Levítico 14:21 - DIOSPA QHELQACHISQAN DEUTEROCANONICAL

²¹ Sichus llimphuchakoj runa pisi tiyapuyniyoj kasqanrayku, Diosman jaywananpaj mañasqankuta mana rantiyta atinmanchu chayqa, jucharayku jaywanapaj uj corderollata apamuchun. Apamusqanta juchan pampachasqa kananpaj, ikhaspa Tata Diosman jaywanqa. Apamullachuntaj aceitewan puñasqa sumaj jak'umanta iskay kilota, ch'aki mikhuy jaywanata jaywanapaj. Khuskan botella aceitetapis apamullachuntaj.

Qheshwa Biblia DC

²¹ Sichus chay runa ancha wajcha kasqanrayku mana atinmanchu chay kamachisqa rikuchikuta apamuyta chayqa, apamuchun juchanrayku rikuchikuta jina uj corderota. Chayta sacerdoteman jaywachun juchasnimpa cuentanmanta perdonta tarinampaj. Apamullachuntaj iskay kilota sumajnin kaj jak'uta aceitewan ñat'usqata, ch'aki mikhuy rikuchikuta jina khuskan botella aceitetawan.

DIOSPA QHELQACHISQ

²¹ Sichus llimphuchakoj runa pisi tiyapuyniyoj kasqanrayku, Diosman jaywananpaj mañasqankuta mana rantiyta atinmanchu chayqa, jucharayku jaywanapaj uj corderollata apamuchun. Apamusqanta juchan pampachasqa kananpaj, ikhaspa Tata Diosman jaywanqa. Apamullachuntaj aceitewan puñasqa sumaj jak'umanta iskay kilota, ch'aki mikhuy jaywanata jaywanapaj. Khuskan botella aceitetapis apamullachuntaj.

Levítico 14:21 Referans Kwoze

Levítico 5:7

Sichus juchallej runajta ovejata rantinanpaj mana tiyapunmanchu chayqa, juchan pampachasqa kananpaj, iskay jurk'uta, chayrí iskay urpi irpata apamunan tiyan, Tata Diosman jaywananpaj. Ujnenqa juchan pampachasqa kananpaj jaywanapaj kanqa, ujnintaj q'olachispa Diosman jaywanapaj kanqa.

Levítico 12:8

Sichus onqokoj warmejta corderota apamunanpaj mana tiyapunmanchu chayqa, apamuchun iskay jurk'utata, chayrí iskay urpi irpata. Ujnenqa Tata Diosman q'olachispa jaywanapaj kanqa, ujnintaj jucha pampachasqa kananpaj Diosman jaywanapaj kanqa. Ajinata sacerdoteqa warmej juchan pampachasqa kananpaj jaywanqa, warmitaj llimphupaj qhawasqa kanqa, nispa.

Proverbios 17:5

Pichus wajcha runamanta alqochakojqa ruwajnin Diosta phiñachin. Pichus wajcha runata kusipayajqa jasut'isqapuni kanqa.

2 Corintios 8:12

Sichus pipis tukuy sonqowan qoyta munan chayqa, Dios chay qosqanta kusiywan jap'enqa. Pay munan tiyapuwasqanchejman jinalla qonanchejta, manataj mañakuwanchejchu mana tiyapuwajtinchejqa.

2 Corintios 8:9

Ña qankuna rejsinkichejña Tukuyta Kamachej Jesucristoj k'acha yanapayninta. Pay may qhapaj karqa chaypis, qankunata munakuspa wajchaman tukorqa, chay wajcha kayninnejta qankuna qhapajyachisqa kanaykichejpaj.

San Lucas 6:20

Chantá Jesús yachachisqankunata qhawarispa, nerqa: Kusikuyniyojmin kankichej qankuna wajchakuna, imaraykuchus Diospa kamachiynenqa qankunapaj.

Proverbios 22:2

Qhapaj runapis, wajcha runapis uj rejlla kanku, iskayninkuta Tata Dios ruwasqanrayku.

Job 34:19

Payqa mana kamachejkunaman kutikunchu, nitaj qhapajkunaman, nillataj wajchakunamanpis uyata orqhonchu, imaraykuchus paymin tukuyninkuta ruwarqa.

1 Samuel 2:8

Dioslla wajchata pampamanta aysarin. Mañakoj runatapis q'opa wijch'unamanta orqhospa, wiraqochikunawan khuska tiyachin maypaj qhawasqa cheqapi, imaraykuchus jallp'aj tijsinkunamanta Tata Diosllamin dueñoqa. Paymin kay pachata chay patapi sayacherqa.

Levítico 14:22

Chantá atisqanman jina apamullachuntaj iskay jurk'utata, chayrí iskay urpi irpata. Ujnin kanqa jucha pampachasqa kananpaj Diosman jaywanapaj, ujnintaj q'olachispa Diosman jaywanapaj.

Levítico 5:11

Sichus juchallejpata iskay jurk'utata, chayrí iskay urpi irpata rantikunanpaj mana tiyapunmanchu chayqa, juchallisqan pampachasqa kananpaj sumaj jak'umanta iskay kilota Diosman jaywananpaj apamunan tiyan. Sumaj jak'umanqa aceiteta, nitaj inciensotapis mana churananchu tiyan, imaraykuchus chayqa jucha pampachasqa kananpaj Diosman jaywanapaj kanqa.

Levítico 1:14

Sichus pipis Tata Diosman q'olachispa jaywanapaj phawajkunamanta apamunman chayqa, jurk'utata, chayrí urpi irpata apamunan tiyan.

Levítico 14:10

Pusaj kaj p'unchaypitaj iskay corderota mana iman imanasqata apamonqa. Jinallataj uj watayoj ovejata mana iman imanasqata apamullanqataj. Apamullanqataj, ch'aki mikhuy jaywanata jaywanapaj, sumaj jak'umanta aceitewan puñasqata sojta kilo khuskanniyojta, chantá khuskan botella aceitetawan.

Levítico 27:8

Sichus Diosman qonanta nej runa mana kapuyniyoj kaspa, runaj precion churasqa kajta mana pagayta atinmanchu chayqa, sacerdoteman pusachunku. Sacerdotetaj Diosman qonanta nej runaman pagayta atinanpaj jinalla preciota churanqa.

Ezequiel 46:7

Sapa torillowan iskay chunka kilo jak'utawan jaywanqa, kikillantataj carnerowanpis ruwanqa. Corderokunawantaj munasqanman jina jak'uta jaywanqa. Sapa iskay chunka kilo jak'upajtaj kinsa litro khuskanniyoj aceiteta jaywallanqataj.