1 Juan 2:18 - DIOSPA QHELQACHISQ

¹⁸ Munasqa wawaykuna, kay tiempo tukukapunan qayllapiña kashanchej. Qankuna kay tiempo tukukunan qayllata Cristoj contranpi sayarej rikhurimunanmanta uyarerqankichej. Kunantaj Cristoj contranpi sayarejkuna ashkha rikhurimunkuña. Chayrayku yachanchej kay tiempo tukukapunan qayllapiña kashasqanchejta.

Qheshwa Biblia DC

¹⁸ Wawitasníy, ñapis tukukuy p'unchaykunaña kanku; uyarerqankichej Cristoj contranta oqharikoj jamunanta. Kunanqa, ashkha anticristos rikhurimunkuña. Chaynejta yachanchej tukukuy p'unchaykunaña kasqankuta.

DIOSPA QHELQACHISQAN DEUTEROCANONICAL

¹⁸ Munasqa wawaykuna, kay tiempo tukukapunan qayllapiña kashanchej. Qankuna kay tiempo tukukunan qayllata Cristoj contranpi sayarej rikhurimunanmanta uyarerqankichej. Kunantaj Cristoj contranpi sayarejkuna ashkha rikhurimunkuña. Chayrayku yachanchej kay tiempo tukukapunan qayllapiña kashasqanchejta.

Quechua South Bolivia: Dios Parlapawanchej

¹⁸ Munaska wawasníy, cay p'unchaycunaka Jesucristo cutimunanpaj khepa caj p'unchaycunamin cashancu. Paypa contranpi churanacojnin jamushaskanta uyarerkanquichejña. Arí, cunan Cristoj contranpi churanacojcuna ashqhas riqhurimuncuña. Ajinapi yachanchej cay p'unchaycunaka khepa caj p'unchaycunaña caskancuta.

1 Juan 2:18 Referans Kwoze

1 Juan 4:3

Pitajchus nin: Jesucristo kay pachaman mana runaman tukuspachu jamorqa, nispa chayqa, chay runaqa mana Diosmantachu, manachayqa Cristoj contranpi sayarejpa yuyaychasqan. Qankuna Cristoj contranpi sayarej kay pachaman jamunanmanta uyarerqankichejña, kunantaj payqa kay pachapiña.

2 Juan 1:7

Ashkha q'otiyajkuna tukuynejpi purishanku, paykunataj ninku Jesucristo mana runaman tukuspachu kay pachaman jamusqanta. Pichus ajinata nejqa llullamin, Cristoj contranpi sayarejtaj.

1 Juan 2:22

Pitaj llullari? Pichus yachachishaspa nin: Jesusqa mana Diospa kachamusqan Cristochu, nispa. Chay runamá Cristoj contranpi sayarejqa, imaraykuchus Tata Diosta, Diospa Churintawan ima qhesachan.

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

San Mateo 24:5

Chayta niykichej, imaraykuchus sutiypi ashkha runakuna jamuspa, nenqanku: Noqaqa Diospa kachamusqan Cristo kani, nispa. Ajinamantataj ashkha runata pantachenqanku.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.

Marcos 13:6

Chayta niykichej, imaraykuchus sutiypi ashkha jamuspa, nenqanku: Noqaqa Diospa kachamusqan Cristo kani, nispa. Ajinamantataj paykuna ashkha runata pantachenqanku.

2 Pedro 2:1

Unay israelitakuna ukhupi mana cheqanta yachachej sut'inchajkuna rikhurerqanku. Ajinallatataj qankuna ukhupipis mana cheqanta yachachejkuna rikhurenqanku. Paykuna mana reparaylla, pantachej yachachiyninkuta yachachenqanku, jinataj Tukuyta Kamachej Jesucristotapis qhesachanqanku, pichus ashkha preciowan paykunata ranterqa, chayta. Chayrayku paykuna manaraj imapi chinkachisqa kanqanku.

San Mateo 24:11

Ashkha llulla sut'inchajkuna rikhurimuspa, may chhika runata pantachenqanku.

Judas 1:18

Paykuna ajinata nispa, yuyaychasorqachej: Qhepanejman tukuy imamanta alqochakojkuna rikhurimonqanku, chaykunataj sonqonkoj millay munasqanman jina purenqanku, nispa.

2 Pedro 3:3

Ñawpajta kayta yachaychej: Qhepanejman cheqa kajmanta alqorakojkuna rikhurimonqanku, paykunataj sonqonkoj millay ruwayta munasqanman jina purenqanku.

Hebreos 1:2

Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

1 Pedro 1:20

Manaraj kay pacha ruwasqa kashajtin, Cristo chaypaj ajllasqa karqa. Paytaj kay qhepanejman rikhurimorqa qankunaj allinniykichejpaj.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.

San Juan 21:5

Chantá Jesús paykunata nerqa: Kawsaqekuna, challwata jap'inkichejñachu? nispa. Paykunataj nerqanku: Mana, ni ujtapis jap'iykuchu, nispa.

Romanos 13:11

Qankuna ajinata ruwaychej, imaraykuchus yachankichej kunan tiempo imaynachus kasqanta. Jinallataj rijch'arina, imaraykuchus qhespichisqa kananchej junt'akunanqa astawan qayllapiña kashan, Jesucristopi atinikuyta qallarerqanchej chay p'unchaymanta.

Romanos 13:12

Tutaqa tukukapushanña, qhespichisqa kananchej p'unchaytaj qayllamushan. Chayrayku laqhayaypi millay ruwanata ch'ichi p'achapis kanman jina lluch'ukuna. Jinaspataj, Supaywan maqanakunanchejpaj Dios qowanchej, chay lliphipirishaj p'achatañataj churakuna.

1 Pedro 4:7

Tukuy imaj tukukuynin qayllapiña kashan. Chayrayku qankunaqa allin yuyayniyoj jina kawsakuychej, amataj Dioswan parlarikunamanta qonqapuychejchu.