Jueces 7:2 - DIOSPA QHELQACHISQAN DEUTEROCANONICAL

² Chantá Tata Diosqa Gedeonta nerqa: Ancha ashkha runakunata pusamunki. Sichus paykuna ajinata madianitakunata atipanku chayqa, israelitakunaqa umata oqharinkuman: Kallpallaykuwan kaykunata atipayku, nispa.

Qheshwa Biblia DC

² Señorqa Gedeonman nerqa: Ancha ashkha runasta apamushanki, israelitasqa madianitasta atipaykojtinkoqa, alabakonqanku paykunallamanta salvakusqankuta creespa.

DIOSPA QHELQACHISQ

² Chantá Tata Diosqa Gedeonta nerqa: Ancha ashkha runakunata pusamunki. Sichus paykuna ajinata madianitakunata atipanku chayqa, israelitakunaqa umata oqharinkuman: Kallpallaykuwan kaykunata atipayku, nispa.

Jueces 7:2 Referans Kwoze

Deuteronomio 8:17

Ama sonqoykichejpi yuyankichejchu: Sinch'ita llank'asqaykurayku tukuy imata tarispa qhapajyayku, nispa.

2 Corintios 4:7

Kunan chay k'anchay sonqoykupi kashan. Chaywanpis noqaykoqa t'urumanta ruwasqa manka jina p'akikoj kayku, chay manka ukhupirí may valorniyoj imakuna tiyan. Ajinamanta tukuy reparanku, imatapis ruwanaykupaj chay sumaj ateyqa Diosmanta kasqanta, manataj noqaykumantachu.

Romanos 11:18

Kunantajrí ama runaykachaychejchu k'uturasqa thansaman t'inkisqa kasqaykichejmanta. Qankuna thansalla kaspa, mana saphitachu kawsachinkichej, aswanpis sumaj olivoj saphinmá qankunata kawsachisunkichej.

Efesios 2:9

Mana pipis imata ruwasqanraykuchu qhespichisqa kanata tarin, ama jatunchakunanpaj.

Zacarías 12:7

Ñawpajta noqa Tata Diosqa Judá ayllumanta kajkunataraj kacharichisaj, Davidpa miraynin, jinataj Jerusalenpi tiyakojkunapis ama yuyanankupaj Judá ayllumanta nisqaqa aswan sumaj kasqankuta.

Zacarías 4:6

Chantá chay ángel willawarqa: Kayqa Tata Diosmanta uj willay Zorobabelpaj: Atipanaykipaj noqa mana soldadokunawanchu, nitaj runaj kallpawanchu yanapasqayki. Manachayqa Espirituywanmin atipachisqayki, nispa nin Tukuy Atiyniyoj Tata Dios.

Ezequiel 28:17

May k'achitu kasqaykirayku sonqoykipi jatunchakorqanki. May jatunchasqa kasqaykiraykutaj yachayniykita millayman tukucherqanki. Chayrayku noqa qanta pampaman wijch'umorqayki, kuraj kamachejkunaj rikunankuta p'enqaypi rikhurichisuspa.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

Deuteronomio 32:27

Noqarí awqankukuna asikuspa kanankuta mana munarqanichu, nillataj wapuykachaspa ninankuta: Mana Tata Dioschu chayta ruwarqa, noqanchejmin atiyninchejwan ruwarqanchej, nispa.

Romanos 3:27

Ajinaqa Diospa ñawpaqenpi runaj jatunchakusqan, imapitaj paranri? Chayqa chinkachisqaña, icharí? Imaraykutaj pipis cheqanpaj qhawasqa kanman? Kamachisqata junt'asqanraykuchu? Mana. Aswanpis Diospi atinikusqanraykulla.

Habacuc 1:16

Chayraykumin challwa jap'ejkuna anzuelonkuta, ch'ipankutapis mayta munakunku. Chayraykullataj jaywanata jaywanku, inciensotapis q'oshñichinku, chaykunanejta ashkha mikhunayoj kasqankurayku.

Daniel (hebreo) 4:30

30 (27) nerqa: Qhawariychej, imayna jatunchus Babilonia llajta kasqanta. Noqamin chayta jatun atiyniywan sayaricherqani suyuypa jatun llajtan kananpaj, ajinamanta atiyniyoj kasqayta tukuy yachanankupaj, nispa.

Ezequiel 28:2

Runaj churin, Tiro llajtaj kuraj kamachejnintañataj kay jinata niy: Tukuyta Kamachej Tata Dios nisunki: Qan sonqoykipi jatunchakuspa, nerqanki: Noqa uj dios kani, dioskunaj kamachinanku tiyanapi tiyashani mama qocha chawpipi, nispa. Chaywanpis qanqa runalla kanki, manataj dioschu. Uj dios jina yachayniyoj kasqaykita yuyakunki.

Jeremías 9:23

23 (22) Tata Dios nillantaj: Yachayniyoj runa yachayniyoj kasqanmanta ama runaykachachunchu, nitaj atiyniyojpis atiyninmanta, nillataj qhapajpis kapuyninmanta umata oqharichunchu.

Isaías 10:13

Asiriata kuraj kamachej nin: Kaytaqa kallpaywan ruwani, yachayniywan ruwani yuyayniyoj kasqayrayku. Tukuy suyukunaj jallp'ankuman yaykuykuspa jap'ikapuni, tukuy kapuyninkutataj qhechumuni. Kuraj kamachejninkutapis may wapu kayniywan atiparparini.

2 Crónicas 14:11

11 (10) Chantá Asaqa Tata Diosmanta mañakorqa: Tata Diosníy, kallpayojta pisi kallpayojtapis yanapanki. Chayrayku yanapariwayku Tata Diosniyku, qanpi atinikusqaykurayku. Sutiykipi kay soldadokunawan maqanakoj jamuyku. Tata Dios, qanmin Diosniykoqa kanki. Manapuni qantaqa pipis atipasonqachu, nispa.

Isaías 2:17

Ajinamanta runaj wapuykachaynenqa k'umuykuchisqa kanqa, runaj machu machu kaynintaj urmachisqa kanqa. Chay juicio p'unchaypeqa Tata Dioslla jatunchasqa kanqa.

Santiago 4:6

Chaywanpis Dios qhasilla k'acha yanapayninwan yanapawanchej. Chayrayku Diospa Qhelqachisqanpi nillantaj: Diosqa jatunchakojkunaman sayaykun, k'umuykojkunatatajrí qhasilla k'acha yanapayninwan yanapan, nispa.

Isaías 2:11

Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Deuteronomio 8:18

Aswanpis Tata Diosniykichejmanta yuyarikuychejpuni, imaraykuchus paymin tukuy imata tarispa, qhapajyanaykichejpaj kallpata qosunkichej. Ajinatamin payqa ñawpa tataykichejwan trato ruwasqanta, qankunawan junt'anqa, imaynachus kunan kashan, ajinata.

Génesis 46:2

Chantá chay ch'isi Dios mosqoypi jina sutinmanta wajyaspa, Israelwan parlarqa: Jacob, Jacob, nispa. Paytaj kuticherqa: Kaypi kashani, nispa.

Números 31:4

Sapa jatun ayllumanta waranqa soldadokuna maqanakoj richunku, nispa.