Jueces 1:18 - DIOSPA QHELQACHISQAN DEUTEROCANONICAL

¹⁸ Judá ayllukunaqa Gaza llajtata, Ascalón llajtata, Ecrón llajtatawan jap'ikaporqanku muyuyninpi jallp'akunatawan.

Qheshwa Biblia DC

¹⁸ Chaywampis mana aterqankuchu jap'ikapuyta kay llajtasta; Gazata, Ascalonta, Ecronta, nitaj qayllampi kajkuna jallp'asninkutapis.

DIOSPA QHELQACHISQ

¹⁸ Judá ayllukunaqa Gaza llajtata, Ascalón llajtata, Ecrón llajtatawan jap'ikaporqanku muyuyninpi jallp'akunatawan.

Jueces 1:18 Referans Kwoze

Josué 11:22

Ajinamanta Israel suyupi jatunkaray runaj Anac sutiyoj ayllunmanta ni uj qhepakorqachu. Wakin anaquitakuna Gazapi, Gatpi, Asdodpi imalla kawsashaj qhepakorqanku.

Jueces 3:3

Filisteokunamanta qhepakorqanku, pikunachus chay phishqa kamachejkunaj kamachinpi karqanku, chaykuna. Qhepakullarqankutaj tukuynin cananeokuna, sidoniokuna, Líbano orqonejpi tiyakoj heveokunapis, Baal Hermón orqomantapacha Jamat q'asakama.

1 Samuel 6:17

Filisteokuna juchallisqankumanta qori ch'upukunata Tata Diosman qosqankoqa kay llajtakunaj cuentanmanta karqa: Asdodmanta, Gazamanta, Ascalonmanta, Gatmanta, Ecronmanta ima.

Jueces 16:21

Chaypacha filisteokunaqa Sansonta jap'ispa, ñawinkunata orqhorparerqanku, Gaza llajtamantaj aparqanku. Chaypi broncemanta cadenawan wataykuspa, carcelpi jak'uchina molinota muyuchicherqanku.

Josué 13:3

Sijor wayq'omantapacha, Egiptomanta inti llojsimuyninnejpi, Ecronwan mojonkama. Chayqa cananeokunaj jallp'anku kashan. Cananeokunaj jap'iyninpi phishqa kuraj kamachejkuna kanku, paykunaqa Gazapi, Asdodpi, Ascalonpi, Gatpi, Ecronpi ima tiyakunku. Jinallataj aveokunaj jallp'anku jap'inaraj kashallantaj.

Éxodo 23:31

Jallp'aykichejpa mojonnenqa ajina kanqa: Puka Mama Qochamantapacha, filisteokunaj mama qochankukama. Chantá ch'innejmantapacha Éufrates mayukama kanqa. Chay jallp'api tiyakojkunata makiykichejman churaykusaj, qankunataj paykunata qharqonkichej.

1 Reyes 4:24

24 (5.4) Ajinata churaj kanku, imaraykuchus Salomonqa chay tukuynin suyuta kamacherqa, Éufrates inti yaykuynejmanta, Tifesajmanta Gaza chaynejkama, chay tukuy suyupitaj allin kawsay karqa.

Jeremías 47:5

Chantá Gaza llajtayojkunaqa p'enqachisqa kaspa, chujchankuta ruthukonqanku. Ascalón llajtapis ch'inpacha qhepakonqa. Qankuna jatunkaray ñawpa runakunamanta puchojkuna, mayk'ajkamataj llakisqa kasqaykichejta rikuchispa ukhuykichejta q'allurakunkichejri? nispa.

Deuteronomio 2:23

Jinallatataj Caftorkunapis Cretamanta jamuspa, Gaza qayllapi tiyakoj aveokunata chinkachillarqankutaj. Chaypitaj paykuna tiyakaporqanku.

Josué 15:11

Jinallataj mojonqa Ecronpa wichaynin inti llojsimuyninnejta rillarqataj, chaymantataj Sicronpa wasanta muyuykamuytawan, Baalá orqonejta rerqa, chaymantaqa Jabnelman llojserqa, Jatun Mama Qochapitaj tukukorqa.

Jueces 14:19

Chaypacha Tata Diospa Espíritun Sansonman sinch'i kallpata qorqa. Sansontaj filisetokunaj llajtanku Ascalonman rispa, kinsa chunka runakunata wañucherqa. Chaykunamanta p'achata lluch'uspataj, watuchisqanta sut'inchajkunaman qorqa. Chaymantataj may phiñasqa tatanpa wasinman kutiporqa.

Jeremías 25:20

Chantá Egiptopi tiyaj waj suyumanta runakunamanpis ujyacherqani. Jinallatataj Uz suyupi tukuy kuraj kamachejkunaman, chantá Filistea suyupi Ascalón llajtaman, Gazaman, Ecronman, Asdod llajtamanta puchojkunamanpis ujyachillarqanitaj.