Proverbios 21:1 - DIOSPA QHELQACHISQAN DEUTEROCANONICAL

¹ Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Qheshwa Biblia DC

¹ Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

DIOSPA QHELQACHISQ

¹ Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Proverbios 21:1 Referans Kwoze

Proverbios 16:9

Runaqa imatachus ruwananta sonqonpi wakichin, Tata Diostajrí chay runata munasqanman jina pusan.

Proverbios 20:24

Tukuy runaj kawsaynenqa Tata Diospa makinpi kashan. Mana pipis yachayta atinchu imapichus kawsaynin tukukunanta.

Esdras 6:22

Qanchis p'unchay junt'ata Mana Levadurayoj T'anta raymita manchay kusiywan ruwarqanku, imaraykuchus Tata Diosqa Asiriamanta kaj kuraj kamachejpa sonqonta llamp'uyachisqa, Israelpa Diosninpa Templonta ruwayta yanapananpaj.

Hechos 7:10

Jinapi Diosqa Joseta tukuy ñak'ariyninpi yanaparqa, jinallataj payman yuyayta, yachaytawan qorqa Egiptopi kuraj kamachej faraón allin ñawiwan qhawananpaj. Chaymantataj faraonqa Joseta churarqa tukuy Egiptota kamachinanpaj, ajinallatataj kamachinan wasitapis.

Proverbios 16:1

Runaqa imatapis ruwananpaj yuyaychakun chaypis, Tata Dios imachus kananta nin.

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

Salmos 106:46

Pikunachus paykunata presochajkunatapis Tata Dios paykunamanta khuyapayacherqa.

Isaías 43:19

Kunan noqa uj mosoj imata ruwasaj, chaytaj rikhurishanña. Manachu chayta qankuna reparashankichejri? Ch'innejpi watej uj ñanta kicharisaj, mayukunatataj ch'aki pampakunapi rikhurichisaj.

Salmos 105:25

Chantá Diosllataj Egipto llajtayojkunaj sonqonkuta uj jinaman tukucherqa ayllunta chejninankupaj, Tata Diospa kamachinkunaj contrankuta mana allinta ruwayta yuyanankupaj.

Nehemías 2:4

Chantá kuraj kamachejqa tapuwarqa: Imatataj qanpaj ruwapunayta munanki? nispa. Chaypacha janaj pachapi kaj Diosmanta mañarikuytawan,

Nehemías 1:11

Chayrayku mañarikuyki ari, Tukuyta Kamachej Diosníy, mañakususqayta uyariway. Qhaparikamususqaykutapis uyariwayku, pikunachus sutiykita mayta jatunchayta munayku. Mañakullaykitaj tukuy imapi allin rinawanta, jinallataj kay Persia suyoj kuraj kamachejninpa khuyakuyninta tariyta atinaypaj, nispa. Ajinata Diosmanta mañakorqani. Chaypacha noqaqa kuraj kamachej Artajerjespa copa jaywajnin karqani.

Salmos 74:15

Juturikunata, mayukunata ima qan rikhuricherqanki. Ni jayk'aj ch'akej jatun mayukunata qanllataj ch'akicherqanki.

Isaías 44:27

Noqaqa mama qochata ch'akichiyta atini, jinallataj mayukunatapis.

Salmos 93:4

Qantajrí, janaj pachapi kaj Tata Dios, oqharikoj yakumantapis aswan atiyniyoj kanki, mama qocha phiñarikuspa qhollchoqeyan, chaymantapis aswan atiyniyojmin kanki.

Apocalipsis 16:12

Chaymantataj sojta kaj angelñataj Éufrates jatun mayuman vasonmanta jich'aykorqa. Chantá Éufrates mayupi yaku ch'akiporqa, inti llojsimuynejmanta kuraj kamachejkuna, chantá soldadonkukuna ima chimpayta atinankupaj.

Apocalipsis 16:4

Jinallataj kinsa kaj angelqa mayukunaman, chantá yaku juturikunaman ima vasonmanta jich'aykorqa. Chaykunapipis yakoqa yawarman tukullarqataj.

Salmos 114:5

Imajtintaj qan, Puka Mama Qocha, ayqerqankiri? Imajtintaj qan, Jordán mayu, qhepaman kutirerqankiri?

Salmos 114:3

Puka Mama Qochaqa israelitakunata rikuspa ayqerqa, Jordán mayupis qhepaman kutirerqa.

Jeremías 39:12

Jeremiasta carcelmanta orqhomuspa, paymanta qhaway. Amataj ni ima mana allintapis payta ruwaychu, manachayqa tukuy mañakususqanta jayway, nispa.

Éxodo 7:3

Noqatajrí faraonpa sonqonta rumiyachisaj, Egipto suyupitaj runaj mana jayk'aj rikusqan t'ukuna imakunata ruwasaj.

2 Reyes 19:33

May ñantachus jamorqa, chayllatataj kutiriponqa, manataj kay llajtaman yaykumonqachu. Noqa Tata Diosmin chaytaqa nini.

Esdras 1:1

Persiamanta kuraj kamachej Ciro uj watataña kamachishajtin, Tata Dios junt'ayta qallarerqa, ima sut'inchaytachus pay willachisqa sut'inchaj Jeremiasnejta, chayta. Chayrayku Tata Diosqa kuraj kamachej Ciroj sonqonta kuyuricherqa. Cirotaj tukuynin kamachiyninpi kajkunaman parlaypi, qhelqasqapitaj kay jinata willacherqa:

Esdras 1:2

Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

Nehemías 2:8

Waj cartatapis qollawankimantaj kuraj kamachejpa sach'ankunata qhawaj Asafpaj, kurkukunata qonawanpaj. Chaywan Diospa Templonpa punkunkunata churasaj, jinallataj llajtaj perqanpa punkunkunata, chantá maypichus tiyakusaj, chay wasipajpis, nispa. Kuraj kamachejtaj tukuy mañasqayta qowarqa, Dios khuyarikuwaspa yanapawasqanrayku.

Ester (hebreo) 2:17

Chantá kuraj kamachej Asueroqa Esterta astawan munakorqa tukuynin sipaskunamanta nisqaqa. Ajinamanta, Esterqa kuraj kamachejpa sonqonta suwarqa. Chayrayku kuraj kamachej Asueroqa Esterta pillucherqa, Vastij cuentanmanta qoya kananpaj.