Levítico 3:9 - DIOSPA QHELQACHISQAN DEUTEROCANONICAL

⁹ Pichus k'achata kawsakuy jaywanata apamojqa uywaj wiranta, wasa tullunmantapacha khuchusqa chupanta, chantá tukuy wijsanninmanta wiranta ima q'olachispa, Tata Diosman jaywanqa.

Qheshwa Biblia DC

⁹ Pichus uj uywata apamojqa, allinyakuy rikuchikuta jina, Señorman ruphachisqa qonqa: Wiranta, chantapis chupanta wasa tullunmantapacha khuchusqata, chanta ch'unchulla wirasninta ima.

DIOSPA QHELQACHISQ

⁹ Pichus k'achata kawsakuy jaywanata apamojqa uywaj wiranta, wasa tullunmantapacha khuchusqa chupanta, chantá tukuy wijsanninmanta wiranta ima q'olachispa, Tata Diosman jaywanqa.

Levítico 3:9 Referans Kwoze

Levítico 9:19

Jaywallarqankutaj toroj wiranta, corderoj wiranta, chupanta, ch'unchulaj wiranta, lurunninta, k'iwichapi wiranta ima.

Éxodo 29:22

Chaymantataj corderoj wiranta, chupanmanta, ch'unchulanmanta, k'iwichanmanta, chantá iskaynin lurunninmanta orqhonki. Chantá paña piernantawan orqhollankitaj, imajtinchus chay corderoqa sacerdotekunata Diospaj t'aqanapaj karqa.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Proverbios 23:26

Wawáy, tukuy sonqoykiwan uyariway. Imaynatachus kawsasqayta qhawaspa qhatiy.

Levítico 8:25

Chaymantataj Moisesqa ñak'asqa uywamanta wiranta, chupanta, ch'unchulanmanta tukuy wiranta, k'iwichanpi wiranta, iskaynin lurunninmanta wiranta, paña piernantawan ima jap'erqa.

Levítico 7:3

Chaymantaqa ñak'asqa uywaj tukuy wiranta wirachanqa: Chupanta, ch'unchulapi wiranta, tukuy wiranta ima q'olachispa Diosman jaywanqa.

Levítico 17:5

Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku.

Números 7:88

K'achata kawsakuy jaywanata jaywanapajtaj tukuyninpi karqanku iskay chunka tawayoj bueykuna, sojta chunka carnerokuna, sojta chunka chivokuna, chantá uj watayoj sojta chunka corderokuna ima. Altarta Diospaj t'aqashaspa Diosman qonankupaj apamusqanku jaywanaqa chaykuna karqanku.

1 Samuel 10:8

Chantá Gilgal llajtaman ñawparishay. Chayamunaykama chaypi qanchis p'unchayta suyawanki. Noqataj jamusaj uywa ñak'asqata q'olachispa chantá allinyakuna jaywanatawan Tata Diosman jaywanaypaj. Chantá kuraj kamachej jina imatachus ruwanaykita nisqayki, nispa.

2 Samuel 6:17

Tata Diospa arcantaqa chaypajpuni Davidpa wakichisqan toldo ukhuman churarqanku. Chantá Davidqa Tata Diospa ñawpaqenpi q'olacherqa uywa ñak'asqakunata jinataj allinyakunapaj jaywanakunatawan.

1 Reyes 3:15

Chantá Salomonqa puñushasqanmanta rijch'arispa, repararqa mosqoylla kasqanta. Jerusalenman kutimuspataj, Diospa trato ruwasqan arca kasharqa, chayman rerqa, chaypitaj uywakunata ñak'aspa, Tata Diosman q'olacherqa. Jaywallarqataj allinyakuna jaywanakunatapis. Jinaspataj, tukuynin kamachinkunaman uj sumaj mikhuyta mikhuracherqa.

1 Reyes 8:63

Salomontaj Tata Diosman allinyakuy jaywanakunatapis qollarqataj, 22.000 torokunata, 120.000 ovejakunatawan. Ajinata kuraj kamachejqa, tukuy israelitakunapiwan Templota Tata Diosman jaywaporqanku.

1 Reyes 8:64

Chaypacha kuraj kamachejqa Tata Diospa Templonpa ñawpaqenpi kasharqa, chay patiota Tata Diospaj t'aqarqa, imaraykuchus chaypi uywa ñak'asqata q'olachispa jaywarqa, ch'aki mikhuy jaywanakunatawan, allinyakuy jaywana wirakunatawan. Chay q'olachinakunawan, ch'aki mikhuy jaywanakunawan, allinyakuy jaywanakunawan ima may chhika kasqanrayku Diospa ñawpaqenpi broncemanta chay altarqa mana tukuyninpaj wakerqachu.

1 Crónicas 16:1

Ajinata israelitakunaqa Diospa arcanta Davidpa ruwachisqan toldoman churarqanku. Chantá uywa ñak'asqata q'olachispa, jinallataj allinyakuna jaywanata Diosman jaywarqanku.