San Juan 5:17 - DIOSPA QHELQACHISQAN DEUTEROCANONICAL

¹⁷ Jesustajrí paykunaman kuticherqa: Tatayqa kunankama imachus ruwananta ruwashallanpuni, noqapis ruwanayta ruwashallanitaj, nispa.

Qheshwa Biblia DC

¹⁷ Jesustaj kutichispa nerqa: Tatayqa kunankama ruwashan, noqapis ruwashallanitaj.

DIOSPA QHELQACHISQ

¹⁷ Jesustajrí paykunaman kuticherqa: Tatayqa kunankama imachus ruwananta ruwashallanpuni, noqapis ruwanayta ruwashallanitaj, nispa.

Quechua South Bolivia: Dios Parlapawanchej

¹⁷ Jesusri paycunata nerka: —Tatayka sumaj cajta ruwashallanpuni. Chayraycu nokapis chaymanjinallataj ruwashani, —nispa.

San Juan 5:17 Referans Kwoze

San Juan 14:10

Felipe, Tatayqa noqawan ujchasqa kawsan, noqataj payman ujchasqa kawsani. Imatachus willaykichej, chaytaqa mana noqallamantachu parlani. Aswanpis noqawan ujchasqa kawsaj Tata Diosmin imatachus ruwananta noqanejta ruwan.

San Juan 9:4

P'unchayllaraj kashajtin, Kachamuwajniypa ruwananta ruwananchejpuni tiyan. Laqhayaykojtinñarí, mana pipis imatapis ruwayta atinñachu.

Colosenses 1:16

Paynejtamin Diosqa tukuy kaj chhikata ruwarqa: Janajpi kajkunata, kay pachapi kajkunatapis, mana rikukojkunata, rikukojkunatapis, kamachejkunata, kurajkunata, atiyniyojkunata ima. Tata Diosqa tukuy kaj chhikata Cristonejta ruwarqa, paypaj kananpaj.

1 Corintios 12:6

Jinallataj Iglesiamanta kajkunaqa tukuy imaymana ruwanayoj kanchej. Chaywanpis uj k'ata Dioslla tukuyninchejman atiyta qowanchej tukuy ruwanata ruwananchejpaj.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Hechos 17:28

Manachayqa Diosrayku kawsanchej, purinchej, kanchejtaj. Yarawita wakichejniykichejkunamanta wakinkuna kay jinata nisqanku: Noqanchejpis Diospa miraynin kanchej, nispa.

Isaías 40:26

Janajta qhawariychej. Pitaj chay tukuy ch'askakunata ruwarqari? Tata Dios, pichus chaykunata ujmanta uj orqhomuspa yupan, tukuyninkutataj sutinkumanta wajyan, chay. Payqa tukuy atiyniyoj, tukuy kallpayojtaj, chay jinapuni kasqanraykutaj mana ujpis makinmanta chinkanchu.

Hechos 14:17

Chaywanpis pay sut'ita rejsichikorqa k'acha Dios kasqanta allin imakunata ruwaspa. Payqa parata apachimusunkichej, chajraykichejta tiemponpi poqochin, mikhuna patapitaj uywakusunkichej, sonqoykichejtataj kusiywan junt'achin, icharí?

San Mateo 10:29

Manachu runakuna iskay p'isqetutapis phisullapi vendenku? Chaywanpis, Tata Diosniykichej mana munajtenqa, ni uj p'isqetullapis pampaman urmanchu.

Salmos 65:6

6 (7) Qanqa kallpawan chumpiykukuspa, jatun atiyniykiwan orqokunata sayachinki.

San Juan 5:16

Chayrayku wañuchiyta munaspa, paykuna Jesusta qhatiykacharqanku, samarina p'unchaypi mana ruwanata ruwasqanmanta.

San Juan 5:18

Chayta Jesús nisqanrayku judiokunaj kurajninkukuna payta wañuchinankupaj astawan kallpachakorqanku, samarina p'unchaypi runata qhaliyachisqanrayku, chantá Diosqa Tatan kasqanta nisqanrayku ima. Chayta nispa, Jesús yachayta qorqa payqa Dios jinallataj kasqanta.

San Juan 10:36

Sichus Tata Dios ajllawaspa noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?

1 Tesalonicenses 2:13

Chayrayku noqaykupis mana sayk'uspa Diosta pachis nillaykupuni, imaraykuchus Diospa willayninta qankunaman willajtiyku, tukuy sonqo jap'ikorqankichej, mana runaj parlasqanta jinachu, manachayqa Diospa nisqanta jina. Chayqa Diospa nisqanpuni, kunantaj qankuna Jesuspi atinikojkunapi imachus ruwananta ruwashan.