Levítico 26:28 - DIOSPA QHELQACHISQAN DEUTEROCANONICAL

²⁸ noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

DIOSPA QHELQACHISQ

²⁸ noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

Levítico 26:28 Referans Kwoze

Isaías 59:18

Ajinata wakichikorqa awqankunaman ruwasqankuman jina qopunanpaj. Mayta phiñakuspa tukuy awqankunata, mama qocha kantupi tiyakojkunatawan jasut'enqa.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Ezequiel 5:15

Maypachachus noqa qanta jasut'ispa k'araj phiñakuyniywan sinch'ita ñak'arichisqayki chaypacha, tukuy runakuna alqochakusonqanku, mana allinpajtaj qhawasonqanku. Muyuyniykipi kaj suyukunapis qanta rikuspa, mancharikonqanku, wananqankutaj. Noqa Tata Diosmin chaytaqa nini.

Ezequiel 5:13

Ajinata ruwaspa, k'araj phiñakuyniyta thasnukusaj. Tukuy phiñakuyniyta qankunawan pagachikusaj sonqoy tiyaykusqa kanankama. Phiñakuyniy tiyaykojtintaj, chaypacha yachankichej noqa Tata Dios qankunamanta celosakuspa chayta nisqayta, nispa.

Jeremías 21:5

Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

Isaías 66:15

Chantá Tata Dios ninaj chawpinpi jamonqa, maqanakunapaj carretantaj muyoj wayra jina chayamonqa, manchay k'araj phiñakuyninwan paykunata jasut'inanpaj. Paypa jasut'iynintaj nina lawray jina kanqa.

Isaías 63:3

Chayqa ajina, imaraykuchus noqalla uva ch'irwanapi uvata saruni. Suyukunamanta mana pipis noqawan saroj karqachu. Noqaqa awqaykunata may phiñakuyniywan sarorqani, may k'araj phiñakuyniywantaj paykunata t'usterqani. Chayrayku yawarninku p'achayman ch'allpaykamuwarqa, ajinamanta p'achayta pukachaykorqani.

Nahúm 1:6

Phiñakojtin, pitaj ñawpaqenpi sayanmanri? Pay phiñakojtin, pitaj ñawpaqenpi awantayta atinmanri? Sinch'i phiñakuynenqa k'ajarishaj nina jina t'akakamun. Ñawpaqenpeqa qaqapis iskayman ch'ejtakun.

Nahúm 1:2

Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

Isaías 27:4

Chay huertapaj manaña phiñasqachu kani. Chaywanpis sichus chaypi khishka, chayrí qhora kanman chayqa, noqa chayta t'iraytawan, saruyman, ruphachiymantaj.

Levítico 26:24

noqapis qankunaj contraykichejpi sayaykusaj. Juchaykichejman jinataj qanchis kutitawanraj jasut'isqaykichej.

Levítico 26:27

Chay tukuywanpis sichus manapuni kasuwaspa noqaj contrayta sayaykullankichejpuni chayqa,

Levítico 26:41

Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej.

Salmos 79:12

Tukuyta Kamachej Dios, muyuyniykupi kajkunaman qanchis kutita kutichiy, contraykipi juchallispa sonqoykita nanachisqankumanta.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Lamentaciones 4:11

Tata Dios may jatun k'araj phiñakuyninta kachaykamuspa, phiñakuyninta thasnukorqa. Sión llajtaman ninata jap'iykucherqa, cimientonmantapachataj ushphaman tukucherqa.