Biblia Todo Logo
Bib sou entènèt

- Piblisite -




San Mateo 4:23 - DIOSPA QHELQACHISQAN DEUTEROCANONICAL

23 Jesús tukuynin Galilea jap'iyta muyumorqa, sapa llajtapitaj tantakunanku wasikunapi Diosmanta sumaj willayta willararqa. Jinallataj chay llajtakunapi tiyakojkunata tukuy imaymana onqoykunamanta, nanaykunamantawan qhaliyacherqa.

Gade chapit la Kopi

Qheshwa Biblia DC

23 Jesús muyumorqa tukuynin Galileata; yachachispa sinagogasninkupi, predicaspa reinoj evangelionta. Llajtapitaj runasta thañichej, tukuy laya onqoykunamanta, nanaykunamantawan.

Gade chapit la Kopi

DIOSPA QHELQACHISQ

23 Jesús tukuynin Galilea jap'iyta muyumorqa, sapa llajtapitaj tantakunanku wasikunapi Diosmanta sumaj willayta willararqa. Jinallataj chay llajtakunapi tiyakojkunata tukuy imaymana onqoykunamanta, nanaykunamantawan qhaliyacherqa.

Gade chapit la Kopi

Quechua South Bolivia: Dios Parlapawanchej

23 Jesús tucuy Galilea jallp'ata purispa tantacuna-wasisnincupi yachachisharka. Sumaj willanastataj willarasharka Diospa ajllaskan chaypiña caskanta camachinanpaj. Astawanpis runas uqhupi tucuy laya onkoycunata thañichisharka.

Gade chapit la Kopi




San Mateo 4:23
46 Referans Kwoze  

Ajinata Jesús muyuynin llajtakunaman, ranchokunaman ima rispa, tantakuna wasikunapi yachacherqa. Chaypi Diospa kamachiyninmanta sumaj willayta willarqa, runakunatataj tukuy onqoykunamanta, nanaykunamantawan qhaliyacherqa.


Ajinata Jesús tukuy Galilea jap'iypi purerqa, chaypi kaj tantakuna wasikunapitaj Diosmanta yachacherqa. Supaykunatapis runakunamanta qharqollarqataj.


Chantá yachankichej imaynatachus Diosqa Santo Espirituta, atiytawan qosqanta Nazaret llajtayoj Jesusman. Jesustaj tukuynejta purerqa allinta ruwaspa, jinallatataj Kuraj Supaypa atiyninpi tukuy ñak'arejkunata qhaliyachispa, Dios paywan kasqanrayku.


Chantá Jesusqa Juanpa kachankunaman kuticherqa: Kutipuspa, Juanman imatachus rikusqaykichejta, uyarisqaykichejta ima willamuychej: Ñawsakuna rikunku, suchukunapis puririnku, jinataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.


Ñawsakunaqa rikunku, suchukunapis puririnku, jinallataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.


Nazaret llajtanman chayaspataj, tantakuna wasipi yachachiyta qallarerqa. Runakunataj t'ukuspa, ajinata nerqanku: Kay runaqa maypitaj kay tukuy imata yachamorqari? Imaynamantataj kay t'ukuna imakunatapis ruwanri?


Chaymantá Jesuswan, yachachisqankunawan ima Cafarnaún llajtaman chayarqanku. Jesustaj samarina p'unchaypi tantakunanku wasiman yaykuspa, Diosmanta yachachiyta qallarerqa.


Paymin tukuy millay ruwasqayta pampachan, tukuy onqoymantapis thañichiwan.


Manachus Dios pitapis willajta kachanman chayqa, mana pipis willaj rinmanchu. Chayrayku Diospa Qhelqachisqanpi nin: Sumaj willaykunata apamuspa, chayamojkunaqa may k'achamin, nispa.


Chaymanta Jesús tukuy llajtaman, tukuy ranchoman ima rerqa, Diospa kamachiyninmanta sumaj willayta yachachispa. Paywan khuskataj chunka iskayniyoj kuraj kachankunapis rillarqankutaj.


Samarina p'unchay chayamojtintaj, Jesusqa tantakuna wasipi yachachiyta qallarerqa. Chaypacha ashkha runakuna Jesuspa yachachisqanta uyarispa, t'ukorqanku, ninakorqankutaj: Kay runari, maypitaj kay tukuy imata yachamorqari? Imaynamantataj kay jinatapuni yachanri? Imaynamantataj kay t'ukuna ruwaykunatapis ruwanri?


Jinallataj Diospa janaj pacha kamachiyninmanta sumaj willayqa tukuynejpi willasqa kanqa, tukuy runakuna yachanankupaj. Chaymantaraj kay pachaj tukukuynin kanqa.


Chaymanta llojsispa, Jesús tantakuna wasiman rerqa.


Jesustajrí payman kuticherqa: Tukuypa rikunanta runakunaman parlarqani. Yachacherqanitaj tantakuna wasikunapi, Templopi ima, maypichus runakuna tantakunku chaypi, manataj imatapis pakayllapi parlarqanichu.


Ujpacha Jesús samarina p'unchaypi tantakuna wasipi yachachisharqa.


Chaywanpis runakuna chayta yachaspa, payman rerqanku, chayajtinkukamataj, Jesús paykunaman Diospa kamachiyninmanta yachacherqa. Chantá onqosqakunatapis qhaliyacherqa.


Uj p'unchay Jesús yachachishajtin, wakin fariseokuna, Diospa kamachisqanmanta yachachejkunawan chaypi tiyasharqanku. Paykuna jamusqanku tukuynin Galilea jap'iymanta, Judea jap'iymanta, Jerusalén llajtamanta ima. Tukuyta Kamachej Diospa atiynintaj Jesuswan kasharqa onqosqakunata qhaliyachinanpaj.


Chaywanpis pay mayta t'ukorqa chay runakuna paypi mana atinikusqankumanta. Chantá Jesús chay muyuynintinpi llajtakunaman rerqa, Diosmanta yachachispa.


Jesús ashkha runataña qhaliyachisqanrayku, tukuy onqosqa runa k'iskikamusharqanku Jesusta llankhaykunankupaj.


Chay qhepata, Juanta carcelman wisq'achisqankumantaña, Jesús Galilea jap'iyman rerqa, chaypitaj Diosmanta kay sumaj willayta willarqa:


Sonqonkupi nerqanku: Ujkama tukuy imata thuñiykunachej, nispa. Chantá llajtantinpi tukuy yupaychana cheqakunata ruphaykucherqanku, maypichus tantakuspa qanta yupaychasoj kayku, chaykunata.


Noqaqa Diospa kamachiyninmanta tukuyniykichejman willarqaykichej. Kunanrí yachani manaña ujtawan uyayta rikunawaykichejta.


Sapa samarina p'unchaypitaj Pabloqa judiokunaman, griegokunaman ima Jesusmanta sumaj willayta yachachej, paykuna Jesuspi atinikunankuta munaspa.


Chay tukuyta Jesús yachacherqa Cafarnaunpi kaj tantakuna wasipi.


Chaypi kaj onqosqa kajkunata qhaliyachiychej, niychejtaj: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.


Jesuswan, chay chunka iskayniyoj kuraj kachankunawan ima orqomanta urayk'amuspa, uj pampaman chayarqanku. Chaypitaj payta suyasharqanku yachachisqankuna, waj ashkha runapis tukuy Judea jap'iymanta, Jerusalén llajtamanta, qocha kantupi Tiro qayllapi llajtakunamanta, Sidón qayllapi llajtakunamanta ima.


Jinapi Jesús botemanta llojsishaspa, ashkha runata rikorqa. Paykunamanta khuyakuspataj, tukuy onqosqakunata qhaliyacherqa.


Wakin runakunaqa ñan patapi urmasqa muju jina kanku. Pipis janaj pacha kamachiyninmanta willayta uyarishaspa mana entiendejtin, Kuraj Supay jamuspa, sonqonpi imachus tarpusqa kajta qhechun.


Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.


Chay qhepata Jesusqa Galileapi purisharqa, manataj Judeapi puriyta munarqachu, imaraykuchus judiokunaj kurajninkukuna wañuchinankupaj payta mask'asharqanku.


Uj p'unchay Jesús Templopi Diosmanta sumaj willayta runakunaman yachachisharqa. Jinallapi kuraj sacerdotekuna, Diospa kamachisqanmanta yachachejkuna, kurajkunawan ima chayamorqanku.


Jesusqa Santo Espíritoj kamachiyninpi kashaspa, Galileaman kuterqa. Runakunataj tukuynejpi payllamanta parlasharqanku.


Waj samarina p'unchaypi tantakuna wasiman yaykuspa Jesús yachachisharqa. Chaypi paña makin ch'akisqa uj runapis kashallarqataj.


Chaypacha Jesús ashkha runata nanayninkumanta, onqoyninkumanta ima qhaliyacherqa, runakunamantataj millay supaykunatapis qharqollarqataj. Jinallataj ashkha ñawsakunatapis qhawaricherqa.


Jinapi Jesús kuticherqa: Wañusqa kajkuna wañusqankukunata p'ampachunku. Qantajrí rispa, Diospa kamachiyninmanta willaramuy, nispa.


Jesús nillarqataj: Diospa ñawpa kamachisqankuna, Diosmanta sut'inchajkunaj nisqankuwan ima runata yuyaycharqanku Bautizaj Juan chayamunankama. Chaymantapacha Diospa kamachiyninmanta chay sumaj willay willakun, tukuytaj atisqankuta ruwanku kamachiyninman yaykunankupaj.


Ajinaqa Pablo mana manchachikuspa, Diospa kamachiyninmanta yachacherqa, Tukuyta Kamachej Jesucristomantawan, nitaj pipis payta jark'arqachu.


Swiv nou:

Piblisite


Piblisite