Levítico 16:2 - DIOSPA QHELQACHISQAN DEUTEROCANONICAL

² Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Qheshwa Biblia DC

² Chaypi Señorqa Moisesman nerqa: Wauqeyki Aaronman niy, ama sapa kuti Diospa tiyakunanman yaykunankuta, mayqenchus veloj wasampi kashan chayman, nillataj Diospa leyninwan kashan chay cajompa kirpanan qayllamampis, ama payñataj wañunampaj. Imaraykuchus noqaqa rikuchikuni uj phuyupi chay kirpana patapi.

DIOSPA QHELQACHISQ

² Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Levítico 16:2 Referans Kwoze

Éxodo 30:10

Aaronqa watapi uj kutita altarpa wajrankunata, uywa ñak'asqaj yawarninwan jawenqa. Ajinata ruwanqa jucha pampachasqa kananpaj. Chaytaqa sapa watapi uj kutillata jucha pampachasqa kananpaj ruwanqa. Chay altartaj Tata Diospaj may llimphumin kanqa, nispa. Ajinata Tata Dios nerqa.

Hebreos 9:25

Kuraj kaj sacerdotekuna sapa wata uywaj yawarnin aparisqa Diosllapaj T'aqasqa Cheqaman yaykoj kanku. Cristorí mana sapa kutichu janaj pachaman yaykorqa jaywana jina pay kikin jaywaykukunanpaj.

San Mateo 27:51

Chaypachallataj Templopi jatun velo ujllata iskayman llik'irparikorqa patamanta urakama. Jallp'ataj sinch'ita ikhakorqa, chhankakunapis phatararqanku.

2 Crónicas 5:14

Jinapitaj Tata Diospa jatun kayninpa lliphiynin Temploman junt'aykusqanrayku, sacerdotekunaqa Tata Diospa kamachi ruwananpi mana qhepakuyta aterqankuchu.

1 Reyes 8:6

Sacerdotekunataj Tata Diospa arcanta Templo ukhuman apaykorqanku, churarqankutaj Diosllapaj T'aqasqa Cheqaman, querubinkunaj lijranku uraman.

Hebreos 9:3

Chaymantataj warkhusqa uj velo karqa, chay wasanpitaj Diosllapaj T'aqasqa Cheqa karqa.

Números 17:10

10 (25) Chantá Tata Dios Moisesta nerqa: Aaronpata varanta Diospa arcanpa ñawpaqenman ujtawan churaykamullaytaj. Chantá chaypi saqey, contraypi oqharikojkunapaj señal jina kananpaj. Ajinata ruwaspa, noqamanta israelitakuna mana allinta parlasqankuta ch'inyachinki, mana wañuchisqa kanankupaj, nispa.

Números 4:19

Paykuna Diosllapaj t'aqasqa kajman qayllasqankurayku ama wañunankupaj kay jinata ruwanaykichej tiyan: Aaronwan, chantá churinkunawan ima Coatpa mirayninmanta sapa ujman imatachus apanankuta, chantá imatachus ruwanankuta ninanku tiyan.

Levítico 23:27

Jinallataj qanchis kaj killapi chunka kaj p'unchaypi Jucha Pampachana p'unchay kanqa. Chaypacha Tata Diospa sutinpi tantakuspa, ayunankichej, chantá uywakunata q'olachispa Tata Diosman ñak'asqa uywakunata jaywankichej.

Levítico 16:13

Chantá Tata Diospa ñawpaqenpi ninaman inciensota jich'aykonqa. Inciensoj q'oshñintaj Diospa trato ruwasqan arcaj kirpananta p'ampaykonqa. Ajinata ruwaspa Aarón mana wañonqachu.

Levítico 8:35

Chayrayku qankunaqa qanchis p'unchay junt'ata, tuta p'unchay Dioswan Tinkukuna Toldo punkupi kanaykichej tiyan. Ama wañuchisqa kanaykichejpaj, Tata Diospa kamachisqanta kasuychej. Ajinata Tata Dios kamachiwarqa, nispa.

Hebreos 6:19

Diospi atinikunaqa sinch'ita sayayta yanapawanchej, imaynatachus jatun gancho barcota pachanpi sayachin, ajinata. Ajinata mana iskayrayaspa Diospi atinikuyta atinchej Jesucristo janaj pachapi kaj Diospa Templonpi cortina ukhuman yaykusqanrayku.

Hebreos 9:5

Chay cajonpa patanpitaj qorimanta ruwasqa iskay querubín nisqa angelkuna karqa, Khuyakuyta Tarina Cheqata lijrankuwan qhataspa. Chaywanpis kunan chaykunamanta manaña astawan sut'inchaspa parlasunñachu.

Apocalipsis 15:8

Chaypacha temploman q'oshñi junt'aykorqa. Chay q'oshñeqa Diospa jatun kayninpa lliphipiyninmanta, jinataj jatun atiyninmanta llojsimorqa. Manataj pipis temploman yaykuyta aterqachu, chay qanchis angelkuna makinkupi wañuchej onqoykunata jap'isharqanku, chaykunata jich'ayta tukunankukama.

Números 4:5

Israelitakuna puririnankupaj toldonkuta oqharejtinku, Aaronwan chantá churinkunawan ima Dioswan Tinkukuna Toldopi velota oqharenqanku. Chay veloqa Diosllapaj T'aqasqa Cheqaman yaykunapi kashan, chaywantaj Dioswan trato ruwasqa arcata qhataykonqanku.

1 Reyes 6:16

Ajinallatataj Temploj ukhu k'uchu ladonta pino tablawan pampamanta patakama tablayaykucherqa, chaytaj jisq'on metroyoj karqa. Chayqa karqa Diosllapaj T'aqasqa Cheqa.

Levítico 16:34

Kay kamachisqaqa qankunapaj wiñaypaj kanqa: Watapi uj kutita, tukuy israelitakunaj juchallisqanku pampachasqa kananpaj, Tata Diosman uywata ñak'aspa jaywankichej. Ajinaqa Moisés tukuy imata ruwarqa Tata Dios kamachisqanman jina.

Números 18:7

Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.