1 Juan 2:17 - DIOSPA QHELQACHISQ

¹⁷ Kay pachapi mana allin kajqa tukukapushan, jinallataj mana allinta kajta munanapis. Diospa munayninta ruwajrí, wiñaypaj kawsanqa.

Qheshwa Biblia DC

¹⁷ Kay mundoqa tukukapushan, jinallataj sajra munapayaynimpis. Diospa munayninta ruwajrí, wiñaypaj kausanqa.

DIOSPA QHELQACHISQAN DEUTEROCANONICAL

¹⁷ Kay pachapi mana allin kajqa tukukapushan, jinallataj mana allinta kajta munanapis. Diospa munayninta ruwajrí, wiñaypaj kawsanqa.

Quechua South Bolivia: Dios Parlapawanchej

¹⁷ Cay pachapitaj Diospa contranpi cajwan sajra munaynincuwan chincapushancuña. Diospa munayninta ruwajrí wiñaypaj causan.

1 Juan 2:17 Referans Kwoze

San Mateo 24:35

Janajpis, kay pachapis tukukaponqanku. Chaywanpis nisqayqa mana jayk'ajpis pasanqachu, manachayqa junt'akonqapuni.

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

1 Corintios 7:31

Kay pachapi tukuy imayoj kaspa chhika patapi kawsajkunaqa ama chaykunamanta anchata ch'ipakuchunkuchu, imaraykuchus kay pachaqa askamalla tukukaponqa.

1 Pedro 4:2

Ajinaqa kay pachapi kawsanaykichejkamaqa manaña sonqoykichejpa munasqanman jinachu kawsankichej, manachayqa imata jina Diospa munasqanta ruwaspa kawsankichej.

Hebreos 10:36

Qankuna pacienciakuyta necesitankichej, Diospa munasqanta ruwaspallapuni kanaykichejpaj. Chaypacha Dios imatachus qonawanchejta nisqanta jap'inkichej.

Marcos 3:35

Pichus Diospa munayninta ruwan, chaymá wawqeyqa, panaypis, mamaypis, nispa.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.

1 Tesalonicenses 4:3

Dios munan, qankuna juchamanta t'aqasqa kajkuna jina allinta purinaykichejta. Munallantaj khuchichakuspa purinamanta karunchakunaykichejta.

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

Salmos 143:10

Munasqaykita ruwayta yachachiway, imaraykuchus qanmin Diosniy kanki. Qanpa sumaj Espirituyki allin kajta ruwanaman pusawachun.

San Mateo 7:21

Mana tukuy pikunachus: Tukuyta Kamachejniyku kanki, nispa niwajkunachu Diospa kamachiyninman yaykonqanku. Manachayqa, janaj pachapi kaj Tata Diosniypa munayninta ruwajkunalla yaykonqanku.

Santiago 4:14

Jinapis qankuna q'aya imachus kananta mana yachankichejchu. Imataj kawsayniykichejri? Kawsayniykichejqa phuyu jinalla. Phuyoqa askamalla rikhurin, chantá chinkapunpacha.

San Juan 6:58

Kaymá janaj pachamanta urayk'amoj t'antaqa, manataj, tataykichej mikhusqanku, chay maná nisqa t'anta jinallachu. Ñawpa tataykichejkunaqa chayta mikhuspapis wañorqanku. Kay t'antata mikhojrí wiñaypaj kawsanqa, nispa.

San Mateo 21:31

Kunan niwaychej: Chay iskayninkumanta mayqentaj tatanpa munasqanta ruwarqari? nispa. Paykunataj kuticherqanku: Ñawpaj kaj, nispa. Jesustaj nerqa: Kayta sut'ita niykichej: Impuestota cobrajkuna, phisu warmikuna ima Diospa kamachiyninman qankunamanta aswan ñawpajta yaykonqanku.

1 Tesalonicenses 5:18

Jinallataj tukuy imamanta Diosta pachis nillaychejpuni, imaraykuchus Jesucristoman ujchasqa kasqaykichejrayku Dios chayta munan.

Colosenses 4:12

Qankunamanta ujniykichej, Cristoj kamachin Epafras napaykamullasunkichejtaj. Payqa Dioswan parlarikuspa mañapusunkichejpuni Tata Dios kallpachanasuykichejpaj, yuyayninpiña kanaman chayanaykichejpaj, chantá Diospa munasqanta junt'anaykichejpaj ima.

Proverbios 10:25

Millayta ruwaj runaqa muyoj wayra jina chinkarin, cheqan runarí wiñaypaj sayallanqapuni.

Colosenses 1:9

Chayrayku noqayku tukuy chayta uyarisqaykumantapacha Dioswan parlarikuspa, qankunarayku mañapuyku, Tata Dios munayninta allintapuni rejsichisunaykichejpaj, jinataj Santo Espíritu yuyayta, yachayta ima qosunaykichejpaj.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

Salmos 90:9

Cheqatapuni, kawsayniykoqa phiñakuyniykirayku tukukapun, mashkha watatachus kawsanaykoqa samay jinalla chinkapun.

Salmos 39:6

6 (7) Tukuy runaqa llanthu jinalla pasapunku. May jinata qhapajyanapis qhasi manakajlla, paykunataj mana yachankuchu pipajchus kananta.

Salmos 102:26

26 (27) Tukuy chaykunaqa chinkaponqanku. Qantajrí wiñaypaj sayanki. Tukuynin p'acha jina mawk'ayaponqa. Qantajrí chaykunata p'achata jina lluch'uspa, wajta churanki.