Números 19:13 - DIOSPA QHELQACHISQAN DEUTEROCANONICAL

¹³ Sichus pipis ima ayata llankhaspa, mana llimphuchakonqachu chayqa, Tata Dioswan Tinkukuna Toldota ch'ichichan. Chayrayku chay runaqa israelitakuna ukhumanta wijch'usqa kanqa, paypa patanman llimphuchakuna yaku mana ch'ajchusqa kasqanrayku. Payqa mana llimphupaj qhawasqa kanqa, ch'ichi kasqantaj patanpi kanqa.

Qheshwa Biblia DC

¹³ Sichus ima runapis ima ayata llankhajqa, manataj llimphuchakunchu chayqa, Dioswan tinkukuna toldota ch'ichichan, chayrayku chay runa israelitas ukhumanta chinkachisqa kanqa. Paypa patanman mana llimphuchakuy yakuwan ch'ajchusqa kasqanrayku payqa ch'ichipaj qhawasqa kanqa.

DIOSPA QHELQACHISQ

¹³ Sichus pipis ima ayata llankhaspa, mana llimphuchakonqachu chayqa, Tata Dioswan Tinkukuna Toldota ch'ichichan. Chayrayku chay runaqa israelitakuna ukhumanta wijch'usqa kanqa, paypa patanman llimphuchakuna yaku mana ch'ajchusqa kasqanrayku. Payqa mana llimphupaj qhawasqa kanqa, ch'ichi kasqantaj patanpi kanqa.

Números 19:13 Referans Kwoze

Levítico 15:31

Ajinata qankunaqa israelitakunata ch'ichi kayninkumanta yachachinkichej. Mana jina kanman chayqa, paykunaqa tiyakunay toldota ch'ichichasqankumanta wañunkuman, nispa.

Levítico 22:3

Nillaytaj: Kunanmanta qhepamanqa Aaronpa mirayninmanta sichus mayqellanpis mana llimphupaj qhawasqa kashaspa, israelitakuna noqapaj t'aqaspa apamuwasqankuman qayllanman chayqa, payqa ñawpaqeymanta chinkachisqa kanqa. Noqamin Tata Dios kani.

Levítico 7:20

Sichus pipis mana llimphupaj qhawasqa kashaspa, Tata Diosman allinyakuy jaywasqamanta aychata mikhunman chayqa, chinkachisqa kanqa.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

Apocalipsis 22:11

Chaykamarí millayta ruwajqa millay kajta ruwallachunrajpuni, ch'ichi puriyniyojtaj ch'ichichakuspallapuni purichun. Cheqan runarí cheqan kajta ruwallachunpuni, juchamanta t'aqasqataj astawan astawan llimphuchakun.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

San Juan 8:24

Chayrayku nerqaykichej juchaykichej patapi wañunaykichejta. Noqa pichus kasqayta willarqaykichej. Willasqayta manachus jap'ikunkichej chayrí, juchaykichej patapi wañunkichej, nispa.

Proverbios 14:32

Millayta ruwaj runata mana allin ruwasqallantaj jatun llakiyman churan. Allin ruwaj runarí wañunankama Tata Diosllapi suyakun.

Números 19:20

Sichus mana llimphupaj qhawasqa runa mana llimphuchakonqachu chayqa, llajtanmanta chinkachisqa kanqa, Tata Dioswan Tinkukuna Toldota ch'ichichasqanrayku. Chay runaqa llimphuchakuna yakuwan mana ch'ajchusqa kasqanrayku, mana llimphupaj qhawasqa kanqa.

Números 19:18

Chantá llimphupaj qhawasqa uj runa chay yakuman hisopo qhorawan chhapuspa, toldota ch'ajchumuchun, chay ukhupi imachus kajta, chaypi kaj runakunatawan ima. Jinallataj ch'ajchonqa pichus runa tulluta, chayrí runa wañuchisqata, chayrí runa wañusqata, jinallataj aya p'ampanata llankhajta.

Números 19:9

Chantá llimphupaj qhawasqa uj runa ruphasqa wakaj ushphanta oqharispa, jaramanta jawapi llimphupaj qhawasqa cheqaman apanqa. Chantá chaypi chay ushphata churanqa, israelitakuna chaywan llimphuchakunapaj yakuta wakichinankupaj. Chayqa juchata pampachanapaj jaywanamin.

Números 15:30

Sichus mayqellanpis, israelitapis kachun, chayrí waj llajtayojpis kachun, yachashaspa juchallinman chayqa, noqata manakajpaj qhawawan. Chayrayku chay runaqa israelitakuna ukhumanta wijch'usqa kanqa.

Números 8:7

Llimphuchasqa kanankupaj kay jinata ruwanki: Llimphuchana yakuwan paykunata ch'ajchunki. Chaymantataj paykunaqa tukuy ukhunkumanta chujchata raphakonqanku, chantá p'achankutapis t'ajsakullanqankutaj. Ajinata levitakunaqa llimphuchasqa kanqanku.

Levítico 20:3

Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa.

Levítico 5:17

Sichus pillapis mana reparakuspalla, Tata Diospa kamachisqanmanta mayqellantapis p'akinman chayqa, chay runa juchayoj kanqa. Juchallisqantaj patanpi kanqa.

Levítico 5:6

Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.

Levítico 5:3

Sichus pillapis mana reparakuspalla, runaj ukhunmanta llojsej ch'ichinta llankhanman chayqa, mana llimphupaj qhawasqa kanqa. Chantá qhepanejman reparakunman chaypis, juchayojmin kanqa.

Hebreos 9:10

Chay ñawpa kamachisqakuna karqa mikhunamanta, ujyanamanta, Diospa ñawpaqenpi llimphu rikhurinapaj imachus ruwanamanta ima. Chaykunataj valorniyoj karqa, Dios tukuy imata mosojyachinan p'unchaykamalla.

Levítico 7:21

Ichapis pipis runaj ch'ichinta llankhanman, chayrí ch'ichipaj qhawasqa animalta, chayrí ima ch'ichillatapis llankhanman, jinapis Tata Diosman k'achata kawsakuy jaywanamanta mikhunman chayqa, llajtamanta wijch'usqa kanqa, nispa.

Números 19:14

Uj runa toldo ukhupi wañojmantaqa kayta kamachini. Tukuy pichus toldo ukhuman yaykojkuna, jinallataj tukuy pichus toldo ukhupi kajkunaqa qanchis p'unchayta mana llimphupaj qhawasqa kanqanku.

Números 19:19

Pichus llimphu kaj runaqa kinsa kaj p'unchaypi, chantá qanchis kaj p'unchaypi, mana llimphupaj qhawasqa runata ch'ajchonqa. Qanchis kaj p'unchaypi mana llimphupaj qhawasqa runata llimphuchanqa. Chantá mana llimphupaj qhawasqa runa p'achanta t'ajsanqa, jinallataj ukhuntapis pay kikin mayllakonqa. Jinapis ch'isiyaykuykamaraj mana llimphupaj qhawasqa kanqa.

Ezequiel 44:26

Ayata llankhaspaqa, llimphuchakunanku tiyan, chaymantapis qanchis p'unchaytawanraj suyanqanku.

Éxodo 30:33

Pillapis kay aceiteman rijch'akojta ruwajqa, chayrí kay aceitewan pitapis jawejqa israelitakuna ukhumanta wijch'usqa kanqa, nispa.

Levítico 22:4

Sichus Aaronpa mirayninmanta mayqen qharillapis llejtiwan onqosqa kashaspa, chayrí phichilunmanta q'eya surumunman chayqa, llimphupaj qhawasqa kananpaj llimphuchakunankama Diospaj t'aqasqa mikhunamanta mana mikhuyta atenqachu. Pichus ayarayku ch'ichipaj qhawasqa imakunata llankhaj, chayrí pichus mujun llojsirparejta llankhaj,

Números 9:13

Chaywanpis sitajchus pipis llimphupaj qhawasqa kashaspa, nitaj ñan puriypipis kashaspa, Pascuata mana ruwanmanchu chayqa, Israel ayllu ukhumanta chinkachisqa kachun. Chay kikin p'unchaypi Tata Diosman jaywanata mana jaywasqanrayku, chay runa juchachasqa kanqa.