Levítico 10:11 - DIOSPA QHELQACHISQAN DEUTEROCANONICAL

¹¹ Jinallataj israelitakunaman Tata Diospa tukuy kamachisqanta yachachinaykichej tiyan. Chay kamachisqakunata paymin Moisesnejta qosorqachej, nispa.

Qheshwa Biblia DC

¹¹ Chaymanta israelitasman atinaykichejpaj yachachiyta Señorpa tukuy kamachiykunasninta, paymin Moisesnejta chaykunataqa qosorqachej.

DIOSPA QHELQACHISQ

¹¹ Jinallataj israelitakunaman Tata Diospa tukuy kamachisqanta yachachinaykichej tiyan. Chay kamachisqakunata paymin Moisesnejta qosorqachej, nispa.

Levítico 10:11 Referans Kwoze

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Malaquías 2:7

Sacerdotekunaqa runakunaman yachachinanku tiyan imaynatachus noqata rejsinawankuta, munayniyman jina purinankupaj. Chantá tukuy runakuna paykunaman rinanku tiyan yachayta jap'ikunankupaj, imaraykuchus sacerdotekunaqa Tukuy Atiyniyoj Tata Diospa kachankuna kanku.

Nehemías 8:8

Levitakunaqa jatunmanta ñawirerqanku Diospa kamachisqanmanta qhelqata, chaymantataj chay ñawirisqankuta sut'incharqanku uyarejkunaman tukuyninku chayta allinta jap'eqanankupaj.

Nehemías 8:2

Qanchis kaj killa qallariy p'unchaypi, sacerdote Esdras kamachisqakunamanta qhelqata apamorqa, maypichus qharikuna, warmikuna, yuyayninkupiña karqanku, chay tukuy wawakuna ima tantakorqanku, chayman.

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Deuteronomio 24:8

Llejti onqoymantaqa imaynatachus Leví jatun ayllumanta sacerdotekuna kamachisusqaykichejman jina ruwaychej. Chaytaqa imaynatachus noqa paykunaman kamachisqayman jina kikinta ruwaychej.

1 Tesalonicenses 4:2

Qankuna yachankichejña Tukuyta Kamachej Jesuspa sutinpi noqayku imatachus ruwanaykichejta yachachisqaykuta.

Hechos 20:27

imaraykuchus mana imata pakaspa, imatachus Dios ruwayta munasqanta qankunaman willarqaykichej.

Deuteronomio 33:10

Paykunaqa Jacobman kamachisqaykita yachachinku, Israelmantaj nisqaykita. Altarniykiman inciensota q'oshñichinapaj, uywa ñak'asqata ima q'olachinapaj churanku.

Jeremías 2:8

Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

2 Crónicas 30:22

Ezequiastaj levitakunata tukuy sonqowan Tata Diosta kamachinpi ruwajta rikuspa, sumajta parlaykuspa, sonqonkuta pataman oqharerqa. Qanchis p'unchay junt'ata ñawpa tatankoj Tata Diosninkuta yupaycharqanku, chantá ñak'asqa uywakunata jaywasqankumanta, allinyakuna jaywanamantawan mikhorqanku.

2 Crónicas 17:9

Paykunaqa Tata Diospa qhelqanta apaspa, Judapi tiyakojkunaman yachachimorqanku. Ajinata tukuy llajtakunanejta purerqanku runakunaman yachachispa.

Deuteronomio 17:10

Chantá Tata Dios ajllakonqa, chay cheqapi kaj juezkuna imatachus nisunkichej, chayman jina ruwankichej, paykuna yachachisusqankuman jinataj allinta ruwankichej.

Deuteronomio 17:11

Qankunaqa chay juezkunaj nisqankuman jinapuni ruwankichej, mana pañaman, nitaj lloq'eman ithirispa.

2 Crónicas 15:3

May unayta Israelqa mana cheqa Diosniyojchu karqa, mana yachachej sacerdoteyoj, nitaj kamachejniyoj.