San Lucas 1:68 - DIOSPA QHELQACHISQAN DEUTEROCANONICAL

⁶⁸ Yupaychasqa kachun Israelpa Tukuyta Kamachej Diosnin, imaraykuchus pay jamun awqankoj makinmanta paykunata kacharichej.

DIOSPA QHELQACHISQ

⁶⁸ Yupaychasqa kachun Israelpa Tukuyta Kamachej Diosnin, imaraykuchus pay jamun awqankoj makinmanta paykunata kacharichej.

Quechua South Bolivia: Dios Parlapawanchej

⁶⁸ —Yupaychaska cachun Israelpa Señor Diosnin. Imaraycuchus runasninta qhuyacuspa jamun juchasnincumanta cacharichinanpaj.

San Lucas 1:68 Referans Kwoze

Salmos 106:48

Israelpata Tata Diosnin wiñay wiñaypaj jatunchasqa kachun. Tukuytaj nichunku: Ajina kachun, nispa. Tata Dios jatunchasqa kachun.

San Lucas 7:16

Chayta rikuspa, tukuyninku mancharikorqanku, Diostataj kay jinata jatuncharqanku: Diosmanta may atiyniyoj uj sut'inchaj noqanchejmanta sayarin, nispa. Wajkunataj nerqanku: Diosqa ajinata ayllunta yanapaj jamun, nispa.

Salmos 41:13

13 (14) Israelpa Tata Diosnin wiñay wiñaynintinpaj yupaychasqa kachun. Jinapuni kachun.

Salmos 111:9

Tukuyta Kamachej Dios preciota pagaspa ayllunta kacharicherqa, trato ruwasqantataj wiñaypaj sayacherqa. Tata Diosqa may llimphumin, manchachikuna jinataj.

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

1 Reyes 1:48

Israelpa Tata Diosnenqa yupaychasqa kachun, aylluymanta ujnin kajta kamachinay tiyanapi tiyashajta rikuchiwasqanrayku, nispa.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

San Lucas 2:38

Simeón Jesuspa tatankunawan parlashajtin, Anaqa chimpaspa, Jesús wawarayku Diosman pachis nerqa. Chaymantapachataj wawa Jesusmanta willarqa, pikunachus Jerusalén llajta qhespichisqa kananta suyasharqanku, chaykunaman.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

Efesios 1:7

Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

1 Crónicas 29:20

Chantá Davidqa tukuy israelitakunata nerqa: Kunanqa qankunañataj Tata Diosta yupaychaychej, nispa. Chantá tantasqa israelitakunaqa ñawpa tatankoj Tata Diosninkuta yupaycharqanku, chantá Tata Diospa ñawpaqenpi, jinataj kuraj kamachejpa ñawpaqenpiwan qonqoriykukuspa, pampakama k'umuykorqanku.

1 Crónicas 29:10

Chaymantataj Davidqa tukuy tantasqa kajkunaj uyarinankuta Tata Diosta jatuncharqa: Ñawpa tatayku Israelpa Tata Diosnin, qanqa wiñaymanta wiñaypaj yupaychasqa kay.

Génesis 14:20

Patapi Kaj Dios yupaychasqa kachun, pichus awqaykikunata atipachisorqa, chay, nispa. Chantá Abramqa tukuy imatachus qhechusqanmanta, sapa chunkamanta ujta Melquisedecman qorqa.

Génesis 9:26

Noé nillarqataj: Sempa Tata Diosnin yupaychasqa kachun, Canaantaj Sempa wata runan kachun.

San Lucas 19:44

Chaymantataj paykuna thuñisonqanku, jinallataj qanpi tiyakojkunatapis wañurachillanqankutaj. Qanpi mana saqenqankuchu rumi patapi rumita, imaraykuchus mana reparakorqankichu Diosniyki qanta qhespichej jamushasojtin, nispa.

Génesis 24:27

Patronniy Abrahampata Tata Diosnin, yupaychasqa kay, imajtinchus qanqa patronniywan k'acha karqanki, jinataj nisqaykita junt'anki. Qanllamin ayllunpa wasinman pusamuwarqanki, nispa.

1 Samuel 25:32

Chantá Davidqa Abigailman kuticherqa: Israelpa Tata Diosnin yupaychasqa kachun, pay noqata taripanawaykipaj kachamususqanmanta.

1 Reyes 8:15

Paytaj nerqa: Jatunchasqa kachun Israelpa Tata Diosnin, pichus tatay Davidman parlasqanta kunan junt'an kay jina nisqanta:

Salmos 130:8

Paymin preciota pagaspa Israelta tukuy juchanmanta kacharichenqa.

San Lucas 1:71

Kunantaj awqanchejkunamanta kacharichiwasunchej, tukuy chejnikuwajninchejpa makinmantawan.

San Lucas 24:21

Noqaykurí yuyasharqayku payqa Israel suyuta kacharichinanta. Kunantaj kinsa p'unchayña pasan chay tukuy ima kasqanmanta.

Hebreos 9:12

Chantá Cristoqa manallataj chivokunaj nitaj torillokunaj yawarnin aparisqachu yaykorqa. Manachayqa pay kikinpa yawarnin aparisqa Diosllapaj T'aqasqa Cheqaman uj kutillata yaykorqa. Ajinamanta Cristo wiñaypaj juchaj atiyninmanta kacharichiwarqanchej.