Levítico 26:22 - DIOSPA QHELQACHISQAN DEUTEROCANONICAL

²² Qankunaman phiña k'ita animalkunata kachaykamusaj, chaykunataj wawaykichejta mikhonqanku, uywaykichejtapis tukuchenqanku. Jinamanta qankuna pisiyankichej, ñanniykichejkunatapis manaña pipis purej kanqachu.

Qheshwa Biblia DC

²² Qankunaj jallp'asniykichejman apachimusaj sajra monte animalesta wawasniykichejta mikhunankupaj, uywasniykichejtapis tukuchinankupaj. Jinamanta qankunapis pisiyankichej, ñankunasniykichejpis ch'inllaña qhepakonqanku.

DIOSPA QHELQACHISQ

²² Qankunaman phiña k'ita animalkunata kachaykamusaj, chaykunataj wawaykichejta mikhonqanku, uywaykichejtapis tukuchenqanku. Jinamanta qankuna pisiyankichej, ñanniykichejkunatapis manaña pipis purej kanqachu.

Levítico 26:22 Referans Kwoze

Ezequiel 14:15

Ichapis chay suyupi tiyakojkunata wañurachinanpaj phiña k'ita animalkunata kachaykuyman, chay suyutaj ch'inman tukunman, chantá k'ita animalkunata manchachikuspa, pipis chayninta mana pasayta atinmanchu.

Deuteronomio 32:24

Yarqhaywan, chantá k'aja onqoywan ima wañonqanku. Uj millay onqoy paykunata tukuchenqa. Paykunaman khanikoj animalkunata kachaykusaj, venenoyoj katarikunata ima.

Jueces 5:6

Anatpa churin Samgarpa tiemponpi, Yaelpa tiemponpipis, qhatuwan purejkuna purinanku ñanta saqeporqanku, k'ullku ñankunallataña purerqanku.

Zacarías 7:14

Chayrayku muyoj wayra jina paykunata ch'eqeracherqani mana rejsisqa karu suyukunaman, chay qhepatataj llajtanku ni pejpa tiyakunan ch'inman tukorqa. Paykunamin chay jina k'acha suyuta ch'inman tukucherqanku, nispa.

Lamentaciones 1:4

Sionman rej ñankunaqa llakiy, ch'inpachalla kashanku. Mana pipis jatun raymiman jamoj kanchu. Jerusalén llajtaj punkunkunaqa tukuynin thuñisqa, ch'inpachataj kashanku. Chayrayku sacerdotekunaqa waqarikunku. Sipaskunapis manchay llakisqa kashanku. Jerusalén llajtaqa llakiypa atipasqan kashan.

Isaías 33:8

Ñankunapis ch'inman tukupun, manaña pipis chayninta purej kanchu. Asiriokunaqa trato ruwasqankutapis p'akinku, testigokunaj ñawpaqenpi imatachus nisqankutapis qhesachanku, manataj pi runatapis jatunpaj qhawankuchu.

2 Reyes 17:25

Paykuna chaypi tiyakuyta qallarispa, Tata Diosta mana yupaychajchu kanku. Chayrayku Tata Diosqa paykunaj contrankupi leonkunata kachaykorqa. Chay leonkunataj paykunamanta wakinta wañuracherqanku.

Levítico 26:6

Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Ezequiel 33:28

Kay suyutataj ch'in pampaman, raqayman ima tukuchisaj. Imapichus atinikushanku, chaytapis chinkarparichisaj. Israelpa orqonkunapis ch'inpacha qhepakonqanku, manataj ima runapis chayninta purej kanqachu.

Ezequiel 14:21

Ajinaqa Tukuyta Kamachej Tata Dios nillantaj: Aswan llakiyraj kanqa, imaraykuchus noqa kay tawantin sinch'i jasut'iyta Jerusalenman apachimusaj: Maqanakuta, yarqhayta, phiña k'ita animalkunata, millay onqoykunata ima. Chantá chaykuna runakunata, uywakunata ima wañurachenqanku.

Ezequiel 5:17

Noqapuni yarqhayta, onqoyta, wañuyta ima apachimusqaykichej. K'ita phiña animalkunatapis kachaykamullasqaykichejtaj mana wawayojta saqesunaykichejpaj. Jinallatataj qankunamanta maqanakupi ashkha wañurachisqa kanaykichejta saqellasaj. Ajinata noqa Tata Dios nini.

Jeremías 15:3

Tata Dios nillantaj: Noqa tawa jasut'iykunata apachimusqaykichej: Maqanakupi wañuchisqa kankichej, alqokuna ayaykichejta qhatataykachanqanku, suwintukunataj ayaykichejta mikhonqanku, k'ita animalkunapis ayaykichejta oqoykonqanku ima.

Isaías 24:6

Chayrayku maldicionqa kay pachata tukuchin, chaypi tiyakojkunapis juchachasqapuni kananku tiyan. Chaynejta kay pachapi tiyakojkunaqa pisiyachisqa kanqanku. Jinamanta pisillaña qhepakonqanku.

2 Crónicas 15:5

Chay p'unchaykunapeqa mana pipajpis allin kawsay karqachu, manachayqa may jina ñak'ariylla karqa chay suyupi tiyakojkunapajqa.

2 Reyes 2:24

Chantá Eliseo kutirispa, majt'illokunata qhawarqa, Tata Diospa sutinpitaj paykunata maldicerqa. Jinallaman sach'akuna ukhumanta iskay osokuna llojsimuspa, chay majt'illokunamanta tawa chunka iskayniyojta wañucherqa.

Jeremías 42:2

Diosmanta sut'inchaj Jeremiasta nerqanku: Kay mañakusqaykuta uyaririwayku, amataj qhesachawaykuchu. Kay pisilla puchojkunapaj Diosniykimanta mañapuwayku. Ñawpajta ashkha karqayku, kunantajrí uj chhikallaña kayku, rikunki jina.