1 Juan 2:16 - DIOSPA QHELQACHISQ

¹⁶ Kay pachapi kaykuna tiyan: Juchallinaman aysaj sonqoj mana allin kajta munaynin, ñawej rikusqanta imata jina munapayay, imatachus tarisqanmanta chayrí kapuyninmanta runaykachay ima. Chay tukoyqa mana Tata Diosmantachu, manachayqa Diosman mana kutirikojkunamanta.

Qheshwa Biblia DC

¹⁶ Tukuy ima kay mundopi kajqa, kay jina kanku: Aychaj munapayaynin, ñawispa qhawapayaynin, umata oqhariypiwan. Kay tukuy imaqa mana Dios Tatamantachu, mundomantamin.

DIOSPA QHELQACHISQAN DEUTEROCANONICAL

¹⁶ Kay pachapi kaykuna tiyan: Juchallinaman aysaj sonqoj mana allin kajta munaynin, ñawej rikusqanta imata jina munapayay, imatachus tarisqanmanta chayrí kapuyninmanta runaykachay ima. Chay tukoyqa mana Tata Diosmantachu, manachayqa Diosman mana kutirikojkunamanta.

Quechua South Bolivia: Dios Parlapawanchej

¹⁶ Cay pachapi tucuy sajra cajta munayka sajra cajta ruwaywanka manapuni Tata Diosninchejmantachu. Manachayrí supay Satanasmantamin. Chaycunataj cancu: runaj sajra munaynin, sajra cajta ricuspa munapayay, capuyniyoj caskanmanta manacajta jatunchacuypis.

1 Juan 2:16 Referans Kwoze

Romanos 13:14

Aswanpis Tukuyta Kamachej Jesucristo imaynachus kasqanwan p'achawan jina p'achallikuychej, amataj yuyaychejchu juchallinaman aysaj sonqoykichejpa munayninta ruwayta.

Gálatas 5:17

Juchallinaman aysaj sonqoj millayta ruwayta munasqanqa Santo Espíritoj contranpi. Santo Espiritupis juchallinaman aysaj sonqoj munasqanpa contrallanpitaj. Ajinaqa paykunapura churanakunku. Chayrayku qankuna mana imatapis munasqaykichejta ruwayta atillankichejchu.

Génesis 3:6

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

Proverbios 27:20

Wañuywan, ukhu pachawan ima mana jayk'aj sajsankuchu. Jinallataj runaj munapayayninpis mana sajsakunchu.

Efesios 2:3

Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

Santiago 3:15

Chay jina yachayqa mana Diosmantachu. Aswanpis chayqa Diosman mana kutirikojkunaj yuyasqankuman jina, chantá runaj yuyasqanman jina, Supaymanta ima.

1 Pedro 2:11

Munasqa wawqe panaykuna, qankuna kay pachapi waj llajtayojkuna jina kankichej. Chayrayku tukuy sonqo mañakuykichej: Ama juchallinaman aysaj sonqoykichejpa munasqanta kasuychejchu, imaraykuchus chaykuna sonqoykichejpa contranpi sayaykunku.

2 Pedro 2:10

Astawanqa jasut'enqa, pikunachus khuchichakuspa purinaman qokunku, chaykunata. Paykunaqa Diospa tukuyta kamachej kayninta pisipaj qhawanku. Mana manchachikuyniyoj may kasqankuta yuyakuspataj, paykuna janaj pachapi atiyniyojkunapaj rimaytapis mana manchachikunkuchu.

Josué 7:21

Jericopi chay tukuy ima qhechusqayku ukhupi, Babiloniamanta manchay sumaj mantata rikorqani, 200 qolqeta, khuskan kilo kuraj jina qoritawan ima. Chaykunata anchatapuni moq'erisqayrayku oqharerqani. Chantá toldoy uraman p'ampaykorqani, qolqetataj aswan ukhuman churaykorqani, nispa.

Tito 2:12

Diospa qhasilla k'acha yanapayninrí yachachiwanchej millayta ruwaspa puriyta qhesachananchejta, chantapis Diosman mana kutirikojkuna imatachus munasqankuta mana munapayananchejta ima. Yachachillawanchejtaj kay pachapi allinta qhawarikuspa purinata, cheqanta ruwaspa kawsanata, chantá Diosta may jatun respetowan qhawaspa kawsanata ima.

Salmos 78:18

Tata Dios atinmanchu? nispa, munasqankuman jina mikhunata mañakorqanku.

2 Pedro 2:18

Chaykuna paykunamanta manchayllata parlanku, parlasqankurí qhasi manakaj. Chantá paykuna pikunachus kunallanraj pantasqa purinamanta ñak'ayllata ayqekojkunata yuyaychanku munasqankuman jina purispa juchallinaman kutirinankuta.

1 Pedro 1:14

Chayrayku kasukoj wawakuna jina kaychej, amataj sonqoykichejpa munasqanta ruwaychejchu, imaynatachus ñawpajta manaraj Diosmanta allinta yachashaspa ruwaj kankichej, jinataqa.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

San Mateo 5:28

Noqatajrí niykichej: Sichus pipis uj warmita qhawaspa paywan puñuykunanpaj munapayan chayqa, ñapis paywan sonqonpi khuchichakunña, nispa.

Salmos 73:6

Chayrayku runaykachanaqa paykunapaj walqa jina, atiyniyoj kasqankupi atinikuspa, millay ruwasqankupis p'achanku jina.

Job 31:1

Chantá Job ujtawan parlayta qallarerqa: Noqa sonqoypi nerqani, sipaskunawan puñuykuyta mana munapayanayta.

San Lucas 4:5

Chantá Kuraj Supayqa orqo pataman Jesusta pusaspa, uj ñawi ch'irmiypi tukuy kay pachapi suyukunata rikucherqa,

Gálatas 5:24

Cristojta kajkunaqa juchallinaman aysaj sonqonkuta chakatanku, millay ruwayta yachasqa kaynintawan khuskata.

Números 11:4

Chaypacha israelitakuna ukhupi imaymana waj llajtayoj runakuna karqanku. Paykunaqa awantay mana atinata mikhunamanta yarqhachikorqanku. Israelitakunapis paykuna jina waqaspa, ajinata nerqanku: Ay, pitaj aychata mikhunanchejpaj qoriwasunmanri?

San Mateo 4:8

Chantá Kuraj Supayqa jatun orqo patamanñataj Jesusta pusaspa, uj ñawi ch'irmiypi kay pachapi tukuy suyukunata, qhapaj kapuyninkutawan ima rikucherqa.

Salmos 78:30

Chaywanpis manaraj yarqhayninkuta thasnushajtinku, aycha simillankupiraj kashajtin,

Números 11:34

Chayrayku chay cheqata “Quibrot Hatavá”, nispa suticharqanku. Ajinata chaynejta suticharqanku, aychawan mana sajsakuyta atejkunaj ayankuta p'ampasqankurayku.

Proverbios 6:25

Ama k'achita kasqanqa sonqoykita suwasuchunkuchu. Qhawarisusqanpis ama sonqoykita aysachunchu.

1 Corintios 10:6

Chay tukuy ima llakiy paykunata qhatirerqa, noqanchejtaj chaymanta yachaqakunanchej tiyan, ama paykuna jina mana allin kajta munapayananchejpaj.

Génesis 6:2

Diospa churinkunarí runakunaj ususinkuna k'achita kasqankuta rikuspa, casaranankupaj munasqankuman jina ajllakorqanku.

Daniel (hebreo) 4:30

30 (27) nerqa: Qhawariychej, imayna jatunchus Babilonia llajta kasqanta. Noqamin chayta jatun atiyniywan sayaricherqani suyuypa jatun llajtan kananpaj, ajinamanta atiyniyoj kasqayta tukuy yachanankupaj, nispa.

Santiago 4:16

Qankunarí mayta wapuykachaspa, may kasqaykichejta yuyakunkichej. Chay jina wapuykachanaqa manamin walejchu.