San Juan 21:12 - DIOSPA QHELQACHISQAN DEUTEROCANONICAL

¹² Jinataj Jesús yachachisqankunata nerqa: Jamuychej, mikhurikuychej ari, nispa. Mana mayqenninkupis taporqankuchu: Pitaj kanki? nispa, imaraykuchus yachallarqanku Tukuyta Kamachej Jesuspuni kasqanta.

Qheshwa Biblia DC

¹² Jesustaj yachachisqasman nerqa: Jamuychej mikhurikuychej. Manataj mayqenninkupis taporqankuchu: Pitaj kanki?, nispa. Yachasqanku Señorpuni kasqanta.

DIOSPA QHELQACHISQ

¹² Jinataj Jesús yachachisqankunata nerqa: Jamuychej, mikhurikuychej ari, nispa. Mana mayqenninkupis taporqankuchu: Pitaj kanki? nispa, imaraykuchus yachallarqanku Tukuyta Kamachej Jesuspuni kasqanta.

Quechua South Bolivia: Dios Parlapawanchej

¹² Jesustaj paycunaman nerka: —Jamuychej, miqhucuychej, —nispa. Yachacojcunanmantataj ni mayken tapoj churacorkancuchu: “¿Pitaj canqui?” nispa, Señornincu caskanta yachaspa.

San Juan 21:12 Referans Kwoze

Hechos 10:41

Mana tukuy runamanchu Jesús rikhurerqa. Manachayqa noqallaykuman rikhuriwarqayku, pikunachus ñawpajmantapachaña Diospa ajllasqankuna karqayku testigo jina rikusqaykuta willanaykupaj, chaykunaman. Ajinaqa noqayku paywan khuska mikhorqayku wañusqamanta kawsarimpusqanmantaña.

San Juan 16:19

Chaymanta tapukuyta munasqankuta reparaspa, Jesús paykunata nerqa: Tumpamantawan manaña rikuwankichejchu, chaymanta uj chhikamantawanrí watej rikullawankichejtaj, nispa nisqayraykuchu tapunakushankichej?

San Juan 21:15

Mikhuyta tukusqankutawan, Jesusqa Simón Pedrota nerqa: Jonaspa churin Simón, kaykunamanta astawanchu munakuwanki? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesustaj nerqa: Ajina chayqa, corderoykunata michipuway, nispa.

Marcos 9:32

Yachachisqankunatajrí chay nisqanta mana entienderqankuchu, tapuytapis manchachikorqanku.

San Juan 4:27

Jinallapi yachachisqankuna chayamuspa, Jesusta uj warmiwan parlashajta rikorqanku. Chantá t'ukorqanku. Chaywanpis mana pipis taporqachu: Imaraykutaj paywan parlashankiri? Chayrí: Imamantataj chay warmiwan parlasharqankiri? nispa.

San Lucas 9:45

Yachachisqankunatajrí chay nisqanta mana entienderqankuchu, imaraykuchus paykunapaj mana sut'ichu karqa. Chantá tapuytapis manchachikorqanku.

San Mateo 22:46

Mana pipis kutichiyta atispa, chaymantapacha manaña pipis astawan taporqachu.

San Juan 21:11

Chantá Simón Pedro boteman wicharispa, qocha kantuman ch'ipata orqhorqa, jatuchaj challwakunawan junt'ata. Chay ch'ipapi 153 challwakuna karqanku. Chay chhika challwawanpis ch'ipaqa mana llik'ikusqachu.