Levítico 16:22 - DIOSPA QHELQACHISQAN DEUTEROCANONICAL

²² Ajinata chivoqa israelitakunaj tukuy juchankuta ch'inman apanqa.

Qheshwa Biblia DC

²² Ajinamanta chay chivoqa israelitaspa tukuy juchasninkuta ch'in pampaman apanqa. Chayman chay apaj runaqa kacharpayamonqa.

DIOSPA QHELQACHISQ

²² Ajinata chivoqa israelitakunaj tukuy juchankuta ch'inman apanqa.

Levítico 16:22 Referans Kwoze

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

Hebreos 9:28

Ajinallatataj Cristopis uj kutillata wañorqa, ashkha runaj juchanchejta pampachananpaj. Chaymanta qhepanejman pay ujtawan kay pachaman kutimonqa, manaña juchanchejrayku wañunanpajchu, manachayqa paypi atinikuspa suyajkunata qhespichinawanchejpaj.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Miqueas 7:19

Aswan qhepaman ujtawan noqaykumanta khuyarikuwayku. Juchaykuta chakiykiwan saruranki, mama qocha ukhumantaj millay ruwasqaykuta wijch'uykunki.

Salmos 103:12

Imaynachus inti llojsimuynej inti yaykuynejmanta karupi kashan, ajinallatataj payqa juchanchejta noqanchejmanta karunchan.

Salmos 103:10

Mana millayta ruwasqanchejman jinachu kutichiwanchej, nitaj juchanchejman jinachu jasut'iwanchej.

Ezequiel 18:22

Noqataj tukuy millay ruwasqanmanta mana yuyarikusajchu. Payqa cheqan kajta ruwasqanrayku kawsanqa.

Levítico 16:21

Chaymantataj chivoj umanman makinta churaspa, israelitakunaj tukuy juchallisqankuta, Diospa contranpi oqharikusqankuta, tukuy ima millay ruwasqankutawan Diosman rimarenqa. Ajinata ruwaspa, israelitakunaj juchankuta chivoman chajnaykonqa. Chaymantataj chay chivota ch'innejpi kacharparinanpaj uj runawan qhatichenqa.

Levítico 16:23

Chantá Aaronqa Dioswan Tinkukuna Toldoman yaykuspa, Diosllapaj T'aqasqa nisqa cheqaman yaykunanpaj, linomanta ruwasqa p'acha churakusqanta lluch'ukonqa. Chaytataj Dioswan Tinkukuna Toldopi saqenqa.

Ezequiel 4:4

Chantá qan lloq'emanta siriykuspa, Israel aylloj juchanta pataykiman churaykukunki. Mashkha p'unchaykamachá siriykunki, chaykama israelitakunaj juchankuta pataykipi apanki.

Levítico 14:7

Chaymantataj llejti onqoymanta llimphuchakojman qanchis kutita chay yawarwan ch'ajchullanqataj, chantá llimphu kasqanta nenqa. Jinaspataj, kawsashaj p'isqota kachariponqa.