San Juan 3:16 - DIOSPA QHELQACHISQAN DEUTEROCANONICAL

¹⁶ Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

Qheshwa Biblia DC

¹⁶ Diosqa chay jinatapuni mundota munakusqanrayku, uj k'ata Churinta qorqa. Ajinamanta pillapis paypi creejqa, mana chinkayman renqachu; astawanqa wiñay kausayniyoj kanqa.

DIOSPA QHELQACHISQ

¹⁶ Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

Quechua South Bolivia: Dios Parlapawanchej

¹⁶ Dioska tucuy runasta maytapuni munacorka. Chayraycumin c'ata Wawanta korka. Cay pachaman payta cachamorka paypi tucuy jap'icojka ama wiñaypaj wañupunanpaj astawanrí wiñay causayniyoj cananpaj.

San Juan 3:16 Referans Kwoze

Romanos 5:8

Chay tukuywanpis Diosqa imaynatapunichus munakuwasqanchejta yachayta qowanchej, imaraykuchus juchasapallaraj kashajtinchej, Cristo noqanchejrayku wañorqa.

San Juan 3:15

Ajinamanta paypi tukuy atinikojkuna wiñay kawsayniyoj kanqanku.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunanpaj. Ajina chayqa, manachu Churinwan khuskata tukuy imatawan qowasunmanri?

San Juan 6:40

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

1 Juan 4:19

Noqanchejqa ujkuna ujkuna munakunchej, imaraykuchus Diosraj ñawpajta munakuwarqanchej.

San Juan 10:28

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

Romanos 5:10

Diospa contranpiraj kashajtinchej, Dios kikin Churinpa wañuyninnejta paywan allinyachiwarqanchej. Jina chayqa, astawanraj ari Dioswan allinyachisqaña kaspa, Cristo kawsashasqanrayku qhespichisqapuni kasunchej.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

Efesios 2:4

Chaywanpis Diosqa khuyakuypi may jina qhapaj kaspa, may jinatapuni munakuwarqanchej.

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Génesis 22:12

Angeltaj nerqa: Ama wawata ñak'aychu, nitaj imanaychu. Yachaniña qanqa noqata may jatun respetowan qhawawasqaykita, imaraykuchus munasqa churiykita qonawaykipaj mana mich'akorqankichu, nispa.

Tito 3:4

Chaywanpis maypachachus Qhespichiwajninchej Dios k'acha kayninta, chantá munakuyninta ima rejsicherqa chaypacha, pay qhespichiwarqanchej.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

Marcos 12:6

Chay jinapi tukuypa qhepanta huertayojqa may munasqa churintañataj kachasqa, kay jinata yuyaspa: Churiytaqa respetanqankupuni, nispa.

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

Génesis 22:2

Chantá Dios nerqa: Munasqa churiyki Isaacta pusariykukuspa, Moriah sutiyoj cheqanejman riy. Chayman chayaspataj, churiykita q'olachispa, noqaman jaywawanki, may orqopichus nisqayki, chaypi, nispa.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

San Juan 3:18

Pillapis paypi atinikojqa mana juchachasqachu kanqa. Paypi mana atinikojrí ñapis juchachasqaña, Diospa k'ata Churinpi mana atinikusqanrayku.

Hebreos 2:9

Diosqa Jesusta churarqa angelkunamanta tumpawan pisi kananpaj. Chaywanpis kunan Jesusta rikunchej, jatun kaywan pilluchisqata, jatunpaj qhawasqata ima, noqanchejrayku ñak'arispa wañusqanrayku. Dios munakuwasqanchejrayku munarqa Churin tukuy runarayku wañunanta.

1 Juan 3:1

Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.