1 Juan 2:25 - DIOSPA QHELQACHISQ

²⁵ Chaymá chay wiñay kawsayqa, mayqentachus kikin Jesucristo qonawanchejta nerqa, chay.

Qheshwa Biblia DC

²⁵ Kaymá chay wiñay kausayqa, mayqentachus kikin Jesucristo nerqa qonawanchejta.

DIOSPA QHELQACHISQAN DEUTEROCANONICAL

²⁵ Chaymá chay wiñay kawsayqa, mayqentachus kikin Jesucristo qonawanchejta nerqa, chay.

Quechua South Bolivia: Dios Parlapawanchej

²⁵ Caytataj Jesucristo palabranpi sumajta niwarkanchej: “Wiñay causayta koskayquichej”.

1 Juan 2:25 Referans Kwoze

San Juan 10:28

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

Tito 3:7

Ajinata Dios ruwarqa noqanchej qhasilla k'acha yanapayninnejta cheqan runapaj qhawasqa kaspa, wiñay kawsayta chayaqeta jina jap'iyta suyakunanchejpaj.

Judas 1:21

Chantá Diospa munakuyninpi kallaychejpuni, jinallataj Tukuyta Kamachej Jesucristo wiñay kawsayman pusanawanchej p'unchayta suyaychej, imaraykuchus pay may jinata khuyakuwasunchej.

1 Timoteo 6:12

Jesucristopi atinikuyrayku soldado jina sumajta maqanakuy. Jinataj wiñay kawsaymanta ch'ipakuy, imaraykuchus chaypajmin Dios wajyasorqa ashkha runaj ñawpaqenpi, Cristopi atinikusqaykimanta rimarishajtiyki.

1 Juan 1:2

Kawsayta qojmin rikuchikorqa, noqaykutaj payta rikorqayku. Kunantaj rikojkuna jina qankunaman chay wiñay kawsaymanta willayku. Payqa Tata Dioswan karqa, noqaykumantaj rejsichikuwarqayku.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Romanos 5:21

Ajinaqa jucha atiyniyoj karqa tukuy runakuna wañuyta rejsinankupaj. Ajinallataj kunanqa Diospa qhasilla k'acha yanapayninpis atiyniyojllataj, runa Diospa ñawpaqenpi cheqanpaj qhawasqa kananpaj. Chantá Jesucristonejta Dioswan allinyachisqa kasqanchejrayku noqanchej wiñay kawsayta jap'inchej.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

San Juan 12:50

Noqa yachani Tataypa kamachisqanta kasojkunaqa wiñay kawsayman yaykunankuta. Chayrayku Tatay tukuy imatachus parlanayta kamachiwasqanta qankunaman willarqaykichej, nispa.

San Juan 6:68

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

1 Timoteo 6:19

Ajinamanta paykuna jamoj p'unchaykunapaj qhapaj kapuyta tantakushanku, ajinapi cheqa kaj kawsaymanta misk'irichikunankupaj.

San Juan 6:54

Pillapis ukhuyta mikhoj, yawarniytataj ujyajrí wiñay kawsayniyojña, noqataj kay pachaj tukukuynin p'unchaypi payta wañusqamanta kawsarichisaj.

San Juan 6:47

Noqataj kayta sut'ita niykichej: Pichus noqapi atinikojqa wiñay kawsayniyoj.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Juan 5:39

Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

San Lucas 18:30

kunan kay kawsaypi aswan ashkhatapuni jap'enqa, jinataj jamoj p'unchaypi wiñay kawsayta jap'enqa, nispa.

Daniel (hebreo) 12:2

Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

1 Timoteo 1:16

Ajina kashajtiypis, Dios khuyarikuwarqa, ajinamanta Jesucristo noqapiraj jatun paciencianta rikuchinanpaj. Ajinata ruwarqa, pikunachus aswan qhepanejman paymanta jap'ikuspa wiñay kawsayniyoj kananku karqa, chaykunapaj.

Gálatas 6:8

Pichus juchallinaman aysaj sonqonpa munasqanta ruwaspa purejqa chay ruwasqanmanta wiñaypaj wañuyllata tarenqa. Pichus Santo Espíritoj munasqanta ruwaspa purejrí, Santo Espiritumanta wiñay kawsayta jap'enqa.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

San Juan 3:15

Ajinamanta paypi tukuy atinikojkuna wiñay kawsayniyoj kanqanku.

San Juan 6:40

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.