchanchejrayku wañunanpajchu, manachayqa paypi atinikuspa suyajkunata qhespichinawanchejpaj.

1 Tesalonicenses 2:19

Noqayku qankunata anchatataj rikuyta munarqayku, imaraykuchus Tukuyta Kamachej Jesusninchej kutimuspa, cuentata mañawasqayku. Chaypachataj noqayku umata oqharisqayku, chantá kusikusqayku ima qankunata yanapanaykupaj imatachus ruwasqaykumanta. Qankunamin t'inkayku kankichej.

1 Corintios 1:7

Ajinamanta Dios ruwanapaj atiykunata qosusqaykichejmanta mana imapis pisisunkichejchu, Tukuyta Kamachej Jesucristonchej rikhurimunanta suyashanaykichejkama.

Romanos 9:33

Diospa Qhelqachisqanpi nin: Noqaqa Sionpi uj rumita churani, chaypi misk'aspa urmanankupaj. Chaywanpis tukuy pichus paypi atinikojqa mana ch'awkiyasqachu kanqa, nispa.

Tito 2:13

Ajinata kawsananchej tiyan, suyakushanchej, chay kusiy p'unchay chayamunankama. Chaypacha may jina atiyniyoj Dios Qhespichiwajninchej Jesucristo jatun kayninpa lliphipiyninwan rikhurimonqa.

2 Timoteo 4:8

Chayrayku kasukuspa kawsasqaymanta noqapaj pillu tiyan. Chaytataj jaqay p'unchaypi Tukuyta Kamachej Dios, pichus cheqan kaj Juez t'inkata jina qowanqa. Manataj noqallamanchu qowanqa, aswanpis kutimunan p'unchayta imata jina tukuy suyajkunamanpis qollanqataj.

1 Timoteo 6:14

Kay kamachisqayta sumajta junt'ay, mana k'amina kanaykipaj Tukuyta Kamachej Jesucristo jamunankama.

1 Tesalonicenses 5:23

Sonqo tiyaykuyta qoj Dios allintapuni qankunata llimphuchachun. Payllataj Tukuyta Kamachej Jesucristo kutimunanpaj tukuy kayniykichejta, espirituykichejta, almaykichejta, chantá ukhuykichejta ima waqaychachun mana k'aminapaj jina kanaykichejpaj.

1 Corintios 15:23

Chaywanpis sapa uj maychus kananpi kawsarimpun: Ñawpajta Cristoraj kawsarimporqa, chaymantataj Cristo kutimojtin, paypata kajkunapis kawsarimpullasunchejtaj.

Malaquías 4:5

5 (3.23) Sumajta uyariwaychej: Noqaqa sut'inchaj Eliasta kachamusqaykichej, Tata Diospa p'unchaynin manaraj chayamushajtin. Chayqa jatun p'unchay kanqa, manchayta manchachikunataj.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

1 Pedro 1:7

Chay ñak'ariykunaqa Diospi atinikusqaykichej cheqachus manachus kasqanta sut'inchanqa. Chaypacha Diospi atinikusqaykichej cheqapuni kajtin, qankuna Jesucristoj kutimunan p'unchayta jatunchasqa, chantá allinpaj qhawasqa kankichej. Diospi atinikusqaykichejqa qorimanta nisqaqa aswan valorniyoj, imaraykuchus qoreqa ninawan ch'uwachasqa kaspapis, tukukuyniyoj. Diospi atinikusqaykichejrí mana.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

San Mateo 16:28

Kayta sut'ita niykichej: Kaypi kajkunamanta wakin mana wañonqankuchu, Runaj Churinta kamachinanpaj jamushajta rikunankukama, nispa.

San Lucas 17:30

Ajinallataj kanqa Runaj Churinpa rikhurimunan chay p'unchaypi.

Efesios 3:12

Ajinaqa Cristoman ujchasqa kasqanchejrayku, chantá paypi atinikusqanchejrayku noqanchej Diosman qayllaykuyta atinchej mana iskayrayaspa, nitaj manchachikuspa.