San Lucas 4:15 - DIOSPA QHELQACHISQAN DEUTEROCANONICAL

¹⁵ Payqa tantakuna wasikunapi yachacherqa, tukuytaj Jesusta mayta jatunchaj kanku.

Qheshwa Biblia DC

¹⁵ Yachachejtaj sinagogaspi, tukuyninkutaj Jesusta mayta alabaj kanku.

DIOSPA QHELQACHISQ

¹⁵ Payqa tantakuna wasikunapi yachacherqa, tukuytaj Jesusta mayta jatunchaj kanku.

Quechua South Bolivia: Dios Parlapawanchej

¹⁵ Tantacuna-wasisnincupi paycunata yachachisharka. Tucuy runastaj payta curajpaj khawarkancu.

San Lucas 4:15 Referans Kwoze

San Mateo 4:23

Jesús tukuynin Galilea jap'iyta muyumorqa, sapa llajtapitaj tantakunanku wasikunapi Diosmanta sumaj willayta willararqa. Jinallataj chay llajtakunapi tiyakojkunata tukuy imaymana onqoykunamanta, nanaykunamantawan qhaliyacherqa.

San Mateo 9:8

Chaypi kajkunataj chayta rikuspa, manchachikorqanku, Diostataj jatuncharqanku chay jina atiyta runakunaman qosqanmanta.

San Lucas 13:10

Ujpacha Jesús samarina p'unchaypi tantakuna wasipi yachachisharqa.

Marcos 1:45

Chay runatajrí rispa, tukuyman imaynatachus Jesús chay onqoyninmanta qhaliyachisqanta willamorqa. Chayrayku Jesusqa pakayllamantaña llajtakunamanpis yaykoj, jinataj ch'in cheqakunallapiña qhepakoj. Chaywanpis ashkha runakuna tukuynejmanta Jesusman jamullajpuni kanku.

Marcos 1:39

Ajinata Jesús tukuy Galilea jap'iypi purerqa, chaypi kaj tantakuna wasikunapitaj Diosmanta yachacherqa. Supaykunatapis runakunamanta qharqollarqataj.

Marcos 1:27

Runakunataj mayta t'ukuspa, purajmanta tapunakusharqanku: Imataj kayri? Ima mosoj yachachiytajri? Kay jina atiyniyojpuni kananri? Pay kamachejtin, millay supaykunapis payta kasunku, nispa.

San Mateo 13:54

Nazaret llajtanman chayaspataj, tantakuna wasipi yachachiyta qallarerqa. Runakunataj t'ukuspa, ajinata nerqanku: Kay runaqa maypitaj kay tukuy imata yachamorqari? Imaynamantataj kay t'ukuna imakunatapis ruwanri?

San Mateo 9:35

Ajinata Jesús muyuynin llajtakunaman, ranchokunaman ima rispa, tantakuna wasikunapi yachacherqa. Chaypi Diospa kamachiyninmanta sumaj willayta willarqa, runakunatataj tukuy onqoykunamanta, nanaykunamantawan qhaliyacherqa.

Isaías 55:5

Qanpis mana rejsisqa suyukunata wajyallankitaj. Qanta mana rejsisoj suyukuna usqhayta qanman jamusonqanku Tata Diosniykirayku, Israelpa May Llimphu Kaj Diosnin qanta pataman oqharisusqanraykutaj, nispa.

San Lucas 4:16

Jesusqa Nazaret llajtanman rerqa, maypichus uywasqa karqa, chayman. Judío usunkuman jinataj samarina p'unchaypi tantakuna wasiman yaykorqa, jinaspataj, Diospa Qhelqachisqanta tukuypa uyarinanta ñawirinanpaj sayarerqa.