1 Juan 2:13 - DIOSPA QHELQACHISQ

¹³ Jesucristota qhatikuypi unayniyojña kajkuna, qankunaman qhelqamuykichej, imaraykuchus qankuna Jesucristota qhatikushankichej, pichus manaraj imapis kashajtin karqañapuni, chayta. Jesucristota qhatikuypi wayna jina kallpanpi kashajkuna, qankunamanpis qhelqamullaykichejtaj, imaraykuchus qankunaqa Kuraj Supayta atipankichejña. Wawakuna, qankunamanpis qhelqamullaykichejtaj, imaraykuchus Tata Dioswan allinpi kawsakushankichej.

Qheshwa Biblia DC

¹³ Qankunamampis, tatakuna, escribimuykichej. Qankunaqa qallariymantapacha kajta rejserqankichej. Waynakuna, qankunaman escribimuni. Qankunaqa supayta atiparqankichejña. Wawakuna, qankunaman escribimuni, Dios Tatata rejsisqaykichejrayku.

DIOSPA QHELQACHISQAN DEUTEROCANONICAL

¹³ Jesucristota qhatikuypi unayniyojña kajkuna, qankunaman qhelqamuykichej, imaraykuchus qankuna Jesucristota qhatikushankichej, pichus manaraj imapis kashajtin karqañapuni, chayta. Jesucristota qhatikuypi wayna jina kallpanpi kashajkuna, qankunamanpis qhelqamullaykichejtaj, imaraykuchus qankunaqa Kuraj Supayta atipankichejña. Wawakuna, qankunamanpis qhelqamullaykichejtaj, imaraykuchus Tata Dioswan allinpi kawsakushankichej.

Quechua South Bolivia: Dios Parlapawanchej

¹³ Tatacuna, kelkamushayquichej Jesucristota rejsiskayquichejraycu. Payka wiñaypaj causanpuni manaraj ni ima cashajtinpis. Jóvenes, kelkamushayquichej sajra cajta atipaskayquichejraycu. Wawacuna, kelkamushayquichej Tata Diosninchejta rejsiskayquichejraycu.

1 Juan 2:13 Referans Kwoze

San Juan 14:7

Noqatachus rejsiwankichej chayqa, Tataytapis rejsillankichejtaj. Kunanmantapacha payta rejsinkichej, imajtinchus payta rikushankichej, nispa.

1 Juan 2:14

Jesucristota qhatikuypi unayniyojña kajkuna, qankunaman qhelqamuykichej, imaraykuchus qankunaqa pichus ñawpajmantapacha kajta rejsinkichejña. Jesucristota qhatikuypi wayna jina kallpaykichejpi kajkuna, qankunaman qhelqamullaykichejtaj, imaraykuchus sinch'i kallpayoj kankichej, Diospa simi nisqantapis sonqoykichejpi jap'ikunchej, chantá Kuraj Supayta atiparqankichej.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

1 Juan 1:1

Tukuy imapis manaraj ruwasqa kashajtin, kawsayta qoj Simi Nisqa sutiyoj karqañapuni. Noqaykutaj payta uyarerqayku, jinataj kikin ñawiykuwan rikorqayku, qhawarqayku, chantá makiykuwan llankharqayku ima.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

1 Juan 5:18

Yachanchej Diospa wawanña kajkunaqa manaña juchallispallapunichu purisqankuta, imaraykuchus Diospa Churin paykunata waqaychan, Kuraj Supaytaj paykunata mana imanaytapis atinñachu.

1 Juan 3:12

Ama Caín jinaqa kanachejchu. Payqa Kuraj Supaypata kasqanrayku, wawqenta wañucherqa. Imaraykutaj Caín wawqenta wañucherqari? Payta wañucherqa, imaraykuchus paypa ruwasqan mana cheqanchu karqa, wawqenpatataj cheqan.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

1 Juan 2:12

Munasqa wawaykuna, kayta qankunaman qhelqamuykichej, imaraykuchus juchaykichejqa Jesucristonejta pampachasqaña.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

Tito 2:6

Ajinallatataj waynakunatapis yuyaychay allinta qhawarikuspa purinankupaj.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 14:9

Jesustajrí payman kuticherqa: Felipe, chhika unaytaña qankunawan kashajtiy, manarajpunichu rejsiwanki? Pichus noqata rikuwajqa Tataytapis rikullantaj. Jinaqa, imaraykutaj nishanki: Tata Diosta rikuchiwayku, nispari?

San Juan 8:19

Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

San Mateo 13:38

Jallp'aqa kay pachawan ninakun. Sumaj mujutaj Diospa janaj pacha kamachiyninpi kajkuna kanku, cizañataj Kuraj Supayta kasojkuna.

San Mateo 13:19

Wakin runakunaqa ñan patapi urmasqa muju jina kanku. Pipis janaj pacha kamachiyninmanta willayta uyarishaspa mana entiendejtin, Kuraj Supay jamuspa, sonqonpi imachus tarpusqa kajta qhechun.

Proverbios 20:29

Waynakunaj jatunchakuynenqa kallpanku. Machu runakunaj jatunchakuynintajrí yuraj chujchanku.

Salmos 91:14

Tata Dios nin: Noqata munakuwasqanrayku payta qhespichisaj, patamantaj payta oqharisaj noqata rejsiwasqanrayku.

Salmos 90:2

Manaraj orqokuna ruwasqa kashajtin, nitaj kay jallp'a, kay pachapis kashajtin, wiñaymanta wiñaykama qan Dios kanki.

1 Timoteo 5:1

Kuraj runataqa ama k'arajta k'amiykuychu, manachayqa tataykita jina parlapayay. Waynakunawanpis wawqeykikunapis kankuman jina parlay.

San Juan 17:21

Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

Zacarías 9:17

Suyunkoqa may sumaj, may munaymin kanqa. May chhika trigowan, vinowan kasqanrayku, waynakuna, sipaskuna ima kallpasapa wiñanqanku.

Joel 2:28

28 (3.1) Kay tukuymanta qhepaman, tukuy runaman Espirituyta kachaykamusaj. Churiykichejkuna, jinataj ususiykichejkunapis noqaj sutiypi sut'inchanqanku. Unayniyoj runakunapis mosqokullanqankutaj. Waynakunapis mosqoypi jina imakunata rikullanqankutaj.

Salmos 148:12

Jinallataj qharikuna, warmikuna, waynakuna, sipaskuna, machu runakuna ima Diosta yupaychallaychejtaj.

San Mateo 5:37

Chayrayku qankuna kay jinallata parlankichej: Maypachachus arí, nispa ninkichej chaypachaqa, ajina kachun. Maypachachus mana, nispa ninkichej chaypacharí, ajinallataj kachun. Chaymanta astawan parlanaqa sajraj yuyaychasqanmin.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Apocalipsis 12:11

Wawqe pananchejkunaqa Cordero cruzpi wañuspa yawar jich'asqanrayku, chantá Diosmanta willasqankurayku Supayta atiparqanku. Paykuna kawsayninkuta pisipaj qhawasqankurayku, wañuyta mana manchachikorqankuchu.