San Juan 6:57 - DIOSPA QHELQACHISQAN DEUTEROCANONICAL

⁵⁷ Kachamuwaj Tatayqa kawsajmin, noqataj paynejta kawsani. Ajinallatataj noqata mikhuwajqa noqanejta kawsanqa.

Qheshwa Biblia DC

⁵⁷ Imaynatachus kausaj Tata kachamuwarqa, paynejtataj kausani; ajinallatataj noqata mikhuwajqa noqanejta kausanqa.

DIOSPA QHELQACHISQ

⁵⁷ Kachamuwaj Tatayqa kawsajmin, noqataj paynejta kawsani. Ajinallatataj noqata mikhuwajqa noqanejta kawsanqa.

Quechua South Bolivia: Dios Parlapawanchej

⁵⁷ Causayniyoj Dios Tata cachamuwarka nokataj paynejta causani. Ajinallatataj nokamanta miqhojka nokaraycu causan.

San Juan 6:57 Referans Kwoze

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

San Juan 5:26

Imaynatachus Tata Diosqa pay kikinpi kawsayniyoj, ajinallatataj Churinmanpis atiyta qorqa pay jinallataj kawsayniyoj kananpaj.

San Juan 17:21

Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

1 Juan 4:9

Tata Dios munakuwasqanchejta kay jinamanta rejsichiwarqanchej: Uj k'ata Churinta kay pachaman kachamorqa, paypi atinikuspa wiñay kawsayniyoj kananchejpaj.

San Juan 3:17

Diosqa mana runakunata juchachananpajchu Churinta kay pachaman kachamorqa, manachayqa paynejta paykunata qhespichinanpaj.

1 Tesalonicenses 1:9

Paykuna parlanku noqayku llajtaykichejman chayamojtiyku, imaynatachus wajyarikuwasqaykumanta. Jinallataj parlanku qankuna imaynatachus lantikunata yupaychayta saqespa, kawsashaj cheqa kaj Diosman kutirikusqaykichejta, payllataña kasunaykichejpaj.

2 Corintios 13:4

Arí, pisi kallpayoj jina cruzpi chakatasqa karqa, kunantajrí Diospa atiyninrayku kawsashan. Ajinallatataj ari, noqaykupis pisi kallpayoj kayku, imaynachus Cristo karqa, ajina. Chaywanpis paywan ujchasqa kawsashayku Diospa atiyninrayku qankunata yanapanaykupaj.

1 Corintios 15:22

Imaynatachus Adán juchallisqanrayku tukuy wañunchej, ajinallatataj Cristonejta tukuy kawsarichisqa kasunchej.

San Juan 14:19

Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Mateo 16:16

Chantá Simón Pedro kuticherqa: Qanqa Diospa kachamusqan Cristo kanki, kawsaj Diospa Churin, nispa.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Salmos 18:46

46 (47) Tata Dios jatunchasqa kachun, waqaychawajneyqa yupaychasqa kachun. Qhespichiwaj Diosneyqa yupaychasqa kachun.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

San Juan 6:29

Jesustaj paykunaman kuticherqa: Diosqa kayllata ruwanaykichejta munan: Kachamusqan Churinpi atinikunaykichejta, nispa.

San Juan 6:38

Noqa mana munasqayta ruwanaypajchu janaj pachamanta urayk'amorqani, astawanqa Kachamuwajniypa munasqanta ruwanaypaj.

1 Corintios 15:45

Ajinaqa Diospa Qhelqachisqanpi nin: Ñawpaj kaj runa Adanqa kawsaj runa ruwasqa karqa, nispa. Qhepa kaj Adanrí kawsayta qoj Espiritumin karqa.