San Juan 21:16 - DIOSPA QHELQACHISQAN DEUTEROCANONICAL

¹⁶ Chantá Jesús ujtawan Pedrota taporqa: Jonaspa churin Simón, munakuwankichu? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesús nillarqataj: Jina chayqa, ovejaykunata michipuway, nispa.

Qheshwa Biblia DC

¹⁶ Jesús ujtawan Pedroman nerqa: Simón, Jonaspa churin, munakuwankichu? Pedrotaj kuticherqa: Arí Señor, qan yachanki munakususqayta. Jesús nillarqataj: Ovejasniyta michipuway.

DIOSPA QHELQACHISQ

¹⁶ Chantá Jesús ujtawan Pedrota taporqa: Jonaspa churin Simón, munakuwankichu? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesús nillarqataj: Jina chayqa, ovejaykunata michipuway, nispa.

Quechua South Bolivia: Dios Parlapawanchej

¹⁶ Iscay caj cutita payman taporka: —Jonaspa wawan Simonníy ¿munacuwanquichu? Paytaj nerka: —Arí, Señorníy, kan yachanqui munacususkayta, —nispa. Jesustaj nerka: —Runasniyta khawapuway, —nispa.

San Juan 21:16 Referans Kwoze

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

1 Pedro 5:2

Qankuna tropata michiychej, pikunatachus Dios qhawanaykichejpaj makiykichejman churarqa, chaykunata. Tukuy sonqomanta paykunata qhawaychej, imaynatachus Dios munasqanman jina, ama tanqasqa jinallachu. Amataj qolqeta mask'aspachu paykunata qhawaychej, manachayqa Tukuyta Kamachej Jesucristoj kamachisqanta ruwayta munasqaykichejrayku.

1 Pedro 2:25

Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.

Salmos 100:3

Tata Diosqa Diospuni kasqanta rejsikapuychej. Pay ruwawasqanchejrayku, paypata kanchej. Paypa ayllun kanchej, michinan ovejankunataj.

Salmos 95:7

Paymin Diosninchejqa, noqanchejtaj ayllun kanchej. Paymin michiwajninchej, noqanchejtaj ovejankuna kanchej. Kunan Tata Diospa nisqanta uyariychej:

Hebreos 13:20

Sonqo tiyaykusqa kawsakuyta qoj Diosqa ovejakunaj jatun Michejnin Jesucristota wañusqamanta kawsaricherqa, jinataj paypa yawar jich'asqanwan noqanchejwan wiñaypaj tratota ruwarqa.

San Juan 18:25

Chaykama Pedro ninapi q'oñikushajtin, wakin nerqanku: Manachu qanpis chay runaj yachachisqan kanki? nispa. Pedrotajrí nerqa: Mana chaychu kani, nispa.

San Juan 18:17

Chay warmitajrí Pedrota nerqa: Manachu qanpis chay runaj yachachisqankunamanta ujnin kankiri? nispa. Pedrotajrí nerqa: Mana chaychu kani, nispa.

San Lucas 19:10

Runaj Churenqa jamun, chinkasqa kajta mask'aspa, qhespichinanpaj, nispa.

San Mateo 26:72

Pedrotajrí tiluspa, watejmanta nerqa: Mana chay runata rejsinichu, nispa.

San Mateo 25:32

Chantá tukuy suyumanta runakuna ñawpaqenman tantakamonqanku. Paytaj ujkunata ujkunamanta t'aqanqa, imaynatachus michejpis ovejakunata cabrakunamanta t'aqan, ajinata.

San Mateo 2:6

Qanrí Belén, Judá jap'iypi kaj, Judapi kaj llajtakuna ukhupi aswan uyarisqa kanki, imaraykuchus qanmanta uj kamachej llojsenqa, paytaj Israel aylluyta michenqa, nispa.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

Apocalipsis 7:17

Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.

San Juan 21:17

Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.