Números 19:21 - DIOSPA QHELQACHISQAN DEUTEROCANONICAL

²¹ Kay kamachisqayqa wiñaypaj qankunapaj kanqa. Pichus llimphuchakuna yakuwan wajta ch'ajchojqa p'achanta t'ajsakunan tiyan. Jinallataj chay yakuta llankhajpis ch'isiyanankama mana llimphupaj qhawasqa kanqa.

Qheshwa Biblia DC

²¹ Kay leyqa wiñaypaj churasqa kanqa. Pichus llimphuchakuy yakuwan wajta ch'ajchojqa p'achasninta t'ajsakunan tiyan. Jinallataj chay yakuta llankhajpis ch'isiyanankama ch'ichipaj qhawasqa kanqa.

DIOSPA QHELQACHISQ

²¹ Kay kamachisqayqa wiñaypaj qankunapaj kanqa. Pichus llimphuchakuna yakuwan wajta ch'ajchojqa p'achanta t'ajsakunan tiyan. Jinallataj chay yakuta llankhajpis ch'isiyanankama mana llimphupaj qhawasqa kanqa.

Números 19:21 Referans Kwoze

Hebreos 10:4

Chayqa ajina, imaraykuchus torokunaj, chantá chivokunaj yawarnenqa runaj juchanta manapuni wiñaypaj pampachayta atinchu.

Hebreos 9:10

Chay ñawpa kamachisqakuna karqa mikhunamanta, ujyanamanta, Diospa ñawpaqenpi llimphu rikhurinapaj imachus ruwanamanta ima. Chaykunataj valorniyoj karqa, Dios tukuy imata mosojyachinan p'unchaykamalla.

Hebreos 7:19

Moisespa kamachisqanqa mana pitapis cheqan runaman tukuchiyta aterqachu. Kunanrí Dios aswan sumaj kajta qonawanchejta suyakuspa noqanchej paypi atinikunchej. Chaynejtataj Diosman qayllaykunchej.

Levítico 11:40

Pichus wañusqa animalpa aychanta mikhojqa p'achanta t'ajsakonqa, ch'isiyaykuykamataj mana llimphupaj qhawasqa kanqa. Jinallataj pichus wañusqa animalta orqhojqa p'achanta t'ajsakonqa, chantá ch'isiyaykuykama mana llimphupaj qhawasqa kallanqataj.

Levítico 11:25

Jinallataj pillapis kay khurukunamanta wañusqata oqharejqa p'achanta t'ajsakonqa, ch'isiyaykuykamataj mana llimphupaj qhawasqa kanqa.

Éxodo 27:21

Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

Números 19:7

Chantá sacerdoteqa p'achanta yakuwan t'ajsanqa, tukuy ukhuntapis mayllakonqa. Chaymantataj jaraman yaykuyta atenqa. Chaywanpis ch'isiyaykuykamaraj mana llimphupaj qhawasqa kanqa.

Números 18:23

Dioswan Tinkukuna Toldopi imachus ruwanataqa, levitakunalla ruwanqanku. Imapipis pantaykuspaqa, paykunallataj cuentayoj kanqanku. Kay kamachisqayqa mirayniykichejpaj wiñaypaj kanqa. Levitakunaqa israelitakuna ukhupi mana jallp'ayojchu kanqanku,

Números 19:8

Wakata ruphachej runapis kikillantataj p'achanta yakuwan t'ajsanqa, jinallataj tukuy ukhuntapis mayllakonqa. Paypis kikillantataj ch'isiyaykuykama mana llimphupaj qhawasqa kanqa.

Números 19:10

Waka ruphasqaj ushphanta oqharej runarí p'achanta yakuwan t'ajsakonqa. Chaywanpis ch'isiyaykuykamaraj mana llimphupaj qhawasqa kanqa. Kay kamachisqayqa qankunapaj, jinallataj qankunawan tiyakoj karu llajtayojkunapajpis wiñaypaj churasqa kanqa.