Levítico 7:16 - DIOSPA QHELQACHISQAN DEUTEROCANONICAL

¹⁶ Sichus pipis, imata nisqanta junt'aspa, uj uywata apamunman chayqa, chayrí sonqonmanta munaspa apamunman chayqa, Diosman jaywanqa. Chantá chay kikin p'unchaypacha jaywasqa uywaj aychanta mikhunanku tiyan. Chaymanta puchojtataj q'ayantinpis mikhuyta atillanqanku.

Qheshwa Biblia DC

¹⁶ Sichus pipis mana pejpa nisqalla uj uywata apamun, chantapis noqa qosaj nisqanraykupis chayqa, chay kikin p'unchaypacha mikhusqa kanqa. Chaymanta puchojtataj q'ayantin mikhuyta atenqanku.

DIOSPA QHELQACHISQ

¹⁶ Sichus pipis, imata nisqanta junt'aspa, uj uywata apamunman chayqa, chayrí sonqonmanta munaspa apamunman chayqa, Diosman jaywanqa. Chantá chay kikin p'unchaypacha jaywasqa uywaj aychanta mikhunanku tiyan. Chaymanta puchojtataj q'ayantinpis mikhuyta atillanqanku.

Levítico 7:16 Referans Kwoze

Deuteronomio 12:6

Qankuna chay cheqallapi uywa ñak'asqata jaywaspa Diosman q'olachinkichej, chantá jaywanatapis payman jaywallankichejtaj. Apallankichejtaj chunkamanta ujta payman qonaykichejpaj, ofrendakunata, nisqaykichejta junt'aspa jaywanata, sonqomanta qoyta munaspa ofrendata, chantá wakaykichejmanta, ovejaykichejmanta phiwi uñankuta ima.

Nahúm 1:15

15 (2.1) Qhawaychej, orqo patanejta chaski jamushanña. Payqa allin willaykunata apamushan, kusiy kawsaymanta willaykunata. Judá, Diospaj yupaychana raymita ruway, imaraykuchus manaña jayk'ajpis sajra runakuna suyuykichejman junt'aykamonqankuchu. Astawanpis tukuyninku wañuchisqa kanqanku.

Ezequiel 46:12

Maypachachus kamachejqa payllamanta uywa ñak'asqa q'olachinata, chayrí k'achata kawsakuy jaywanata Tata Diosman jaywayta munanqa chaypachaqa, inti llojsimuynejpi kaj punkuta paypaj kicharenqanku. Yaykuspataj, samarina p'unchaypi jina jaywanqa, chantá llojsipojtintaj, punkuta wisq'anqanku.

Salmos 116:18

Noqaqa tukuy ayllunpa rikunanta Tata Diosman imatachus nisqayta junt'asaj.

Salmos 116:14

Chantá tukuy ayllunpa rikunanta Tata Diosman imatachus nisqayta junt'asaj.

Salmos 66:13

Kunantaj noqa Temploykiman yaykuspa, uywa ñak'asqata q'olachispa jaywasqayki. Ajinata junt'asaj imatachus nisusqayta,

Deuteronomio 12:26

Tata Diospaj ofrendata t'aqasqaykichejta payman qonaykichejta nerqankichej, chaykunatawan apankichej, Tata Dios maynejpichus uj cheqata ajllakonqa, chayman.

Deuteronomio 12:17

Trigoykichejmanta, vinoykichejmanta, chantá aceiteykichejmanta ima sapa chunkamanta ujta Diosman qosqaykichejmanta ama llajtaykichejpi mikhunkichejchu. Jinallataj wakaykichejmanta, ovejaykichejmanta phiwi uñantapis, Tata Diosman qonaykichejta nisqaykichejmanta, chantá munaspalla ofrendata qonkichej, chaykunatapis nillataj llajtaykichejpi mikhuyta atinkichejchu.

Deuteronomio 12:11

May cheqatachus Tata Dios sutin yupaychasqa kananpaj ajllakonqa chayman, kamachisusqayman jina tukuy imata Tata Diosman jaywanaykichejpaj apankichej: Q'olachisqa jaywanapaj uywakunata, sapa chunkamanta ujta jaywanata, ikhaspa jaywanata, Tata Diosman nisqaykichejta junt'anaykichejpaj sumajnin kaj jaywanata ima.

Números 15:3

Tata Diosman ima munayta q'apashaj jaywanata jaywankichej. Chay jaywanakunaqa kaykuna kayta atinman: Uywa ñak'asqata q'olachispa jaywana, nisqaykichejta junt'aspa jaywana, chayrí sonqomanta munaspa jaywana, chayrí jatuchaj raymikunapi jaywana ima. Chay jaywanakunata jaywanaykichejpaj wakaykichejmanta, ovejaykichejmanta chayrí cabraykichejmanta jap'ispa apamunkichej.

Levítico 23:38

Chay jawa Tata Diospa samarina p'unchayninpi jaywanata, qorisqa jaywanata, nisqaykichejta junt'aspa jaywanata, sonqomanta munaspa jaywanatapis jaywallankichejtaj.

Levítico 22:29

Sichus Tata Diosta pachis nispa jaywanaykichejpaj apamunkichej chayqa, jap'ikusunanpaj jina allinta ruwanaykichej tiyan.

Levítico 22:23

Sichus sonqomanta munaspa torota, chayrí corderota Diosman jaywayta munanman chayqa, jatun chakiyojpis kachun, juch'uy chakiyojpis kachun, jaywayta atillankichej. Sitajchus pipis nisqanta junt'ananpaj Diosman jaywayta munanman chayqa, ajina uywa jaywasqanta mana jap'ikusajchu.

Éxodo 35:29

Israel ayllumanta qharikuna, warmikuna ima sonqonkumanta munaspa, Tata Diospaj ofrendankuta apamorqanku, Tata Dios Moisesman kamachisqanman jina ruwanankupaj.

Proverbios 7:14

Noqa k'acha kawsakuy jaywanata Tata Diosman qonayta nerqani, chaytataj kunan p'unchay junt'aniña.