Levítico 26:16 - DIOSPA QHELQACHISQAN DEUTEROCANONICAL

¹⁶ noqapis qankunawan kay jinata ruwasaj: Manchachikuspalla kawsayta kachaykamusqaykichej, wañuchej onqoyta, k'aja onqoyta, ñawi onqoyta, chantá llawch'iyay onqoytawan ima kachaykamullasqaykichejtaj. Qankunaqa qhasillata tarpunkichej, imaraykuchus poqochisqaykichejta awqaykichej mikhukaponqanku.

DIOSPA QHELQACHISQ

¹⁶ noqapis qankunawan kay jinata ruwasaj: Manchachikuspalla kawsayta kachaykamusqaykichej, wañuchej onqoyta, k'aja onqoyta, ñawi onqoyta, chantá llawch'iyay onqoytawan ima kachaykamullasqaykichejtaj. Qankunaqa qhasillata tarpunkichej, imaraykuchus poqochisqaykichejta awqaykichej mikhukaponqanku.

Levítico 26:16 Referans Kwoze

Job 31:8

imatachus tarpusqayta wajkuna mikhukapuchunku, chayrí mallkisqayta saphimanta t'irachunku.

1 Samuel 2:33

Chaywanpis saqesaj aylluykimanta wakinkunallata altarniy qayllanejpi kashajta, ñawinku waqaywan tukukunankupaj, sonqonkutaj nanaywan. Chantá tukuy mirayniykimanta kajkunapis kallpallankupiraj kashaspa, wañuchisqa kanqanku.

Miqueas 6:15

Tarpunki chaypis, mana poqoyta oqharinkichu. Olivo sach'amanta aceitunata takaspapis, mana aceitenta llamirinkichu. Uvata ch'irwaspapis, mana vinota ujyankichu.

Ezequiel 33:10

Runaj churin, Israel aylluman niy: Qankunaqa kay jinata nishankichej: Juchallisqanchejwan, pantasqanchejwan ima may chhika kaspa, llasaykuwanchej, chaynejtataj kawsayninchej tukukushanña. Ajina kashaspa, imaynata kawsayta atisunmanri? nispa.

Jeremías 5:17

Chay runakuna poqochisqaykita, mikhunaykitapis tukuykonqanku, jinallataj qhari wawaykikunata, warmi wawaykikunatapis wañuchenqanku. Chantá ovejaykikunata, wakaykikunatapis mikhuykakaponqanku. Uva huertaykita, higo sach'aykitapis llant'aykonqanku. Mayqenkunapichus atinikoj kanki, chay jatuchaj perqawan jark'achasqa llajtaykikunatapis phirenqanku, nispa.

Salmos 78:33

Chayrayku Diosqa paykunaj kawsayninkuta samaypis kanman jinallata chinkacherqa, mancharinapaj jina ñak'ariywantaj paykunata wañucherqa.

Deuteronomio 28:51

Paykunaqa uywaykikunaj uñankuta, jinallataj chajraykej poqosqantapis mikhukaponqanku. Ni trigota, vinota, aceiteta, ni wakaykikunaj uñankuta, nitaj ovejaykikunaj uñankutapis puchupusonqankuchu. Sonqo nanay khuyayllata saqesusqankurayku, yarqhaymanta wañunki.

Hebreos 10:31

Ajinaqa kawsaj Diospa makinman urmanaqa may jina mancharinamin.

Zacarías 14:12

Chay suyukunarí, mayqenkunachus Jerusalenpa contranta maqanakorqanku, chaykunata Tata Dios jasut'enqa millay onqoywan. Kawsashajtillankuraj, aychanku laq'akonqa, ñawinkupis ñawi t'oqollankupi ismuykaponqa, qallunkupis siminku ukhullapi q'etayaykaponqa.

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Yakuta ujyankichej, chaywanpis yakumanta ch'akichikullankichejpuni. P'achallikunkichej chaypis, mana chirimanta jark'asunkichejchu. Jornalpi ganakusqaykichejpis mana imapaj wakinchu, nispa.

Jeremías 20:4

Jinataj Tata Dios nisunki: Qanta mancharikunaman tukuchisqayki, qan kikiykipaj, kawsaqeykikunapaj ima. Qhawashajtiyki, awqaykikunaqa kawsaqeykikunata espadawan wañuchenqanku. Judapi tukuy tiyakojkunatarí Babiloniamanta kuraj kamachejpa makinman jaywaykusaj, paytaj suyuykichejmanta Babiloniaman apasonqachej, chayrí espadawan wañuchisonqachej.

Jeremías 15:8

Warmisapakuna mama qochaj kantunpi t'iyu jina may chhika kanqanku. Kikin chawpi p'unchaypi mamankuman, wawankumanwan wañuchejta kachamusaj. Kaymanta jinalla paykunaj patankuman ñak'ariyta, mancharikuytawan urmachimusaj.

Jeremías 12:13

Trigota tarpuspapis, khishkallata oqharerqanku. Tukuy llank'asqankoqa qhasillapaj karqa. Noqaj sinch'i phiñakusqayrayku chajrapis mana poqorqachu, nispa.

Isaías 10:4

Manachus presochasqakunawan k'umuykuchisqa kankichej chayqa, maqanakupi wañuchisqapuni kankichej. Chay tukuywanpis Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Isaías 7:2

Chaypacha wakinkuna Judata kuraj kamachej Ajazman willamorqanku: Paykunaqa Siriamanta kajkunawan, Efrainmanta kajkunapiwan ujchakunku, nispa. Chayta uyarispa, kuraj kamachej Ajaz, runankunapiwan maytapuni kharkatiterqanku, imaynatachus sinch'i wayra sach'akunata kuyuchin, ajinata.

Salmos 109:6

Payta juzgananpaj millay ruwaj runata churay, paypa paña ladonpitaj payta ch'ataykoj sayachun.

Salmos 73:19

Paykunaqa uj ñawi ch'irmiypi pampachasqa rikhurenqanku, manchachikuytaj paykunata tukuchenqa.

Job 20:25

Chay flechaqa ukhunta pasarparenqa, puntantaj k'iwichan chaynejta llojsenqa. Chaytaj astawan payta manchariykuchenqa.

Job 18:11

Tukuynejmanta jap'iykushankumanpis jina reparakun, sapa thaskisqallanpi qhatiykachasqa kasqanta reparakun.

Jueces 6:11

Aswan qhepaman uj kuti Tata Diospa angelnin jamuspa, Ofrá chaypi uj encina sach'a urapi tiyaykukorqa. Chay sach'aqa Abiezerpa ayllun Joaspata karqa. Chay sach'a qayllapitaj Joaspa churin Gedeontaj pakayllamanta trigota wayrachisharqa, maypichus uvata saroj kanku, chay t'oqopi, madianitakunamanta pakaykunanpaj.

Deuteronomio 32:25

Ñankunapi wawanku espadawan wañuchisqa kanqanku, wasi ukhupitaj manchay manchachikuy kanqa. Waynakuna, sipaskuna, machu runakuna, ñuñoj wawakuna ima, tukuyninku wañuchisqa kanqanku.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

1 Reyes 8:37

Ichapis kay jallp'api yarqhay, onqoy kanman, chajrapi phinki phinki, t'una khuru, piki pikipis kanman. Chayrí ichapis awqanku llajtankukunata muyuykuspa sayaykunkuman, jinataj ima llakiypis, onqoypis rikhurinman.

Proverbios 3:33

Tata Diosqa millayta ruwajpa ayllunta maldicin, cheqan runaj aylluntatajrí saminchan.

Isaías 62:8

Tata Dios paña makinta oqharispa, tilorqa: Manaña jayk'ajpis awqaykikunaman trigoykita mikhunankupaj qosajchu, nitaj waj llajtayojkunapis vinota ruwasqaykimanta ujyanqankuchu, mayqentachus sinch'ita kallpakuspa ruwarqanki, chayta.

Jeremías 15:3

Tata Dios nillantaj: Noqa tawa jasut'iykunata apachimusqaykichej: Maqanakupi wañuchisqa kankichej, alqokuna ayaykichejta qhatataykachanqanku, suwintukunataj ayaykichejta mikhonqanku, k'ita animalkunapis ayaykichejta oqoykonqanku ima.

Ezequiel 24:23

Umaykichejta mayt'ukunkichej, juk'utaykichejtapis churakunkichej. Chay p'unchayqa mana llakikunkichejchu, nitaj waqankichejchu. Manachayqa millay ruwasqaykichejkunarayku pisi kallpayojman tukunkichej, tukuytaj jik'un jik'unta waqapayanakunkichej.

Malaquías 2:3

Chayrayku noqa mirayniykichejta k'amisaj. Chantá noqaman ñak'aspa jaywanapaj apamusqaykichej uywaj phusnunta uyaykichejman qhallisqaykichej, chay wanuwan khuskataj wijch'usqa kankichej.

Amós 5:11

Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.