San Mateo 5:5 - DIOSPA QHELQACHISQAN DEUTEROCANONICAL

⁵ Kusikuyniyojmin kanku llamp'u sonqoyojkunaqa, imaraykuchus Dios kay pachata chayaqeta jina paykunaman qonqa.

Qheshwa Biblia DC

⁵ Kusikuyniyoj kanku llamp'u sonqoyojkunaqa, imaraykuchus paykuna jallp'ata chayaqenkupaj jap'enqanku.

DIOSPA QHELQACHISQ

⁵ Kusikuyniyojmin kanku llamp'u sonqoyojkunaqa, imaraykuchus Dios kay pachata chayaqeta jina paykunaman qonqa.

Quechua South Bolivia: Dios Parlapawanchej

⁵ ‘May cusiskas cancu llamp'u sonkowan Diosta casojcuna. Paycunaka cay pachapi Diospa niskanmanjina jap'enkancu.

San Mateo 5:5 Referans Kwoze

Salmos 37:11

Llamp'u sonqoyojkunatajrí kay pachata chayaqenkupaj jap'enqanku, sonqo tiyaykusqa kawsaspataj, kusikonqanku.

Isaías 29:19

Tata Diosqa llamp'u sonqoyojkunata mayta kusichenqa, aswan wajcha kajkunapis Israelpa May Llimphu Kaj Diosninkurayku maytapuni kusikonqanku.

Santiago 3:13

Sichus qankunamanta mayqellanpis yachayniyoj kanman chayqa, jinataj imatachus Dios munasqanta entiendenman chayqa, yachayniyoj kasqanta allinta purispa rikuchichun. Yachayniyoj kasqanrayku llamp'u sonqowan allin kajtapuni ruwachun.

Salmos 149:4

Tata Diosqa ayllunwan sonqo junt'asqa kashan, llamp'u sonqoyojkunatataj atipachispa pilluykuchin.

Gálatas 5:23

llamp'u sonqo kay, sonqonpa munasqanwan mana atipachikoj kay ima. Ajinata ruwaspa purejkunata mana pipis kamachisqakunata p'akishasqanmanta juchachayta atenqachu.

Santiago 1:21

Chayrayku sonqoykichejmanta tukuy millay kajta, tukuy ch'ichi kajtapis t'iraspa wijch'uychej. Chantá Diospa nisqan sonqoykichejpi tarpusqaña kajta llamp'u sonqowan jap'ikuychej, mayqenchus qankunata qhespichiyta atin, chayta.

Salmos 25:9

Llamp'u sonqoyojkunata cheqan ñannejta pusan, imaynatachus purinankutataj yachachin.

Números 12:3

Moisesqa tukuy kay pachapi runakunamanta nisqaqa aswan llamp'u sonqoyoj karqa.

Colosenses 3:12

Qankunaqa Diospa ajllakusqan kankichej, paypaj t'aqasqa, may munasqataj. Chayrayku qankuna khuyakuywan, k'acha kaywan, llamp'u sonqo kaywan, mana phiñakoj kaywan, pacienciawan ima p'achawan jina p'achallikuychej.

San Mateo 11:29

Yugoy churasqayta tukuy sonqo jap'ikuychej, noqamantataj yachaqakuychej. Noqaqa k'acha kani, llamp'u sonqotaj, qankunataj chayta ruwaspa, samariyta tarinkichej,

Efesios 4:2

Llamp'u sonqo kaychej, k'achataj. Jinallataj pacienciayoj kaychej, chantá munakusqaykichejrayku ujkuna ujkuna awantanakuychej.

1 Pedro 3:15

Manachayqa sonqoykichejpi Cristota Tukuyta Kamachejniykichejta jina mayta jatunchaychej. Jinataj wakichisqapuni kaychej, Diospi atinikuspa imatachus suyakushasqaykichejmanta sut'ita kutichinaykichejpaj. Pikunachus yachayta munajkunaman tapusqankuman jina llamp'u sonqowan kutichiychej, paykunata respetowan qhawaspa.

Sofonías 2:3

Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

Tito 3:2

Amataj pimantapis mana allintaqa parlachunkuchu, nitaj phiñanakuta mask'achunkuchu. Ajina kanankutaqa k'acha kachunku, jinataj llamp'u sonqo kasqankuta tukuyman rejsichispa kawsakuchunku.

Salmos 37:22

Pikunatachus Tata Dios saminchan, chaykuna kay pachata chayaqenkupaj jap'enqanku. Pikunatachus Tata Dios maldicin, chaykunarí chinkarparichisqa kanqanku.

Salmos 37:9

Millayta ruwajkuna chinkachisqa kanqanku. Tata Diospi atinikojkunarí jallp'ata chayaqenkupaj jap'enqanku.

1 Pedro 3:4

Manachayqa sumaj llamp'u sonqo kaywan, chantá k'acha sonqo kaywan ima sonqoykichejta k'achanchaychej. Chay jina k'achanchakoyqa mana chinkapunchu, chaytaj Diospa ñawpaqenpi may jatunpaj qhawasqa.

Isaías 11:4

Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

Salmos 25:13

Chay runataqa imapipis allin renqa, wawankunataj jallp'ata chayaqenkupaj jap'enqanku.

1 Timoteo 6:11

Qanrí, Diospa kamachin, chay mana allin kajkunamanta karunchakuy. Aswanpis Diosta kasuspallapuni puriypi kallpakuy, Jesucristoj sumaj yachachisqan kanaykipaj. Jinallataj Diospi atinikuspallapuni kay, chantá Diosta tukuy qhatikojkunata munakuy. Sichus llakiykuna qhatirisunkiman chayqa, pacienciakuy, chantá tukuywan k'acha kay.

Salmos 69:32

32 (33) Chayta rikuspa, ñak'arichisqa kajkunapis kusikullanqankutaj, Diosta mask'ajkunaj sonqonkutaj kusiywan qhallallarenqa,

Salmos 37:29

Cheqan runakuna kay pachata chayaqenkupaj jap'enqanku, chaypitaj wiñaypaj tiyakonqanku.

Salmos 37:34

Qanrí, Tata Dios yanapanasunta suyakuy, paytataj kasuy. Pay jatunchasonqa, kay pachatataj chayaqeykipaj qosonqa. Chantá qan kikin ñawiykiwan millay runakunaj urmasqankuta rikunki.

2 Timoteo 2:25

Payqa mana uyarikuyta munajkunata llamp'u sonqowan k'amispa, cheqan ñanman churachun. Ichapis chay jinamanta Dios munanman paykuna payman kutirikunankuta, cheqa kajta rejsinankupaj.

Romanos 4:13

Diosqa Abrahamta nerqa kay pachata payman, chantá mirayninmanpis chayaqenkupaj qonanta, mana Abraham kamachisqakunata junt'asqanraykuchu. Manachayqa Dios chayta nerqa, imaraykuchus Abraham Diospi atinikorqa cheqan runapaj qhawasqa kananpaj.

Salmos 147:6

Tata Diosqa llamp'u sonqoyojkunata oqharin, millayta ruwajkunatarí k'umuykuchin.

San Mateo 21:5

Jerusalén llajtaman niychej: Kuraj kamachejniyki jamushasunki, paytaj llamp'u sonqoyoj kaspa, china burroj uñanpi lloq'asqa jamushan, maltón burritopi, nispa.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Salmos 22:26

26 (27) Wajcha runakuna sajsakunankukama mikhonqanku. Tata Diosta mask'ajkuna payta yupaychanqanku, unaytataj kawsanqanku.