Levítico 16:23 - DIOSPA QHELQACHISQAN DEUTEROCANONICAL

²³ Chantá Aaronqa Dioswan Tinkukuna Toldoman yaykuspa, Diosllapaj T'aqasqa nisqa cheqaman yaykunanpaj, linomanta ruwasqa p'acha churakusqanta lluch'ukonqa. Chaytataj Dioswan Tinkukuna Toldopi saqenqa.

Qheshwa Biblia DC

²³ Chaymantataj Aaronqa Dioswan tinkukuna toldoman yaykonqa. Chaypitaj linomanta ruwasqa p'achasninta lluch'ukonqa, mayqenkunatachus churakorqa Diospa tiyakunanman yaykunampaj, chay kikimpitaj saqeponqa.

DIOSPA QHELQACHISQ

²³ Chantá Aaronqa Dioswan Tinkukuna Toldoman yaykuspa, Diosllapaj T'aqasqa nisqa cheqaman yaykunanpaj, linomanta ruwasqa p'acha churakusqanta lluch'ukonqa. Chaytataj Dioswan Tinkukuna Toldopi saqenqa.

Levítico 16:23 Referans Kwoze

Ezequiel 44:19

Runakuna maypichus kashanku, chay jawa patioman llojsinankupaj ima p'achawanchus Templopi ruwanankuta junt'asharqanku, chaykunata orqhokonqanku. Chantá Temploj jallch'ana cuartonpi chay p'achata saqespa, waj p'achakunata churakonqanku. Ajinamanta Diospaj t'aqasqa chay p'achakunawan mana wajkunaman chimpachenqankuchu noqa Diospaj t'aqasqa kayninkuta.

Ezequiel 42:14

Sacerdotekuna Temploman yaykuspaqa, jawa patioman mana llojsinankuchu tiyan, ima p'achawanchus ruwasharqanku, chay p'achata mana orqhokuspaqa. Chay p'achaqa Diospaj t'aqasqamin. Chayrayku maypichus waj runakuna kashanku, chayman rinankupajqa waj p'achata churakunanku tiyan, nispa.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

Levítico 16:4

Ñawpajta Aaronqa tukuy ukhunta yakuwan mayllakuytawan, sacerdote p'achanta churakonqa: Linomanta ruwasqa p'achata, calzoncillota, chumpitawan. Umanmanpis linomanta ruwasqa chhoqo ch'uluta churakonqa. Chaykunaqa Diospaj t'aqasqa p'acha kanku.

Hebreos 9:28

Ajinallatataj Cristopis uj kutillata wañorqa, ashkha runaj juchanchejta pampachananpaj. Chaymanta qhepanejman pay ujtawan kay pachaman kutimonqa, manaña juchanchejrayku wañunanpajchu, manachayqa paypi atinikuspa suyajkunata qhespichinawanchejpaj.

Levítico 16:22

Ajinata chivoqa israelitakunaj tukuy juchankuta ch'inman apanqa.

Levítico 6:11

11 (4) Chaymantataj sacerdoteqa linomanta p'achata lluch'ukuspa, waj p'achata churakonqa. Chantá chay ushphata jaramanta jawaman uj llimphu cheqaman apanqa.