Números 13:28 - DIOSPA QHELQACHISQAN DEUTEROCANONICAL

²⁸ Chaywanpis chaypi tiyakoj runakunaqa manchay kallpayoj kasqanku. Llajtankukunapis jatuchachaj, sumaj perqawan muyurichisqa kasqa. Chay jawa jatunkaray runa Anacpata churinkunatapis rikullarqaykutaj.

Qheshwa Biblia DC

²⁸ Chaywampis, chaypi tiyakoj runasqa manchay kallpasniyoj kasqanku, llajtasninkupis jatuchaj, perqaswan sumaj jark'achisqastaj. Chantapis rikullaykutaj Anacpa mirayninmanta kajkuna jatuchaj runas kasqankuta.

DIOSPA QHELQACHISQ

²⁸ Chaywanpis chaypi tiyakoj runakunaqa manchay kallpayoj kasqanku. Llajtankukunapis jatuchachaj, sumaj perqawan muyurichisqa kasqa. Chay jawa jatunkaray runa Anacpata churinkunatapis rikullarqaykutaj.

Números 13:28 Referans Kwoze

Deuteronomio 1:28

Kunanqa maymantaj risunri? Chay jallp'ata qhawaj rejkuna niwanchej, jaqaypi runaqa noqanchejmanta aswan atiyniyoj, astawan jatuchajtaj kasqankuta. Nillawanchejtaj llajtankukunapis jatuchaj sumaj perqawan muyuykuchisqa kasqankuta. Rikullasqankutaj Anacpata miraynenqa jatunkaray runakuna kasqankuta, nispa.

Josué 11:22

Ajinamanta Israel suyupi jatunkaray runaj Anac sutiyoj ayllunmanta ni uj qhepakorqachu. Wakin anaquitakuna Gazapi, Gatpi, Asdodpi imalla kawsashaj qhepakorqanku.

Números 13:33

Chaypi jatunkaray runakunata rikullarqaykutaj, paykunaqa Anacpata churinkuna kasqanku. Noqayku paykunaj qayllankupi phinki phinki jina juch'uysitu karqayku. Paykunapis jinallatataj noqaykuta qhawawarqayku, nispa.

Josué 15:14

Chay llajtamanta Calebqa Anacpa kinsantin churinkunata wijch'orqa: Sesayta, Ajimanta chantá Talmayta ima.

Deuteronomio 3:5

Tukuy chay llajtakunaqa sumaj perqawan muyurichisqa karqanku, chantá jatuchaj punkuyoj, sumaj wisq'anayoj ima. Mana perqawan muyurichisqachu karqanku chay llajtakunataqa mana yuparqanchejchu.

Deuteronomio 2:21

Refaitakunaqa atiyniyoj, ashkhataj karqanku, anaquitakuna jinataj jatunkaray runakuna karqanku. Paykunatarí, Tata Dios amonitakunanejta tukucherqa. Chaymanta amonitakuna chay jallp'ata jap'ispa, chaypi tiyakorqanku.

Jueces 1:20

Moisés nisqanman jina, israelita kurajkunaqa Hebrón llajtata Calebman qorqanku. Calebtaj chaymanta wijch'orqa Anacpa kinsantin churinkunata.

2 Samuel 21:16

Jinapi uj jatunkaray runataj Isbibenob sutiyoj Davidta wañuchiyta munaspa, qayllaykorqa. Chay runaj lanzanpa umanqa kinsa kilo khuskanniyojmanta astawanraj karqa, chumpinpitaj uj mosoj espadata apasharqa.

Josué 14:12

Chayrayku orqorara jallp'ata qoway ari, mayqentachus Tata Dios qonawanta nerqa, chayta. Qan yachanki chaynejpi jatunkaray runa Anacpa churinkuna sumaj phatu perqawan muyuykusqa llajtakunapi tiyakusqankuta. Chaywanpis noqaqa Tata Diospa yanapawasqanwan chay runakunata wijch'usaj, Tata Diospa nisqanman jina, nispa.