San Lucas 1:2 - DIOSPA QHELQACHISQAN DEUTEROCANONICAL

² Chayta qhelqarqanku Jesuspa ñawpa yachachisqankuna willasqankuman jina, pikunatachus Jesús nisqanta willaramunankupaj kacharqa, chaykunamanta.

DIOSPA QHELQACHISQ

² Chayta qhelqarqanku Jesuspa ñawpa yachachisqankuna willasqankuman jina, pikunatachus Jesús nisqanta willaramunankupaj kacharqa, chaykunamanta.

San Lucas 1:2 Referans Kwoze

San Juan 15:27

Qankunapis rikojkuna jina noqamanta parlallankichejtaj, imaraykuchus qallariymantapacha noqawan karqankichej, nispa.

Hechos 26:16

Kunantaj sayariy, imaraykuchus qanman rikhuriyki kunanmantapacha kamachiy jina munasqayta ruwanaykipaj. Ajinaqa kunan p'unchay imatachus rikusqaykimanta testigo jina wajkunaman willamunki, qhepanejman imatawanchus rikuchisqayki, chaymantawan.

2 Pedro 1:16

Tukuyta Kamachej Jesucristoj atiyninmanta, chantá kutimunanmanta ima qankunaman willasqaykoqa mana runaj sumaj wakichisqan cuentoman jinallachu karqa. Manachayqa paypa jatun kayninpa lliphipiyninta noqayku kikin ñawiykuwan rikorqayku.

Hebreos 2:3

Ajina kajtenqa, sichus noqanchejman kunan Dios qoshawanchej, chay jina ashkha valorniyoj qhespichiyta pisipaj qhawasunman chayqa, imaynatataj jasut'iyninmanta llusp'isunmanri? Chay qhespichiymanta Tukuyta Kamachej Jesús ñawpajta willarqa, payta uyarejkunataj chay willasqan cheqapuni kasqanta willallawarqanchejtaj.

Marcos 1:1

Kayqa Diospa Churin Jesusmanta sumaj willay, pichus Cristo karqa, chaymanta.

Hechos 1:3

Wañusqamanta kawsarimpuspataj, kikin Jesuspuni tawa chunka p'unchayta kuraj kachankunawan rikuchikorqa. Jinataj ashkha kutita paykunaman rikhurispa, tukuy imata ruwarqa, pay kawsashasqanta mana iskayrayaspa yachanankupaj. Chantá Diospa kamachiyninmantapis paykunaman yachachillarqataj.

1 Pedro 5:1

Kunanqa iglesiapi kurajkunata yuyaychariyta munani, paykuna jina noqapis iglesiapi kurajllataj kashaspa. Noqaqa Cristo imaynatachus ñak'arisqanta rikorqani, jinataj Cristoj jatun kaynin tukuy kay pachapi rikuchikojtin, noqapis chaypi qankunawan kasaj.

Hechos 4:20

Noqaykurí mana ch'in kayta atisqaykuchu. Manachayqa imatachus rikusqaykuta, uyarisqaykuta ima willaranaykupuni tiyan, nispa.

San Lucas 24:48

Qankunataj chay tukuy rikusqaykichejmanta testigo jina willaramunaykichej tiyan.

1 Corintios 4:1

Qankunaqa Cristoj kamachinkunata jinalla qhawanawayku tiyan, imaraykuchus noqayku Diospa wakichisqanmanta chay pakasqa yachayta yachachinaykupaj kamachisqa kayku.

Hechos 1:8

Manachayqa Santo Espíritu qankunaman jamuspa, pay atiyta qosonqachej. Chantá rispa, qankuna noqamanta testigo jina willankichej Jerusalenpi, tukuy Judea jap'iypi, Samariapi, jinallataj tukuy kay pachaj k'uchunkama, nispa.

Marcos 4:14

Mujuta tarpojqa Diospa simi nisqanta willarajmin.

Romanos 15:16

Jesucristoj kamachin jina, paymanta sumaj willayta mana judío kajkunaman willaranaypaj. Ajinamanta paykuna Santo Espiritunejta sumaj jaywana jina Diospaj t'aqasqa kanqanku.

Marcos 16:20

Paypa yachachisqankunataj, tukuynejman rispa Jesusmanta sumaj willayta willaramorqanku. Tukuyta Kamachej Jesuspis paykunata yanapaj, runaj mana jayk'aj rikusqan t'ukunata ruwasqankuwan yachayta qonankupaj yachachisqanku cheqan kasqanta.

San Juan 16:4

Kaykunata niykichej, imachus kanan kashan chay pasajtin, kay nisqaymanta yuyarikunaykichejpaj. Qallariypi kayta mana nerqaykichejchu, imaraykuchus qankunawanraj kasharqani.

Hechos 8:4

Jesusta qhatikojkuna Jerusalenmanta ayqespa, maymanchus risqankupi Jesusmanta sumaj willayta willararqanku.

Hechos 14:25

Perge llajtapi Jesusmanta sumaj willayta willaytawantaj, Atalia llajtamanñataj rerqanku.

Hechos 16:6

Pablowan, Silaswan, Timoteowan ima chay qhepata Frigianta, Galacianta rishajtinku, Santo Espíritu paykunata jark'arqa ama Asia suyupi Jesusmanta sumaj willayta willanankupaj.

Hechos 17:11

Bereapi tiyakojkunatajrí aswan k'acha karqanku Tesalonicapi tiyakojkunamanta nisqaqa, imaraykuchus Diospa Simi Nisqanta tukuy sonqo jap'ikorqanku. Chayrayku sapa p'unchay Diospa Qhelqachisqanta allinta qhawaspa, Pabloj yachachisqan cheqachus manachus kasqanta waturerqanku.