San Lucas 17:30 - DIOSPA QHELQACHISQAN DEUTEROCANONICAL

³⁰ Ajinallataj kanqa Runaj Churinpa rikhurimunan chay p'unchaypi.

Qheshwa Biblia DC

³⁰ Ajinallataj kanqa Runaj Churin rikhurimonqa chay p'unchaypi.

DIOSPA QHELQACHISQ

³⁰ Ajinallataj kanqa Runaj Churinpa rikhurimunan chay p'unchaypi.

Quechua South Bolivia: Dios Parlapawanchej

³⁰ Quiquillantajmin canka noka, Diospa cachaska Runan, ricuchiska canay, chay p'unchaypeka.

San Lucas 17:30 Referans Kwoze

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

2 Tesalonicenses 1:7

Ñak'arichisqa kashajtiykichej, Dios qankunata, chantá noqaykutapis samarichiwasunchej, maypachachus janaj pachamanta Tukuyta Kamachej Jesús atiyniyoj angelninkunawan rikhurimonqa, chaypacha.

1 Corintios 1:7

Ajinamanta Dios ruwanapaj atiykunata qosusqaykichejmanta mana imapis pisisunkichejchu, Tukuyta Kamachej Jesucristonchej rikhurimunanta suyashanaykichejkama.

1 Pedro 1:13

Chayrayku, qankuna allinta qhawarikuspa yuyaychakuychej, amataj sonqoykichejpa munasqanwan atipachikuychejchu. Chantá Dios qhasilla k'acha yanapayninrayku imatachus qosonqachej, chayta tukuy sonqo suyaychej. Chayta jap'inkichej, maypachachus Jesucristo kay pachaman ujtawan kutimonqa, chaypacha.

1 Pedro 1:7

Chay ñak'ariykunaqa Diospi atinikusqaykichej cheqachus manachus kasqanta sut'inchanqa. Chaypacha Diospi atinikusqaykichej cheqapuni kajtin, qankuna Jesucristoj kutimunan p'unchayta jatunchasqa, chantá allinpaj qhawasqa kankichej. Diospi atinikusqaykichejqa qorimanta nisqaqa aswan valorniyoj, imaraykuchus qoreqa ninawan ch'uwachasqa kaspapis, tukukuyniyoj. Diospi atinikusqaykichejrí mana.

San Lucas 21:27

Chantá runakuna chaypacha rikonqanku Runaj Churinta phuyupi jamushajta, manchay atiywan, jatun kayninpa lliphipiyninwan ima.

San Mateo 24:3

Olivos orqopi Jesús kashaspa, pay tiyaykukorqa, yachachisqankuna qayllaykuspataj, sapallanpi taporqanku: Niwayku ari, mayk'ajtaj Templo thuñisqa kanqa? Ima señaltaj kanqa yachanaykupaj mayk'ajchus kutimunaykita, chantá mayk'ajchus kay pacha tukukunanta ima? nispa.

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

1 Pedro 4:13

Aswanpis kusikuychej, imaraykuchus ajinata ñak'arishaspa, Cristoj ñak'arisqanpi paywan khuska ñak'arishankichej. Ajinamanta Cristo jatun kayninpa lliphipiyninpi rikhurimojtin, qankuna may jinatapuni kusikunkichej.

Marcos 13:26

Chaypacha Runaj Churinta phuyupi jamushajta rikonqanku, jatun atiywan, jatun kayninpa lliphipiyninwan ima.

San Mateo 26:64

Jesustaj kuticherqa: Arí, qan ninki. Astawanqa niykichej: Kunanmanta ñawpajman Runaj Churinta rikunkichej Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

San Mateo 24:39

Paykuna mana imatapis reparakorqankuchu jatun para jamunankama, tukuyninkutaj chinkachisqa karqanku. Ajinallataj kanqa Runaj Churin rikhurimunan, chay p'unchaypi.

San Mateo 24:37

Imaynachus Noéj tiemponpi karqa, ajinallataj kanqa Runaj Churinpa kutimunan p'unchaypipis.

San Lucas 21:22

imaraykuchus ñak'ariy p'unchaykuna kanqa ñawpa qhelqasqapi nisqanman jina junt'akunanpaj.

San Lucas 17:24

Manachayqa imaynatachus lliuj lliujqa janajpa ujnin k'uchunmanta ujnin k'uchunkama k'ancharimun, ajinallataj kanqa Runaj Churinpa jamunan p'unchayqa.

San Lucas 17:29

Sodoma llajtamanta Lot llojsimunankama. Chaymantataj janajmanta azufreyoj nina para paramorqa, tukuyninkutataj tukucherqa.

1 Corintios 1:8

Diosmin kay tiempo tukukuykama sinch'ita sayachisonqachej, Tukuyta Kamachej Jesucristonchej kutimojtin qankuna mana k'amina kanaykichejpaj.

Colosenses 3:4

Cristomin chay kawsayta qosunkichej. Pay rikhurimojtintaj, qankunapis paywan khuska jatun kayninpa lliphipiyninpi rikhurimullankichejtaj.

1 Juan 2:28

Kunanqa, wawaykuna, Cristowan allinpipuni kawsakuychej, pay ujtawan kutimojtin, mana manchachikuspa, nitaj p'enqakuspa, paypa ñawpaqenpi rikhurinanchejpaj.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.