San Juan 16:21 - DIOSPA QHELQACHISQAN DEUTEROCANONICAL

²¹ Kayta nisunman: Onqoj warmeqa onqokushaspa ñak'arin. Jinapis wawata paqarichikuytawanñaqa nanayninmanta qonqapun, wawan paqarisqanmanta kusikusqanrayku.

Qheshwa Biblia DC

²¹ Onqoj warmeqa, wachakunan p'unchay chayamojtin llakikun; imaraykuchus horan chayamun; wawata wachakuytawantaj chay nanaymanta qonqapun, kusikuywan kay mundopi wawata nacichikusqanrayku.

DIOSPA QHELQACHISQ

²¹ Kayta nisunman: Onqoj warmeqa onqokushaspa ñak'arin. Jinapis wawata paqarichikuytawanñaqa nanayninmanta qonqapun, wawan paqarisqanmanta kusikusqanrayku.

Quechua South Bolivia: Dios Parlapawanchej

²¹ Yachanquichej onkocoj warmeka onkocunan hora chayamojtin llaquicun. Wawan nacecojtinñarí llaquiyninta manaña yuyaricunchu. Astawanrí cay pachapi uj wawa nacecuskanraycu cusicun warmeka.

San Juan 16:21 Referans Kwoze

Salmos 113:9

Mana wawa rejsej warmiman wawakunata qon, chay warmitaj wawakunayoj kasqanmanta kusikun. Tata Dios jatunchasqa kachun.

Isaías 13:8

Manchachikuywan kharkatiylla junt'aykonqa. Phutiywan, nanaywan ima paykunata jap'enqa, imaynatachus wijsallisqa warmi nanaywan q'ewiykachakun, ajinata. Mancharisqa paykunapura qhawanakonqanku, imaraykuchus uyankupis p'enqaymanta pukayarenqa.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

Miqueas 4:10

Sión llajta, onqokushaj warmi jina nanaywan qhapariy, imaraykuchus runaykikuna qanmanta llojsenqanku, q'ara pampapi tiyamonqanku. Chaymantataj mana munaspapis, Babiloniaman apasqa kanqanku. Chaywanpis Tata Dios chaypi preciota pagaspa ayllunta kacharichenqa, awqanpa makinmantataj paykunata qhespichenqa.

Gálatas 4:27

Diospa Qhelqachisqanpi nin: Kusikuy, mana wawata rejsej warmi. Jatunmanta qhaparispa kusikuy, onqokoj warmej nanayninta mana rejsej, imaraykuchus saqerpayasqa warmeqa aswan ashkha wawayoj qosayoj warmimanta nisqaqa, nispa.

Génesis 3:16

Chantá Tata Diosqa warmita nerqa: Onqoj kashaspa, sinch'i nanayta ñak'arinki, may jina nanaywantaj wawaykikunata paqarichikunki. Chaywanpis sonqoykeqa qosaykiman aysasonqa, paytajrí qanta kamachisonqa, nispa.

Isaías 21:3

Chayrayku tukuy ukhuy nanawan, paqarichikoj warmi imaynatachus nanaywan q'ewiykachakun, ajinata q'ewiykachakuni. Chay phutikusqayqa mana uyarejta saqewanchu, manchachikuywantaj mana rikuytapis atinichu.

Isaías 66:7

Sión llajta manaraj tiemponpi qhari wawata paqarichikorqa, manaraj nanaynin jap'ishajtin.

Miqueas 4:9

Kunanrí, imarayku ajinata qhaparinki, onqokushaj warmi jinari? Manachu qanpi kuraj kamachej tiyan? Chayrí yuyaychasojkuna wañupusqankuchu?

Job 11:16

Tukuy ñak'ariyniykimanta qonqapunki, pasarparej yakuta jina qonqapunki.