1 Juan 1:10 - DIOSPA QHELQACHISQ

¹⁰ Sitajchus mana juchallikusqanchejta ninchej chayqa, Diosta llullata jina rikhurichinchej. Ajinata ruwaspa, simi nisqanta mana tukuy sonqochu jap'ikusqanchejmanta yachayta qoshanchej.

Qheshwa Biblia DC

¹⁰ Mana juchallikunchejchu nisunman chayqa, llullata jina Diosta qhawachinchej, palabrantaj mana noqanchejpichu kashan.

DIOSPA QHELQACHISQAN DEUTEROCANONICAL

¹⁰ Sitajchus mana juchallikusqanchejta ninchej chayqa, Diosta llullata jina rikhurichinchej. Ajinata ruwaspa, simi nisqanta mana tukuy sonqochu jap'ikusqanchejmanta yachayta qoshanchej.

Quechua South Bolivia: Dios Parlapawanchej

¹⁰ Mana juchallicuskanchejta nisunman chayka, uj llullatajina Diosta khawanchej. Ajinata nispaka paypa niskanta mana chekamantachu sonkonchejpi jap'inchej.

1 Juan 1:10 Referans Kwoze

1 Juan 1:8

Sichus mana juchayoj kasqanchejta ninchej chayqa, noqallanchejtaj q'otiyakushanchej, manataj cheqa kajtachu parlashanchej.

1 Juan 5:10

Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

1 Juan 2:4

Sichus pipis ninman: Noqaqa Dioswan allinpi kawsakushani, nispa, nitaj kamachisqanta kasunchu chayqa, chay runaqa llullamin, manataj cheqantachu parlashan.

2 Juan 1:2

Qankunata munakuykichej, chay cheqa kaj willayrayku, mayqenchus sonqonchejpi kashan, wiñaypajtaj noqanchejwan kanqa, chayrayku.

Salmos 130:3

Tata Dios, juchaykutachus cuentaman churawaj chayqa, pitaj ñawpaqeykipi sayayta atinmanri?

1 Juan 2:14

Jesucristota qhatikuypi unayniyojña kajkuna, qankunaman qhelqamuykichej, imaraykuchus qankunaqa pichus ñawpajmantapacha kajta rejsinkichejña. Jesucristota qhatikuypi wayna jina kallpaykichejpi kajkuna, qankunaman qhelqamullaykichejtaj, imaraykuchus sinch'i kallpayoj kankichej, Diospa simi nisqantapis sonqoykichejpi jap'ikunchej, chantá Kuraj Supayta atiparqankichej.

Job 24:25

Sichus kay nisqay mana jinachu chayqa, pitaj llullakusqayta niwanmanri? Pitaj parlasqayta qhasi manakajman tukuchinmanri? nispa.

Colosenses 3:16

Qankunaqa Cristoj sumaj yachachisqanmanta amapuni qonqakuychejchu. Manachayqa Diospa qosqan yuyay yachaywantaj purajmanta yachachinakuychej, k'aminarikuychej ima. Jinataj Diosta tukuy sonqo pachis nispa, salmokunata, yupaychana takiykunata, chantá Santo Espíritoj yuyaychasqan takiykunata ima takiychej.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

Job 15:14

Imataj runa kasqa llimphu kasqanta yuyananpajri? Warmimanta paqarej runaqa cheqan kanmanchu?

Jeremías 2:35

Chaywanpis qan ninkiraj: Noqa mana juchayojchu kani. Diosqa mana noqawan phiñasqachu kashan, nispa. Kunantajrí qan mana juchayoj kasqaykita nisqaykirayku, qanwan pleitota oqharisaj.

San Juan 3:33

Tukuy pichus sut'inchasqanta jap'ikojqa sut'ita nin Dios cheqatapuni parlasqanta.