Levítico 24:14 - DIOSPA QHELQACHISQAN DEUTEROCANONICAL

¹⁴ Pichus maldiciwajta jaramanta jawaman orqhoy. Chantá nisqanta uyarejkuna makinkuta paypa umanman churachunku. Chantataj tukuy runakuna rumiwan ch'anqaykuspa chay runata wañuchichunku.

DIOSPA QHELQACHISQ

¹⁴ Pichus maldiciwajta jaramanta jawaman orqhoy. Chantá nisqanta uyarejkuna makinkuta paypa umanman churachunku. Chantataj tukuy runakuna rumiwan ch'anqaykuspa chay runata wañuchichunku.

Levítico 24:14 Referans Kwoze

Deuteronomio 17:7

Rikojkunaraj ñawpajta ch'anqaykunanku tiyan, chaymantaraj tukuy runakuna ch'anqaykullanqankutaj. Ajinata qankuna ukhumanta chay jina millay ruwanata chinkachinkichej.

Deuteronomio 21:21

Chantá chay llajtapi tiyakojkuna rumiwan ch'anqaykuspa, payta wañuchenqanku. Ajinata ruwasqaykichejrayku, qankuna ukhupi chay jina millayta ruwana manaña kanqachu. Israelitakunaqa chayta uyarispa manchachikonqanku, manañataj chay jina millayta ruwayta munanqankuchu.

Levítico 20:27

Sichus pi qhari, chayrí pi warmipis aysiri kanman, chayrí layqa kanman chayqa, payta rumiwan ch'anqasqa wañuchinkichej. Wañuchisqa kananpajqa paylla juchayoj kanqa, nispa.

Levítico 20:2

Israelitakunata ajinata ninki: Sichus israelitakunamanta mayqellanpis, chayrí qankuna ukhupi tiyakoj waj llajtayojpis Moloc sutichasqa lantiman wawanta jaywanman chayqa, tukuy runakuna rumiwan ch'anqaspa chay runata wañuchenqanku.

San Juan 8:59

Chaymanta judiokunaqa Jesusta ch'anqaykunankupaj rumita oqharikorqanku. Paytajrí paykunaj chawpinkuta rispa, Temploj pationmanta llojsiporqa.

Josué 7:25

Chantá Josué Achanta nerqa: Imarayku qan kay jina llakiyman churawarqaykuri? Kunanqa Tata Dios qanpa pataykiman chay llakiyllatataj urmachimuchun, nispa. Chayta nisqantawan, tukuy israelitakuna Achanta, aylluntawan ima rumiwan ch'anqaykuspa, wañucherqanku, jinaytawantaj ruphaykucherqanku.

Deuteronomio 22:21

tatanpa wasinmanta jawaman orqhospa, llajtanmanta qharikuna rumiwan ch'anqaykuspa chay warmita wañuchenqanku, chay jina millayta Israel ukhupi ruwasqanrayku, chantá ayllunta p'enqaypi rikhurichisqanraykutaj. Ajinata ruwaspa, qankuna ukhumanta chay jina millay ruwanata chinkachinkichej.

Levítico 13:46

Llejti onqoynin chinkanankama chay runa mana llimphupaj qhawasqa kanqa. Chantapis jaramanta jawapi sapallan tiyakunan tiyan.

Levítico 24:13

Chantá Tata Dios Moisesta kay jinata nerqa:

Deuteronomio 17:5

chay jina millayta ruwajta, qharipis warmipis kachun, llajtaman yaykuna punkunpi kashaj juezkunaman pusankichej. Chantá rumiwan ch'anqaykuspa, wañuchinkichej.

1 Reyes 21:10

Chantá iskay runakunata mask'aychej paypa contranpi llullakuspa, ch'ataykunankupaj: Qanqa Diospa contranpi sajrata parlanki, kuraj kamachejpa contranpi ima, nispa. Chantá jawaman orqhoytawan, rumiwan ch'anqaykuspa, wañuchiychej, nispa.