San Mateo 19:21 - DIOSPA QHELQACHISQAN DEUTEROCANONICAL

²¹ Chantá Jesús payta nerqa: Sichus maychus kajta Diospa munayninta junt'ayta munanki chayqa, tukuy kapuyniykita vendemuspa, wajchakunaman chay qolqeta rak'iray. Ajinamanta janaj pachapi tukuy imayoj kanki. Chaymantataj kutimuspa, yachachisqay kanaykipaj noqata qhatiway, nispa.

Qheshwa Biblia DC

²¹ Jesustaj payman nerqa: Sichus cabal kayta munanki chayqa; riy, tukuy kapususqanta vendemuy, chay qolqetataj pisichikojkunaman qopuy. Ajinamanta kapuyniykeqa janaj pachapi waqaychasqa kanqa. Jamuspataj noqata qhatiway.

DIOSPA QHELQACHISQ

²¹ Chantá Jesús payta nerqa: Sichus maychus kajta Diospa munayninta junt'ayta munanki chayqa, tukuy kapuyniykita vendemuspa, wajchakunaman chay qolqeta rak'iray. Ajinamanta janaj pachapi tukuy imayoj kanki. Chaymantataj kutimuspa, yachachisqay kanaykipaj noqata qhatiway, nispa.

Quechua South Bolivia: Dios Parlapawanchej

²¹ Jesustaj payman nin: —Wiñay causayniyoj canapajjina cayta munanqui chayka, rispa tucuy capuyniyquita vendemuy. Chaymantataj chay kolketa wajcha runasman jaywaramuy. Chaymanta khepata janaj pachapi khapaj capuyniyoj canqui. Chantaka nokawan jamuspa yachacojniy cay, —nispa nerka Jesús.

San Mateo 19:21 Referans Kwoze

Marcos 10:21

Chantá Jesusqa may munakuywan payta qhawaspa, nerqa: Jina chayqa, kaytawanraj ruwanayki tiyan wiñay kawsayniyoj kanaykipaj. Tukuy kapuyniykita vendespa, wajchakunaman chay qolqeta rak'iray. Ajinamanta janaj pachapi tukuy imayoj kanki. Chaymantataj kutimuspa, yachachisqay kanaykipaj noqawan jamuy, nispa.

San Lucas 18:22

Chayta uyarispa, Jesús payman nerqa: Jina chayqa, uj imatawanraj ruwanayki tiyan: Tukuy kapuyniykita vendespa, wajchakunaman chay qolqeta rak'iray. Ajinata ruwaspa, janaj pachapi tukuy imayoj kanki. Chaymantataj kutimuspa, yachachisqay kanaykipaj noqawan jamuy, nispa.

San Lucas 12:33

Chayrayku kapuyniykichejta vendeychej, chay qolqeta pisichikojkunaman rak'inaykichejpaj. Ajinamanta mana thantakoj wayaqata ruwakunkichej, kapuyniykichejtataj janaj pachapi waqaychankichej. Chaypeqa kapuyniykichej mana tukukonqachu, manataj suwapis yaykonqachu, nitaj thutapis k'utonqachu.

San Lucas 14:33

Jina ari, qankunamanta pillapis tukuy tiyapusqanta mana saqejqa mana yachachisqay kayta atinmanchu, nispa.

Hechos 2:45

Wakinkunaqa jallp'ankuta, waj kapuyninkutawan ima vendespa, chay qolqewan yanapanakoj kanku sapa uj pisichikusqanman jina.

San Juan 12:26

Qankunamanta pillapis kamachiy kayta munajqa kasunawan tiyan. Pikunachus kamachiy kajkunataj, maypichus noqa kasaj, chayllapitaj kanqanku. Tataytaj tukuy kamachiykunata jatunchanqa, nispa.

San Lucas 9:23

Chantá chaypi kajkunata Jesús nillarqataj: Pillapis yachachisqay kayta munajqa munasqanman jinalla purinanta saqenan tiyan, sapa p'unchay cruzninta oqharispataj, qhepayta jamuchun.

San Juan 10:27

Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku.

San Mateo 5:48

Janaj pachapi kashaj Tata Diosniykichejqa cheqan munakuyniyoj. Chayrayku qankunapis ajinallataj kaychej. Ajinata nispa Jesús yachacherqa.

San Lucas 16:9

Chayrayku qankunapis kay pachapi kapuyniyoj kasqaykichejwan wajta yanapaspa kawsaqekunata mask'akuychej. Ajinamanta kapuyniykichej tukukojtin, wiñaypaj tiyakunapi kusiywan jap'eqasqa kankichej.

San Mateo 19:28

Chantá Jesús paykunata nerqa: Kayta sut'ita niykichej: Tukuy ima mosojman tukojtin, noqa Runaj Churin kamachinay jatun tiyanapi tiyaykukusaj. Chaypachataj noqawan purisqaykichejrayku, qankunapis chunka iskayniyoj kamachina tiyanapi tiyaykukullankichejtaj, Israelpa chunka iskayniyoj jatun ayllukunata juzganaykichejpaj.

San Mateo 16:24

Chaymanta Jesús yachachisqankunata nerqa: Pillapis yachachisqay kayta munajqa munasqanman jinalla purinanta saqechun, cruzninta oqharispataj, qhepayta jamuchun.

San Lucas 6:40

Pichus yachakojqa mana yachachejninmanta aswan kurajchu. Chaywanpis sumajta yachaqakuspaqa, pay yachachejnin jina kanqa.

San Lucas 5:27

Chaymanta llojsiytawan, Jesusqa impuesto cobraj uj runa Leví sutiyojta rikorqa. Pay impuestota cobranan chaypi tiyasharqa. Jesustaj payta nerqa: Yachachisqay kanaykipaj, noqawan jamuy, nispa.

Marcos 8:34

Chaymanta Jesús yachachisqankunata, chay tantasqa runakunatawan wajyaspa, nerqa: Pillapis yachachisqay kayta munajqa munasqanman jinalla purinanta saqechun, cruzninta oqharispataj, qhepayta jamuchun.

San Mateo 9:9

Chaymanta rishaspa, Jesusqa Mateo sutiyoj runata rikorqa impuestota cobrananpi tiyashajta, nerqataj: Yachachisqay kanaykipaj noqawan jamuy, nispa. Jinamanta Mateoqa sayariytawan, Jesuswan rerqa.

Hebreos 10:34

Jinallataj qankuna carcelpi wisq'asqa kajkunata khuyarikorqankichej. Wajkuna kapuyniykichejta qhechusojtiykichejpis, kusikorqankichej, imaraykuchus yacharqankichej janaj pachapi chayaqeykichej aswan sumaj mana tukukuyniyoj kasqanta.

Marcos 2:14

Chantá Jesús chaynejta rishaspa, Alfeoj churinta rikorqa, Leví sutiyojta. Payqa Romapaj impuesto cobrananpi tiyakusharqa. Jesustajrí payta nerqa: Yachachisqay kanaykipaj noqawan jamuy, nispa. Levitaj sayarispa, Jesuswan rerqa.

San Mateo 8:22

Jesustajrí kuticherqa: Yachachisqay kanaykipaj noqawan jamuy, wañusqa kajkunataj, wañusqankukunata p'ampachunku, nispa.

San Mateo 4:19

Jesustajrí paykunata nerqa: Jaku noqawan, yachachisqay kanaykichejpaj. Challwata jap'inaykichejtaqa, noqa yachachisqaykichej runakunata mask'ayta qhatinawankupaj, nispa.

Salmos 37:37

Cheqan, llimphu kawsayniyoj runata qhawariy. Chay jina runapajqa allin kawsay kanqa.

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 6:9

Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

San Mateo 19:20

Chay runataj nerqa: Noqa chaykunata junt'aniña. Imatawanraj ruwanay tiyanri? nispa.

San Mateo 19:22

Chay runarí Jesuspa nisqanta uyarispa, may llakisqa riporqa, imaraykuchus pay may jina qhapaj karqa.