Números 18:19 - DIOSPA QHELQACHISQAN DEUTEROCANONICAL

¹⁹ Israelitakuna t'aqaspa tukuy jaywawasqankuta qanman qopuyki, jinataj churiykiman, ususiykiman ima. Kay kamachisqayqa wiñaypaj churasqa kanqa. Kachipi ruwasqa tratoqa qanpaj, jinataj churiykikunapaj ñawpaqeypi wiñaypaj ruwasqa kashan, nispa.

Qheshwa Biblia DC

¹⁹ Israelitaspa tukuy sumaj ofrendasta Señorman apamusqankoqa, qampaj, qanwan tiyakushankuraj chay qhari wawasniykipaj, warmi wawasniykipajwan kanqa. Kay leyqa unaypaj churasqa kanqa. Kay tratotaqa ni pi p'akiyta atinchu. Unaypaj kanqa, chaytaqa noqa qanwan ruwani, jinallataj mirayniykiwampis.

DIOSPA QHELQACHISQ

¹⁹ Israelitakuna t'aqaspa tukuy jaywawasqankuta qanman qopuyki, jinataj churiykiman, ususiykiman ima. Kay kamachisqayqa wiñaypaj churasqa kanqa. Kachipi ruwasqa tratoqa qanpaj, jinataj churiykikunapaj ñawpaqeypi wiñaypaj ruwasqa kashan, nispa.

Números 18:19 Referans Kwoze

2 Crónicas 13:5

Manachu qankunaqa yachankichej Israelpa Tata Diosnenqa Davidman ayllunmanwan ima uj tratota ruwaspa, Israel suyuta wiñaypaj kamachinanta nisqanta?

Números 18:11

Chantá noqa qanman, jinataj qanllawanraj tiyakoj churiykikunaman, ususiykikunamanwan ima qollaykitaj, israelitakuna sumajnin kajta t'aqaspa qowasqankumanta. Kay kamachisqaqa wiñaypaj kanqa. Pillapis wasi aylluykipi llimphupaj qhawasqa kajqa chaykunamanta mikhuyta atillanqa.

Levítico 2:13

Tata Diosman ch'aki mikhuymanta tukuy ima jaywanaykimanqa kachita churankipuni, ama qonqankichu. Tata Dios qanwan trato ruwasqanmanta kacheqa tukuy jaywanaykipi kanantapuni tiyan. Tata Diosman tukuy jaywanaykimanqa kachita churankipuni.

2 Crónicas 31:4

Jinallatataj Jerusalenpi tiyakoj runakuna sacerdotekunaman, levitakunamanpis imakunatachus qonanku karqa, chayta qopunankuta kamacherqa. Jinamanta Tata Diospa kamachisqanman jina, mana mich'akuspa imachus ruwanankuta junt'anankupaj wakiykorqanku.

Deuteronomio 12:6

Qankuna chay cheqallapi uywa ñak'asqata jaywaspa Diosman q'olachinkichej, chantá jaywanatapis payman jaywallankichejtaj. Apallankichejtaj chunkamanta ujta payman qonaykichejpaj, ofrendakunata, nisqaykichejta junt'aspa jaywanata, sonqomanta qoyta munaspa ofrendata, chantá wakaykichejmanta, ovejaykichejmanta phiwi uñankuta ima.

Números 31:41

Tata Diosman jaywanapaj t'aqasqa kajmanta Moisesqa sacerdote Eleazarman qorqa, Tata Dios kamachisqanman jina.

Números 31:29

Soldadokunaman chayajmanta noqaman jaywasqa kajta sacerdote Eleazarman qonki.

Números 18:8

Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

Levítico 7:14

Tukuy jaywanamanta wakinta Tata Diosman jaywanqa. Chantá chay jaywasqaqa sacerdotepaj kanqa, pichus k'achata kawsakuy jaywanamanta uywaj yawarninta altarpi ch'ajchojpaj.

Deuteronomio 12:26

Tata Diospaj ofrendata t'aqasqaykichejta payman qonaykichejta nerqankichej, chaykunatawan apankichej, Tata Dios maynejpichus uj cheqata ajllakonqa, chayman.

2 Reyes 12:16

Chaywanpis israelitakuna juchanku pampachasqa kananpaj chantá juchallisqankumanta, apasqanku qolqetaqa mana Tata Diospa Templonman apajchu kanku. Chayqa sacerdotekunapaj karqa.

Ezequiel 43:24

Chaykunata Tata Diosman jaywanki. Chantá sacerdotekunaqa ñak'asqa aychata kachinchaytawan q'olachispa Tata Diosman jaywanqanku.

Éxodo 29:27

Aaronwan, churinkunawan ima Tata Diospaj t'aqasqa kanankupaj, corderoj qhasqonta, piernantawan ima ikhasqa jaywawasqaykita t'aqanki. Chaykunataj Aaronpaj, churinkunapajwan kanqa.

Levítico 21:22

Tata Diosman jaywana t'antata, jinataj Diospaj t'aqasqa imakunamantapis mikhuyta atillanqa.