1 Corintios 1:2 - DIOSPA QHELQACHISQ

² Qankunaqa Cristo Jesusman ujchasqa kaspa, Diospaj t'aqasqa kankichej, wajyasqataj juchamanta t'aqasqa kanaykichejpaj. Dios Jesucristonejta paypaj t'aqawarqanchej, pikunachus Tukuyta Kamachej Jesucristoj sutinta oqharinku, chaykunatawan khuska. Payqa paykunaj Kuraj Kamachejninku, noqanchejpatapis.

Qheshwa Biblia DC

² Escribimuni kay cartata, Diospa iglesianman Corinto llajtapi kajman. Paykunaqa llimphuchasqas kanku Cristo Jesuspi, wajyasqas, juchamanta t'aqasqas kausanankupaj; mayllapipis Señorninchej Jesucristoj sutinta tukuy wajyakojkunawan ima. Payqa paykunaj Señorninku noqanchejpatapis.

DIOSPA QHELQACHISQAN DEUTEROCANONICAL

² Qankunaqa Cristo Jesusman ujchasqa kaspa, Diospaj t'aqasqa kankichej, wajyasqataj juchamanta t'aqasqa kanaykichejpaj. Dios Jesucristonejta paypaj t'aqawarqanchej, pikunachus Tukuyta Kamachej Jesucristoj sutinta oqharinku, chaykunatawan khuska. Payqa paykunaj Kuraj Kamachejninku, noqanchejpatapis.

Quechua South Bolivia: Dios Parlapawanchej

² Kelkamushayquichej, Corinto llajtapi Diospa sutinpi tantacojcunaman. Diosllaman t'akaskas carkanquichej Cristo Jesuswan ujchaska. Dios ajllacusorkachej paypa llimphu causayniyojcunan canayquichejpaj. Kancunatapis waj ashqha hermanostapis pay ajllarka. Ajinatamin ajllacuskasnin tucuynejpi yupaychashancu Señorninchej Jesucristota. Payka paycunaj Señornincu cashan, nokanchejpatapis.

1 Corintios 1:2 Referans Kwoze

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Hebreos 13:12

Ajinallatataj Jesuspis llajtamanta jawapi ñak'arispa wañorqa, yawar jich'asqanwan runakunata Diospaj t'aqananpaj.

1 Tesalonicenses 4:7

Diosqa mana millayta ruwaspa purinapajchu wajyawarqanchej, manachayqa juchamanta t'aqasqa kaspa, Diospa munasqanman jina kawsananchejpaj.

Hebreos 10:10

Dios mayta munarqa Jesucristoj ukhun wiñaypaj uj kutillata jaywasqa kananta, chaynejta noqanchej Diospaj t'aqasqa kananchejpaj.

2 Corintios 4:5

Noqaykoqa mana noqayku kikiykumantachu willashayku. Manachayqa Jesucristo Tukuyta Kamachej kasqanta willayku. Jinallataj noqayku qankunaj kamachiykichejkuna jina kayku, Jesusta munakusqaykurayku.

Hechos 9:14

Kay llajtamanpis kuraj sacerdotekunaj carta qosqankuwan jamun, pikunachus sutiykita oqharispa Diosninkupaj rejsikapusojkunata presochaspa apananpaj, nispa.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.

Judas 1:1

Noqa Judas kani, Jesucristoj wata runan, chantá Santiagoj wawqen. Kay cartatataj Tata Diospa wajyasqankunaman apachimuni, pikunatachus Tata Dios munakun, Jesucristotaj waqaychan, chaykunaman.

Hebreos 2:11

Chayrayku juchamanta t'aqasqa kajkuna, chantá pichus paykunata juchamanta t'aqaj Jesuswan uj Tatallamanta kanku. Ajina kasqanraykutaj Jesús mana p'enqakuspa, paykunata wawqe panankunapaj rejsikapun.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

1 Timoteo 3:15

Ajinamanta sichus kaypi qhepakullasajraj chayqa, yachanki imaynatachus Diospa ayllun ukhupi purinayki kasqanta. Chay aylloqa kawsashaj Diospa Iglesian, mayqenchus cheqa kajta waqaychan, sinch'itataj sayachin, chay.

2 Tesalonicenses 1:1

Pablowan, Silvanowan, Timoteowan ima Tesalónica llajtapi kaj iglesiaman kay cartata apachimuyku, pikunachus Tata Diospata, chantá Tukuyta Kamachej Jesucristojta kanku, chaykunaman.

1 Tesalonicenses 1:1

Noqa Pablo, Silvanowan, Timoteowan ima Tesalónica llajtapi kaj iglesiaman kay cartata qhelqaspa apachimuyku. Qankunaqa Tata Diosman, jinataj Tukuyta Kamachej Jesucristoman ima ujchasqa kankichej. Chayrayku Diospa qhasilla k'acha yanapaynin, sonqo tiyaykuynin ima qankunawan kachun.

Efesios 5:26

Chayta Cristo ruwarqa Iglesian juchamanta t'aqasqa llimphu kananpaj, simi nisqanwan mayllaspataj, yakuwan jina llimphucharqa.

2 Corintios 1:1

Noqa Pabloqa Jesuspa kuraj kachan kani Diospa munayninrayku. Kay cartata qhelqamuykichej wawqenchej Timoteowan khuska, Corinto llajtapi Diospa iglesianman, Ajaya jap'iypi pikunachus Diospaj t'aqasqa kanku, chaykunaman ima.

1 Corintios 8:6

Chaywanpis noqanchejpajqa uj Dioslla tiyan, Tata Dios. Paymanta tukuy ima jamun, noqanchejtaj paypaj kawsanchej. Jinallataj Tukuyta Kamachejqa ujlla tiyan, Jesucristo. Paynejta Dios tukuy ima kaj chhikata ruwarqa, paynejllatataj noqanchejman kawsayta qowanchej.

Romanos 10:12

Judiokunapis, mana judío kajkunapis uj rejlla kanchej, imaraykuchus Jesusqa tukuypata kamachejninchej. Paytaj may jina k'acha kasqanrayku, payman tukuy qhaparikojkunata mana mich'akuspa yanapan.

Romanos 3:22

Diosqa runata cheqanpaj qhawawanchej Jesucristopi atinikusqanchejrayku. Paytaj chayta ruwan Jesuspi tukuy atinikojkunawan, imaraykuchus Diosqa runata mana qhawaranchu.

Hechos 22:16

Jina kajtenqa, imatataj suyashankiri? Jatarispa, bautizachikuy, jinaspataj Jesuspa sutinta oqharispa Diosniykipaj rejsikapuy, juchaykimanta llimphuchasqa kanaykipaj, nispa.

Hechos 18:1

Chay qhepata Pabloqa Atenas llajtamanta ripuspa, Corinto llajtamanñataj rerqa.

Hechos 15:9

Payqa noqanchejta, mana judío kajkunatapis uj ñawillawan qhawawanchej. Chayrayku paykunaj sonqonkutapis juchamanta llimphucharqa Jesuspi atinikusqankurayku.

Hechos 10:36

Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

Hechos 9:21

Saulota uyarejkunatajrí t'ukuspa, tapunakusharqanku: Manachu kay runaqa Jerusalenpi pikunachus Jesuspa sutinta oqharispa Diosninkupaj rejsikapojkunata qhatiykachasharqa chinkachinanpaj? Manachu kaymanpis jamullarqataj, paykunata cadenawan watasqata kuraj sacerdotekunaj ñawpaqenman apananpaj? nispa.

Salmos 45:11

11 (12) K'achita kasqayki kuraj kamachejpa sonqonta suwan. Payqa wiraqochiyki, chayrayku payta kasunayki tiyan.

Génesis 12:8

Chaymanta Betel llajtaj inti llojsimuynejpi kashan, chay orqonejman riporqa, chaypitaj toldonta sayacherqa. Betel llajtaqa jarakusqanmanta inti yaykuynejpi kasharqa, Hai llajtataj inti llojsimuynejpi kasharqa. Chay cheqapipis Abramqa Tata Diospaj uj altartawan ruwallarqataj, chantá Tata Diospa sutinta oqharispa, yupaycharqa.

Génesis 4:26

Setpatapis churin kallarqataj, sutintaj Enós karqa. Chaymantapacha runakunaqa Tata Diospa sutinta oqharispa, payta yupaychayta qallarerqanku.

2 Timoteo 2:22

Waynakunata, sipaskunataqa tukuy imaymana millay kajta ruwaspa purinaman sonqonku aysan. Qanrí chay jina purinamanta ayqey. Aswanpis cheqan kajta ruwaspallapuni puriy, jinallataj Diosta mana wasanchaspa kawsay. Chantá munakuyniyoj kaspa, wajkunawan allinpi kawsakuy. Ajinata ruway, pikunachus llimphu sonqomanta Diosta yupaychanku Diosninkupaj rejsikapusqankurayku, chaykunawan khuska.

Gálatas 1:2

Noqawan kashaj tukuy wawqe panakunapis Galaciapi kaj iglesiakunaman napaykamuyku.

Hechos 9:13

Ananiastajrí kutichispa, nerqa: Tukuyta Kamachej Jesús, ashkha runaña willawanku imaynatachus Jerusalenpi chay Sauloqa qanpi atinikojkunata anchata ñak'arichisqanta.

Romanos 8:28

Yachanchej Diosqa payta munakojkunaj allinninkupaj tukuy imata wakichisqanta, pikunatachus pay wajyarqa munasqanman jina, chaykunapaj.

1 Corintios 10:32

Ama imatapis ruwaychejchu judiokuna, chantá mana judío kajkuna Diosman kutirikuyta mana munanankupaj jinaqa. Nillataj imatapis ruwaychejchu Diospa iglesianmanta kajkuna juchallinankupaj jina.

1 Corintios 12:27

Qankunaqa tukuyniykichej Cristoj ukhunmanta kankichej, sapa ujtaj chay ukhoj imankuna kankichej.

1 Timoteo 2:8

Chayrayku tukuynejpi yupaychanapaj tantakuypi qharikunaqa Dioswan parlarikunankupaj allin puriyniyoj kachunku, mana piwan siminakuspa, nitaj piwan phiñanakuspa, nillataj imamantapis piwan churanakuspa.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.