Números 20:2 - DIOSPA QHELQACHISQAN DEUTEROCANONICAL

² Chaypi mana yaku kasqanrayku, israelitakuna tantakuspa, Moisespa, chantá Aaronpa contranta ima oqharikorqanku.

Qheshwa Biblia DC

² Chaypi mana yaku kajtintaj israelitasqa tantaykukuytawan Moisespaj, Aarompajwan maytapuni rimarqanku.

DIOSPA QHELQACHISQ

² Chaypi mana yaku kasqanrayku, israelitakuna tantakuspa, Moisespa, chantá Aaronpa contranta ima oqharikorqanku.

Números 20:2 Referans Kwoze

Números 16:19

Chaymantataj Coré, Dioswan Tinkukuna Toldo punkupi, Moisespa contranpi chantá Aaronpa contranpiwan tukuy israelitakunata tantachejtinkama, ujllata Tata Diospa jatun kayninpa lliphipiynin rikhurimorqa.

Números 16:42

42 (17.7) Chantá tukuy israelitakuna Moisespa, chantá Aaronpa contranpi tantaykukuspa, Dioswan Tinkukuna Toldoman rerqanku. Chantá chay ratopacha phuyu Dioswan Tinkukuna Toldota p'ampaykorqa, Tata Diospa jatun kayninpa lliphipiynintaj rikhurerqapacha.

Números 21:5

Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

Números 16:3

Tukuyninku tantaykukuspa, Moisesman, Aaronmanwan sayaykuspa, nerqanku: Munasqaykichejta ruwanaqa kaykamalla kachun. Tukuy israelitakuna Diospaj t'aqasqa kanchej, Tata Diospis tukuyninchejwan kashan. Imaraykutaj qankuna Tata Diospa ayllunmanta aswan kasqaykichejta yuyakunkichejri? nispa.

Éxodo 16:12

Noqa uyarini israelitakuna noqapaj thutusqankuta. Chayrayku paykunata kay jinata ninki: Manaraj inti yaykuyta aychata mikhunkichej, tutamantataj t'antata sajsakunaykichejkama mikhunkichej. Ajinapi noqamin Tata Dios qankunaj Diosniykichej kasqayta yachankichej, nispa.

Éxodo 16:7

Tutamanta Tata Diospa jatun kayninpa lliphipiyninta rikunkichej. Payqa paypaj rimasqaykichejta uyarisunkichej. Noqaykurí, pitaj kayku, noqaykupaj thutunaykichejpajri? nispa.

Éxodo 16:2

Chaypi israelitakunaqa Moisespaj, Aaronpaj ima thutorqanku.

Salmos 106:32

Meribapi yaku qocha chimpapipis paykuna Tata Diosta phiñachillarqankutaj, paykunaraykutaj Moisestapis mana allinchu rerqa.

Números 14:2

Chantá tukuy israelitakuna Moisespa, chantá Aaronpa contranta ima rimayta qallarerqanku: Walej kanman karqa Egiptopi wañunanchej, chayrí kay ch'inpi wañunanchejpis.

Números 14:9

Jinaqa ama Tata Diospa contranta oqharikuychejchu, amataj chay llajtayojkunamanta manchachikuychejchu. Paykunataqa manaraj imapi atipasun. Paykunamanta jark'akojqa mana pipis kanchu. Noqanchejwanrí Tata Dios kashan. Chaynejta ama manchachikuychejchu, nispa.