Números 10:12 - DIOSPA QHELQACHISQAN DEUTEROCANONICAL

¹² Chaypacha israelitakunaqa Sinaí ch'innejmanta purirerqanku. Phuyutaj Parán nisqa ch'innejpi sayarqa.

Qheshwa Biblia DC

^12-13 Israelitasqa Sinaí ch'in pampamanta purirerqanku. Phuyutaj Parán ch'in pampanejpi sayarqa. Imaynatachus Señorqa Moisesnejta kamachisqanman jina.

DIOSPA QHELQACHISQ

¹² Chaypacha israelitakunaqa Sinaí ch'innejmanta purirerqanku. Phuyutaj Parán nisqa ch'innejpi sayarqa.

Números 10:12 Referans Kwoze

Números 12:16

María paykunaman kutiykamojtintaj, israelitakuna Jaserotmanta puririspa, Parán nisqa ch'innejpi jarakorqanku.

Génesis 21:21

Paytaj Parán nisqa ch'innejpi tiyakorqa, aswan qhepanejmantaj maman payta Egipto llajtayoj warmiwan casaracherqa.

Deuteronomio 1:1

Kay jinata Moisés Jordán mayu inti llojsimuynej ch'innejpi tukuynin israelitakunaman parlarqa. Arabapi, Sufpa chimpanpi, Parán llajtawan, Tofel, Labán, Jaserot, Dizahab llajtawan ima, chawpinpi kashajtinku parlarqa.

Números 13:26

Parán nisqa ch'innejpi Cadesman kutimporqanku. Chaypi Moisés, Aarón, chantá tukuy israelitakuna ima suyasharqanku. Chantá kachasqakunaqa imatachus rikusqankuta paykunaman willarqanku. Chay jallp'amanta apasqanku poqoytapis rikuchillarqankutaj.

Números 13:3

Chantá Moisesqa Tata Diospa kamachisqanman jina, Parán nisqa ch'inmanta qhawajkunata kacharqa. Tukuy kachasqakunaqa israelitakuna ukhupi kamachejkuna karqanku.

Números 9:5

Paykunataj Sinaí ch'innejpi, wata qallariy killapi, chunka tawayoj p'unchay ch'isiyaykuyta Pascua raymita ruwarqanku Tata Dios Moisesman kamachisqanman jina.

Números 1:1

Israelitakuna Egiptomanta llojsimusqanku uj wata kurajña kashajtin, iskay kaj killa qallariyta Sinaí ch'innejpi kasharqanku. Chantá Dioswan Tinkukuna Toldopi Moisés kashajtin, Tata Dios kay jinata nerqa:

Habacuc 3:3

Diosqa Temán chaynejmanta jamun. Parán orqomanta May Llimphu Kaj Dios jamushan. Jatun kayninpa lliphipiynenqa kay pachaman junt'aykun, kay pachapis payta jatunchaywan junt'a kashan.

1 Samuel 25:1

Samuel wañuporqa, chayraykutaj tukuy israelitakuna wañupusqanmanta waqanankupaj tantakorqanku. Ayantataj Ramá llajtapi kikin wasillanpitaj p'amparqanku. Chaymantataj Davidqa Parán nisqa ch'innejman riporqa.

Deuteronomio 33:2

Tata Diosqa Sinaimanta jamorqa. Seirmantapacha k'anchamorqa, Parán orqomantataj lliphipimorqa. Cades Meribamantapacha jamushan, paña makinpi kamachisqankunata ninata jina aparisqa. Waranqa waranqa ajllasqakunawan ima jamushan.

Deuteronomio 1:19

Chantá Tata Dios kamachiwasqanchejman jina Horebmanta puririspa, amorreokunaj orqorara cheqanejman chayarqanchej. Tata Diosninchej kamachiwasqanchejman jina purerqanchej, chay jina manchachikuna jatun ch'innejta Cadés Barneaman chayananchejkama. Chayta qankuna rikorqankichej.

Números 9:1

Israelitakuna Egiptomanta llojsimusqanku iskay wataña kashajtin, chay wata qallariy killapi, Sinaí ch'innejpi Tata Dios Moiseswan kay jinata parlarqa:

Éxodo 13:20

Israelitakunaqa Sucotmanta puririspa, ch'innejman yaykuna qayllanejpi, Etam nisqa cheqanejpi jarakorqanku.

Génesis 14:6

Seir nisqa orqokunapipis Hor suyumanta kajkunata atiparqanku, paykunatataj Parán pampakama qhatiykorqanku. Chaynejqa ch'innej qayllapi kashan.

Números 9:17

Dioswan Tinkukuna Toldo patamanta phuyu oqharikojtintaj, israelitakuna purirej kanku. Phuyu sayajtintaj, chaynejpi paykunaqa jarakoj kanku.

Números 10:33

Ajinata israelitakunaqa Tata Diospa orqonmanta purirerqanku, rerqankutaj kinsa p'unchay puriyta. Tata Diospa trato ruwasqan arcaqa ñawpaqenkuta risharqa, maynejpichus jarakunankuta mask'aspa.

1 Reyes 11:18

Madianmanta llojsispataj, Paranman chayasqanku, chaymanta runakunata kamachinkupaj jap'ispataj, paykunawan Egiptoman ripusqanku. Chantá kuraj kamachej faraonpaman risqanku, paytaj wasita, mikhunata, llank'ana jallp'akunatawan qosqa.

Números 2:34

Israelitakunaqa chay tukuyta imaynatachus Moisesman Tata Dios kamachisqanman jina ruwarqanku. Sapa jatun ayllu, maypichus wiphalanku kasharqa, chaypi jarakorqanku. Purirerqankutaj sapa uj wasi ayllunkuman jina, ñawpa tatankoj sutinman jinataj.

Deuteronomio 1:7

Kunanqa tukuy imaykichejta oqharikuspa, amorreokunaj orqonkunaman riychej, tukuy muyuyninkupi kaj llajtakunaman ima. Rillaychejtaj Arabaman, orqorara cheqanejman, vallekunaman, Neguevman, mama qocha kantuman, cananeokunaj suyunkuman, Libanoman, chantá Éufrates jatun mayukama ima.