1 Juan 1:7 - DIOSPA QHELQACHISQ

⁷ K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

Qheshwa Biblia DC

⁷ K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

DIOSPA QHELQACHISQAN DEUTEROCANONICAL

⁷ K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

Quechua South Bolivia: Dios Parlapawanchej

⁷ Cristorí Diospa palabranta casushanpuni. Nokanchej Cristojina ruwasunman chayka, tucuy nokanchej paypi ujchaska uj yuyaylla causacunchej. Chaywanpis Diospa Wawan, Jesucristo nokanchejraycu wañorka. Chay wañupuwaskanchejraycullataj llimphuchaskas cashanchej tucuy imaymana juchamanta.

1 Juan 1:7 Referans Kwoze

Efesios 5:8

Ñawpajta qankuna laqhayaypi karqankichej. Kunantajrí Tukuyta Kamachej Jesusman ujchasqa kaspa, k'anchaypi kashankichej. Chayrayku k'anchaymanta kajkuna jina puriychej.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Romanos 13:12

Tutaqa tukukapushanña, qhespichisqa kananchej p'unchaytaj qayllamushan. Chayrayku laqhayaypi millay ruwanata ch'ichi p'achapis kanman jina lluch'ukuna. Jinaspataj, Supaywan maqanakunanchejpaj Dios qowanchej, chay lliphipirishaj p'achatañataj churakuna.

Efesios 1:7

Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.

1 Juan 1:5

Jesucristo kay jinata yachachiwasqaykuta qankunaman willayku: Diosqa k'anchay jinamin, manataj paypeqa ni ima laqhayay kanchu.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

1 Pedro 1:19

Aswanpis, Cristo cruzpi wañuspa yawarninta jich'asqanwan qankuna kacharichisqa kankichej. Payqa mana ch'ichiyoj, mana iman imanasqa cordero jina jaywasqa karqa.

San Juan 12:35

Chantá Jesús paykunaman kuticherqa: K'anchayneyqa pisi p'unchaytawanraj qankunata k'anchasonqachej. K'anchaypi puriychej, ama laqhawan jap'ichikunaykichejpaj. Laqhapi purejqa mana yachanchu maynintachus rishasqanta.

1 Juan 5:6

Jesucristo kay pachaman jamuspa, yakuwan bautizasqa karqa, chantá wañuspataj, yawarninta jich'arqa. Mana yakunejllatachu Jesusqa Diospa Churin kasqanta sut'incharqa, manachayqa yakunejta, chantá yawarnejta ima. Santo Espíritu cheqatapuni parlaj jina kayqa ajinapuni kasqanta sut'inchan.

1 Juan 1:3

Ajinaqa imatachus rikusqaykuta, chantá uyarisqaykuta ima qankunaman willayku, qankuna uj sonqolla noqaykuwan kanaykichejpaj, imaynatachus noqaykupis Tata Dioswan, chantá Churin Jesucristowan uj sonqolla kayku, ajinata.

Salmos 89:15

15 (16) Tata Dios, sutiykita yupaychaj aylloqa kusikuyniyojmin, pikunachus k'anchayniykej k'anchasqanpi purinku, chaykuna.

Salmos 56:13

13 (14) imajtinchus wañuymanta kacharichiwarqanki, urmanaymantapis jark'awarqanki. Chayrayku kunanqa, Diosníy, ñawpaqeykipi kawsayta qoj k'anchayniykipi purisaj.

Zacarías 13:1

Chay p'unchaypi Davidpa ayllunpaj jinataj Jerusalenpi tiyakojkunapaj yaku juturi kicharisqa kanqa, chaypi millay juchankuta mayllanankupaj.

Isaías 2:5

Jakuchej, Jacobpa ayllun, Tata Diospa k'anchayninpi purinachej.

Apocalipsis 12:11

Wawqe pananchejkunaqa Cordero cruzpi wañuspa yawar jich'asqanrayku, chantá Diosmanta willasqankurayku Supayta atiparqanku. Paykuna kawsayninkuta pisipaj qhawasqankurayku, wañuyta mana manchachikorqankuchu.

1 Timoteo 6:16

Pay k'atamin ni jayk'aj wañojqa, payllatajmin mana chimpay atina k'anchaypi tiyakojqa. Payta mana pipis rikorqachu, nitaj pipis rikuyta atinchu. Ajina kasqanrayku pay jatunchasqapuni kachun, may jatun atiynintaj wiñaypa wiñaynintinpaj kachun. Ajina kachun.

Salmos 97:11

K'anchayqa cheqanta ruwajkunata k'anchan, cheqan sonqoyojkunatataj kusichin.

1 Juan 5:8

Santo Espíritu, yaku, chantá Jesús cruzpi wañuspa yawar jich'asqan ima. Chay kinsantinkutaj ujllata parlanku.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

3 Juan 1:4

Noqaqa mayta kusikuni wawaykuna cheqa kajman jina purishasqankuta uyarispa. Chaymin astawan kusichiwan.

Salmos 104:2

Qanqa k'anchaywan uj mantawan jina qhataykukunki, janajtataj uj toldota jina mast'arqanki.

2 Juan 1:4

Noqaqa maytapuni kusikorqani, wakin wawaykikuna cheqa kajman jina kawsashasqankuta yachaspa. Paykunaqa Tata Dios kamachiwasqanchejman jina kawsashanku.

Amós 3:3

Sichus iskay runakuna khuska purinku chayqa, ujllata parlasqankurayku ajinata purinku.

Salmos 51:2

2 (4) Tukuy millay ruwasqaymanta mayllaway, juchaymantataj llimphuchaway.

Isaías 6:7

Chantá nina k'ajawan simiyman chayaykuchiwaspa, niwarqa: Kay nina simiykiman chayasqanrayku kunanqa juchayki pichasqaña, juchaykimantataj llimphuchasqa kanki, nispa.

Isaías 33:24

Mana pipis nenqachu: Onqosqa kani, nispa. Manachayqa Tata Diosqa Sión llajtapi tiyakojkunaj juchankuta pampachanqa.

San Mateo 6:12

Juchaykutapis pampachapuwayku, imaynatachus pipis mana allinta ruwawajtiyku, noqaykupis juchankuta pampachayku, ajinata.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

San Juan 5:4

imaraykuchus chaypacha yuyaj kanku unaymanta unay, uj ángel urayk'amuspa yakuta kuyurichisqanta. Pichus ñawpajta estanqueman yaykojtaj ima onqoyllamantapis qhaliyachisqa kanan karqa.